IBRANI 13:9 - Sura' Madatu

⁹ Da napapusakomi ma’rupa-rupa pangadaran makalaen-laen, belanna iatu tonganna, melo ke napabatta’i pa’kamaseanNa Puang Matua tu penaanta, tangia ma’rupa-rupa kande, tu tae’ gai’na lako to umpogau’mi tu iannato.

IBRANI 13:9 ပူးပေါင်းရင်းမြစ်များ

PA’PUDIAN 112:8

Batta’ tu penaanna sia tae’ anna mataku’ len, sae lako natirona situang kaparannuan tu kamandasanna mintu’ ualinna.

MATIUS 24:24

Belanna ba’tu pira-pira tu Kristus tang tongan sia nabi tang tongan la bendan, tu umpabu’tu tanda kalle-kallean tongan sia penggauran memangngan, kumua anna ma’papusa moi na iatu to ditonno’, ke la ma’din siai.

MATIUS 24:4

Mebalimi Yesu sia Nakua ungkuanni: Kanandai tonganni, den manii tau umpapusakomi.

LUKAS 5:38

sangadinna iatu anggoro’ ba’ru sipatu dipatama kiriba’ ba’ru.

PENGGAURANNA RASULU’ 20:30

Kamu kalena denkomi ba’tu pira-pira la bendan umpalolang pangadaran sala la umpatilaoi penaanna tu mai to menturu urrundu’i.

PENGGAURANNA RASULU’ 20:32

Na totemo kusorongkomi lako Puang sia lako kada pa’kamaseanNa, tu kuasa umpabatta’komi sia umpa’kamaseanni lako kalemi tu mana’ sola tu mintu’ to dipamaindan.

ROMA 14:17

belanna iatu ParentaNa Puang Matua tangia diona kande ba’tu diiru’na, sangadinna kamalamburan sia kamarampasan sia kaparannuan tete dio Penaa Masallo’.

ROMA 14:2

Belanna den tau unnala dioi kapatongananna nasangai ma’din ungkande mintu’na kande, apa iatu to langga’ lan kapatongananna utan-utan manna nakande.

ROMA 14:6

Minda-minda tu ungkasiri’ allo, diona Puang nanii ungkasiri’i, sia minda-minda tu ungkandei, diona Puang nanii ungkandei, belanna ma’kurre sumanga’ lako Puang Matua; sia minda-minda tu tang ungkandei, diona Puang nanii tang ungkandei sia ma’kurre sumanga’ duka lako Puang Matua.

1 KORINTUS 6:13

Iatu kande kandena tambuk, sia iatu tambuk tambukna kande, apa iatu iannato la Nasabu’i dua Puang Matua. Apa iatu kale tangia la napoparea gau’ sala, sangadinna la Napoparea Puang, sia iatu Puang oto’ kameloanna kale.

1 KORINTUS 8:8

Tonganna iatu kande tae’na ia mebaa lako Puang Matua. Iake tae’i takandei, tae’ra tapokurang, iake takandei tae’ra tapolosong.

2 KORINTUS 1:21

Ia tu mangka umpamanda’kan lan Kristus sia kamu duka na iatu mangka untokkokan, Iamotu Puang Matua;

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

EFESUS 4:14

kumua damo anta mapia-pia tikalulun-lulun susi bombang sia nairi’ lu lako lu dio mai ma’rupa-rupa angin pangadaran, diona pakenanna tau sia pakira-kiranna, tu mebanna lako tangnga’ mepapusa,

EFESUS 5:6

Da naden misa’ tau umpapusakomi napokadan kada tang kebattuan; belanna iamora napobannang to anna rampoi kasengkeanNa Puang Matua tu mai to battuk.

KOLOSE 2:4

Ia sia kupokadai te, dikua da naden misa’ tau umpakenakomi kada pelono’.

2 TESALONIKA 2:17

umpakatana penaammi sia umpabatta’komi lan mintu’ penggauran sia kada maelo.

2 TESALONIKA 2:2

da anna madomi’ tu penaammi saling sia tigiang, la tete dio pa’paombo’na penaa, la tete dio kada, ba’tu tete dio sura’, tu disanga lu dio mai kaleki, butung to saemo tu alloNa Puang.

1 TIMOTIUS 6:20

E Timotius, karitutui tu pangingko’ dipa’pekambiran lako kalemu, sia boko’i tu ulelean punala bang sia tae’ gai’na sia kasita’genan ussita’genni kapaissanan tang pato’ disanga kapaissanan;

1 YOHANES 4:1

E mintu’ pa’kaboro’ku, da mipatongan bangi tu anggenna penaa, sangadinna sudi dolo tu mintu’na penaa iato, ba’tu la lu dio siai mai Puang Matua; belanna budamo nabi tang tongan bu’tu lan lili’na lino.

YUDAS 1:12

Tau iamote mai tu umpaattangan mintu’ kakumandean umpotete pa’kaboro’mi, ke kumandekomi sola tau iato mai tae’ naissanni tu siri’, ungkilalai misa bang kalena; butung to gaun tang untambuk uai, nairi’ angin male lao, sia susi garonto’ kayu tang membua ke tampak pealloanni, penduan mate sia tibuak sae lako aka’na;

YUDAS 1:3

E mintu’ pa’kaboro’ku, iatongku pengkullei tongan-tonganni massura’ lako kalemi diona kamakarimmananta sola, nasangami lan penaangku la massura’na’ umpakilalakomi, ammi pengkullei umpangeai tu kapatonganan dipissanni disorong lako mintu’ to masallo’.