IBRANI 13:7 - Sura' Madatu

⁷ Kilalai tu mai panglalanmi tu to mangkamo umpokadangkomi kadanNa Puang Matua, palan ara’i tu tampak katuoanna, ammi alai sangka’ tu kapatongananna.

IBRANI 13:7 ပူးပေါင်းရင်းမြစ်များ

PA’TENDENG BALLO 1:8

– Iake tae’i muissanni, e iko, tu ma’iringanna maelo dio lu mintu’na baine, pelalanni tu lalan lette’na domba, sia kambi’i tu bembe’ birangmu sikandappi’ tu mai inan to mangkambi’.

MATIUS 24:45

Mindara tu kaunan maruru’ sia kinaa, tu napakuasa puangna umpoissan mintu’ rurananna la umpapantanni kande ke attunnaomi?

LUKAS 12:42

Nakuami Puang: Mindara tu to ma’kampa banua maruru’ sia kinaa, tu naangka’ puangna la ungkapalai mintu’ kaunanna, la umpapantanni kande, ke allu’naomi?

LUKAS 5:1

Den pissan nasisuang-suang tu tau lako Yesu, la umperangii kadanNa Puang Matua, tonna bendan dio randan tasik Genesaret.

LUKAS 8:11

Na iatu pa’pasusian inde sia tu battuananna: Iatu banne iamo kadanNa Puang Matua.

PENGGAURANNA RASULU’ 13:46

Apa batta’ tu Paulus sola Barnabas ma’kada nakua: Sipatu kamu la dolo dipokadan tu kadanNa Puang Matua, apa belanna mitumpu sia misanga tang sipatu katuoan sae lakona tu kalemi, angki lu lako kami to kapere’.

PENGGAURANNA RASULU’ 14:23

Iatonna mangkamo umpamanassanni tu mai penatuanna ke misa’oi kombongan, namassambayang sia ma’puasa, nasorongmi tu tau lako Puang napatongan.

PENGGAURANNA RASULU’ 4:31

Iatonna mangkamo massambayang, tiseno-senomi tu inan nanii sirampun, anNa ponnoi Penaa Masallo’ sola nasangi, anna batta’ umpokadai tu kadanNa Puang Matua.

ROMA 10:17

Na susito, manassamo kumua iatu kapatonganan bannang dio kareba mangka dirangi, na iatu kareba mangka dirangi tete dio kadanNa Kristus.

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.

1 KORINTUS 11:1

La mituru’ tu gau’ku, susi aku unturu’ gau’Na Kristus.

1 KORINTUS 4:16

Iamoto kupakilalakomi: turu’i tu gau’ku.

FILIPI 3:17

E sangsiulurangku, la mituru’ sola nasang tu gau’ku, sia palan penaai tu gau’na mintu’ tau susito, susi kami te dadi sangka’ lako kalemi.

1 TESALONIKA 1:6

Na kamu te to menturu’ lakomokomi kaleki sia lako Puang; moi anna lambi’komi ba’tu pira-pira kamaparrisan, mangkamo mitarima tu kada iato situru’ kaparannuan lu dio mai Penaa Masallo’,

1 TESALONIKA 2:13

Iamo bannangnato anna tae’ duka ka’tungki ma’kurre sumanga’ langngan Puang Matua, belanna iatommi tarimami tu kadanNa Puang Matua, tu kipalolang, tae’ mitarima susii kada tolino, sangadinna susitu tonganna inang den, iamotu kadanNa Puang Matua, tu mengkarang duka lan kalemi, tu kamu ma’patonganna.

2 TESALONIKA 3:7

Belanna miisan kalena, kumua umba tu sipatunna la mikua unturu’ sangka’ki, belanna iatu gau’ki dio lu kamu tae’ natang ma’rundunan;

2 TESALONIKA 3:9

Tangia kumua belanna tae’ kipato’, sangadinna angki padadi kaleki misa’ sangka’ sipatu la mituru’.

1 TIMOTIUS 3:5

Apa iake tang naissanni tu tau umparenta to lan banuanna, umba la nakua ungkambi’i tu kombonganNa Puang Matua?

IBRANI 13:17

Mengkaolakomi lako panglalanmi sia turu’i; belanna tau iato mai ungkaritutui deatammi, apa iamo la umpebalii, kumua anna parannu ungkarangi tu pentoean, tangia la sumarroi; belanna iatu susinnato tae’ bua’na lako kalemi.

IBRANI 13:24

Salama’ lako mintu’ panglalanmi sia lako mintu’ to masallo’. Na iatu to dio mai tana Italia umparampo salama’na mati’ kalemi.

IBRANI 6:12

dikua da ammi matukkun, sangadinna la unturu’komi sangka’na tu mai to umpomana’ mintu’ tu Naallu’na Puang Matua belanna kapatongananna sia kama’tanan penaanna.

1 PETRUS 4:11

Iake den tau ma’ulelean, sipatu ma’ulelean susito umpokada kadanNa Puang Matua; iake den tau ungkamayai solana, sipatu naturu’ tu kamatotoran Nakamaseanni Puang Matua; anna dipakala’bi’ tu Puang Matua lan mintu’na tete dio Yesu Kristus; lu lako Kalena tu kamala’biran sia kapaan tontong sae lakona. Amin.

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 20:4

Pakalan kutiromi tu ba’tu pira-pira isungan kapayungan den tau unno’ko’ dao, nadiben kuasa ma’paolai salu; sia kutiropa tu mintu’ bombona to dipoloi ulunna belanna mentoe lako apa Nakatottonginna Yesu sia kadanNa Puang Matua, sia iatu to tang umpenombai olo’-olo’ iato sola rapang-rapang dipodeatanna, sia iatu to tang untarima tandana dio kidena ba’tu dio limanna. Mintu’ tau iato mai tuo sule anna ma’parenta sisola Kristus sangsa’bu taunna.

KADA OMBO’ LAKO RASULU’ YOHANES 6:9

Iatonna bungka’mi Anak domba tu ca’ ma’pellimanna, kutiromi diong to’ inan pemalaran tu mintu’ bombo mendeatanna to mangka dipatei belanna kadanNa Puang Matua sia belanna pa’katottongan natoe tau iato mai.