IBRANI 2:17 - Sura' Madatu

¹⁷ Iamoto anNa Ia dipapada mintu’ siulu’Na lan mintu’na, dikua anNa lan kamenomban langngan Puang Matua Ia mendadi Tominaa Kapua tu mamase sia maruru’, la usseroi mintu’ kasalanna taunNa.

IBRANI 2:17 ပူးပေါင်းရင်းမြစ်များ

2 OSSORANNA DATU 29:24

Natunumi mintu’ to minaa tu bembe’ iato sia napemalaran tu rarana diposuru’ pengkalossoran dao inan pemalaran iato, la umbasei kasalanna mintu’ to Israel, belanna mangkamo napa’parentan datu, kumua la den pemala’ ditunu pu’pu’ sia pemala’ pengkalossoran napopemala’ mintu’ to Israel.

YESAYA 11:5

La umpopa’bakkan kamaloloan sia la umpotambeke’ kamarurusan.

YEHEZKIEL 45:15

Iatu natuntunna misa’ domba ba’tu misa’ bembe’ dio mai sangtuntunan, ke duaratu’oi dio mai padang kariuanna Israel, tu buda uainna, la dipokande dipemalaran, sia dipopemala’ ditunu pu’pu’ sia dipopemala’ kasalamaran la umpadenanni pengkalossoran, kadanNa Puangta PUANG.

YEHEZKIEL 45:17

Apa iatu passanan tengkona arung la umbaa pemala’ ditunu pu’pu’, kande dipemalaran sia pemala’ pantedok, ke pa’gauran sia ke bulan ba’rui sia allo katorroan, iatu mintu’ allo madatunna to Israel. Sipatu la napennoloan tu suru’ pengkalossoran, iatu kande dipemalaran, iatu pemala’ ditunu pu’pu’ sia iatu pemala’ kasalamaran la umpadenanni pengkalossoran tu mintu’ to Israel.

YEHEZKIEL 45:20

Susi duka la mipogau’ to, ke allo ma’ pempitunnai bulan iato, belanna to tang naangga’i sia tang naissan, anna kasalan; la mipadenan pengkalossoran tu banua iato.

DANIEL 9:24

Pitungpulo minggunna dipamanassanni tu taummu sia kota maindanmu la ungganna’i tu kapatodo-tintingan sia la umpogau’i tu kasalan, sia la umbasei tu kakadakean, la umbaa kamaloloan sae lakona sia la ussanda tonganni patiro mendeata sia nabi, sia la umminnakki tu apa tarru’ maindan.

SURA’ KATOMINAAN 14:18

Iatu minna’ torropa diong pala’na to minaa la napalangngan ulunna to la dipamasero; susimoto tu to minaa umpadenanni kadiseroian kasalan dio oloNa PUANG.

SURA’ KATOMINAAN 16:16

Napasusimoto umpadenanni kadiseroian kasalan tu inan maindan belanna kamaruttakanna mintu’ to Israel sia belanna mintu’ kapatodo-tintingan diona mintu’ kasalanna; sia la napasusi dukamoto tu Tenda Kasitammuan tu dio lu tau iato mai lan tangngana mintu’ kamaruttakanna.

SURA’ KATOMINAAN 6:30

Apa iatu mintu’ suru’ pengkalossoran tu dibaa rarana tama Tenda Kasitammuan la umpaden pengkalossoran lan bilik maindan, tae’ nama’din dikande to; la ditunu pu’pu’ iato.

SURA’ KATOMINAAN 8:15

Natunumi anna otonni Musa tu rakka’na tama to’ rara, anna raranni tu tanduk inan pemalaran tiku lao sia naseroi dio mai kasalan tu inan pemalaran; iatu rara torronapa nabolloan diong to’ lette’ inan pemalaran; susimoto nanii umpamaindanni sia umpadenanni kadiseroian kasalan.

KADIBILANGAN 15:25

Attu iato to minaa la umpadenan kadiseroian kasalan mintu’ kasirampunan to Israel, anna dipagarri’ tu kasalanna, belanna tae’ naangga’i sia belanna napennoloan tu pamengan pemala’na lako PUANG dipopemala’ pantunu sola suru’ pengkalossoranna dio oloNa PUANG bannang dio kasalanna tu tae’ naangga’i.

ROMA 15:17

Iamoto tete dio Yesu Kristus angku massattuan diona kapekaalukan langngan Puang Matua.

ROMA 5:10

Belanna iake dipasikaeloki’ Puang Matua tete dio kamateanNa AnakNa, tonta kabiri’pa Puang Matua, ondong pissan, tonta mangkamo dipasikaelo, la ungkabu’tuiki’ kadikarimmanan diona katuoanNa.

EFESUS 2:16

kumua anna Ia umpasikaeloi Puang Matua tu patomalinna mendadi misa’ batang kale diona kayu pea’ta’, anna inde to Nanii umpa’dei tu kasiualian.

KOLOSE 1:21

Kamu te dolona sitoyangan sia siuali Puang Matua tu lanna penaammi, tu payan diona penggauran kadakemi,

IBRANI 10:21

sia belanna den kita misa’ Tominaa mala’bi’ta, tu umpoissan apa lan banuanNa Puang Matua.

IBRANI 2:11

Belanna iatu To ma’pamasallo’ sia to di pamasallo’, misa’ri garonto’na: iamoto Natae’ Ia anNa masiri’ unnaku siulu’i tu tau iato mai,

IBRANI 2:14

Iamoto belanna iatu mintu’ anak pada ma’rara ma’duku’, Ia duka unnala a’gan susito, kumua anNa bannang dio kamatean Nanii umputtai tu to untoe kuasa umpabu’tu kamatean, iamotu deata bulituk.

IBRANI 2:16

Belanna manassa tangia malaeka’ tu Natiroan, sangadinna bati’na Abraham Natiroan.

IBRANI 3:1

Iamoto e sangsiuluran masallo’ku, tu pada unnappa’ petamba dao mai suruga, pemantangkomi Rasulu’ na Tominaa Kapua tu mangkamo taaku, iamotu Yesu;

IBRANI 3:2

tu maruru’ lako To unturo ta’bai susi Musa lako (makalima’na) apa lan banuanNa Puang Matua.

IBRANI 3:5

Iatu Musa maruru’ lako makalima’na apa lan banuanNa Puang Matua susi to ruranan, la umpa’peissananni tu mintu’ apa la dipokada undinna,

IBRANI 4:14

Tu belanna den Tominaa Kapua ma’iringanta, tu umpasitarru’mo mintu’ langi’, Iamo Yesu, AnakNa Puang Matua, sipatu tatoe tu kapangakuan iato.

IBRANI 4:15

Belanna tae’ taampui tu Tominaa Kapua tang ungkaturu-turui kamalammaranta, sangadinna Iamotu mangka narampoi peroso lan mintu’na susi kita, apa tae’ Ia Nakasalan.

IBRANI 5:1

Belanna mintu’na tominaa kapua iamo diangka’ umbendanan tolino diona kamenomban langngan Puang Matua, kumua anna ia umpennoloan pemala’ sia suru’ belanna mintu’ kasalanna tau;

IBRANI 5:10

anNa gantii Puang Matua Tominaa Kapua unturu’ lalanna Melkisedek.

IBRANI 5:2

sia tu ma’dinna umpama’tanan penaa to tang paissan sia to pusa, belanna ia duka nakapu’ kamalammaran;

IBRANI 5:5

Susi duka Kristus tae’ na Ia umpamala’bi’ Kalena kumua la mendadi Tominaa Kapua, sangadinna Puang Matua Ia tu mangka ma’kada lako Kalena kumua: Kamumo AnakKu; allo iate KudadiangKomi,

IBRANI 6:20

dio inan Naniimo Yesu mentama mendadi Panglalan belanna kita, tu mendadi Tominaa Kapua sae lakona unturu’ lalanna Melkisedek.

IBRANI 7:26

Belanna pato’ lako kita misa’ Tominaa Kapua susito, iamotu masallo’, tae’ Nakasalan, tae’ attanganNa, dipamarimbangan dio mai mintu’ to kasalan sia dipamatande anna mintu’ langi’,

IBRANI 7:28

Belanna iatu Sukaran aluk unturo ta’ba to malamma’ mendadi Tominaa Kapua, apa iatu lise’ sumpa tu undinna, na Sukaran aluk, unturo ta’ba Anak mendadi Tominaa Kapua tu sundun tontong sae lakona.

IBRANI 8:1

Lan mintu’na apa kipokada susito iamo ma’iringanna te, to kumua: Den misa’ Tominaa Kapuata tu susinnato, tu unno’ko’ dio sa’de kanan isunganNa Topatodoranna dao suruga.

IBRANI 8:3

Belanna mintu’ tominaa kapua dituro ta’ba la umpennoloan pemala’ sia pesuru’, iamo bannangnato anna pato’ den apa dio Kalena tu Tominaa iate la Napemalaran.

IBRANI 9:11

Apa saemo tu Kristus mendadi Tominaa Kapua, tu oto’na mintu’ kameloan la bu’tu, unnolai tenda la’bi kapua sia la’bi sundun, tangia panggaraga lima, battuananna tangia lu dio mai te lino,