IBRANI 13:5 - Sura' Madatu

⁵ Toyangangkomi kalemi dio mai umpa’budai doi’, sia posilasanni tu apa denmo dio kalemi; belanna Puang Kalenamo tu mangka ma’kada, kumua: Inang tae’ angKu la ussa’biangangko, sia inang tae’ angKu la untampeko.

IBRANI 13:5 ပူးပေါင်းရင်းမြစ်များ

KADADIAN 28:15

Manassa la Kurondongko sia la Kurinding pala’ko umba-umba muola sia la Kupasuleko indete padang iate, belanna tae’ angKu la untampeko sae lako Kupogau’na tu apa mangka Kuallu’ lako kalemu.

KADADIAN 30:31

Nakuami tu Laban: Apara tu la kubenko? Mebali Yakub: Moi misa’ apa da’omo mibenna’; ke la mia’ga susimora’ te, kulaaimira sia kukampai polemira tu dombami sia bembe’mi.

KADADIAN 31:5

Nakuami tu Yakub lako: Kutiro tu lindona ambe’mi, tae’mo namatana susi dolona, apa Narondong siamo’ Kapenombanna ambe’ku.

1 DATU 6:13

kumua la torroNa’ dio lu to’ to Israel sia tae’ Kula untampei tu to Israel, taungKu.

1 DATU 8:57

Lalasia manii anNa rondongki’ PUANG, Kapenombanta, susitu Ia mangka urrondong nene’ to dolota; sangapaoi upa’ da Natampeki’ sia da Natumpuki’.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

PA’PUDIAN 10:3

Belanna iatu to tang mekaaluk ussattuan kalena unturu’ lalan penaanna, sia iatu to mesaro bu’tu kadake untendeng kalena sia umpa’kada solangi PUANG.

PA’PUDIAN 119:36

Pamalang lakoi kasa’biamMi tu penaangku, sia da Mipalulakoi ianan bu’tu kadake.

PA’PUDIAN 37:25

Puramo’ mangura, na totemo matuamo’, apa tae’ bangpa angku tiro to malambu’ ditampe, ba’tu iatu bati’na kapalaku-laku.

PA’PUDIAN 37:28

Belanna iatu PUANG ungkabarii katonganan, sia tae’ Natampei tu to Naala mase, tau iato mai makarimman sae lakona, apa iatu bati’na to tang mekaaluk la diroto’i.

KATASSURAN 2:21

Natarimami Musa tu palakunna tau iato, anna torro tu Musa lan banuanna anna benni tu anakna napobaine Musa, disanga: Zipora.

KATASSURAN 20:17

Da’ mukailui banuanna padammu ma’rupa tau, da’ mukailui bainena padammu ma’rupa tau, ba’tu solana muane, ba’tu solana baine, ba’tu sapinna, ba’tu keledainna, ba’tu barang apanna padammu ma’rupa tau.

SARAMBU PEADA’ 23:4

Da mubo’yo’i kalemu la morai sugi’, pamambelai tu pa’inaan iato.

YESAYA 41:10

Da mumataku’, belanna Kurondongko; da mumagiang mentiro tiku lao, belanna Akumo tu Kapenombammu, Kupamatoto’ko sia Kutundui dukako, sia Kusande’ dukako lima kananKu tu umpaden kasalamaran.

YESAYA 41:17

Iatu to mandasa sia to mase-mase, undaka’ uai, apa tae’, marakkekmo tu lilana ma’rang; Akumo tu PUANG, la untananni talinga tu tau iato mai; Akumo Kapenombanna Israel, tae’ angKu la untampe lenni tu tau iato mai.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YEREMIA 6:13

Belanna tau iato mai randuk dio mai to bitti’ sae lako to kapua undaka’ bang saro bu’tu kadake; mintu’nato ma’pakena nasang; la nabi la to minaa.

YEHEZKIEL 33:31

Rampomi tu tau iato mai mati’ kalemu ma’lole’-lole’, anna unno’ko’ dio tingayomu susito kombongangKu sia naperangi tu kadammu, apa tae’ naturu’i; kada kaboro’ lan sadangna, apa iatu penaanna umparinaa-naa bang saro bu’tu kadake.

MATIUS 6:19

Da’ mipakombongan ianan kalemi lan te lino tu naninna busung sia ta’ga’ umbala’-bala’i, sia to boko ullo’po’ banua anna boko,

MATIUS 6:25

Iamoto Kukua lako kalemi: Da miposelangi tu katuoammi, tu kumua: apa tu la mikande ba’tu la miiru’, ba’tu diona kalemi, kumua apa tu la mipake. Tae’raka nalosong tu penaa na iatu kande, sia kale na iatu tamangkale?

MATIUS 6:34

Iamoto da miposelangi tu allo masaa, belanna iatu allo masaa den toda ia tu naposelangna. Silasamo ke pantan denni ia kamasussanna ke sangallooi.

MARKUS 7:22

pasandak salu lako rampanan kapa’, kamanengkengan, kabulitukan, patangnga’, barak, mailu mata, kada solang, kamatampoan, kabagan.

LUKAS 3:14

Dennomi surodadu mekutana lako, nakua: Na iatu kami, apara tu la kipogau’? Nakuami lako: Moi misa’ tau da mipakario-rioi, sia da mialai apanna tau sia pasilasan bangmi tu gadimmi.

LUKAS 8:14

Na iatu rondonna tama to’ tangnga duri, iamotu tau umperangii na samasai-sainna sanatalo-taloinna kamasarasan na kasugiran na kaparannuan lan te lino, dadi tae’ namembua tongan.

ROMA 1:29

ponno anggenna kakelokan, kakadakean, kabasisi-inaan, kabulitukan, nakabu’ kamagallian, kapapatean, kasigagan, lando pa’du, patua’ ba’tang;

1 KORINTUS 5:11

Apa totemo kupalanangkomi sura’ kumua da misirau-rau tau, moi to disanga siulu’, ke to ma’gau’ sala ba’tu to maduang lako ianan, ba’tu to umpenombai deata, ba’tu to manura’, ba’tu to pa’malangoan ba’tu to pakira-kira: da’ mikumande sola tu to susito.

1 KORINTUS 6:10

sia to boko sia to maduang lako ianan sia to pa’malangoan sia to manura’ sia to pakira-kira, mintu’nato tae’ nala umpomana’ ParentaNa Puang Matua.

2 KORINTUS 4:9

dipakario-riokan apa tae’ angki disa’biangan; dipemparrakangkan apa tae’ angki sanggang.

EFESUS 5:3

Apa iatu gau’ sala sia mintu’ penggauran maruttak ba’tu kabasisi-inaan, da naden len disa’bu’ kumua denkomi umpogau’i, susi tu gau’ sipato’na to masallo’.

EFESUS 5:5

Belanna iate pengkilalai tonganni, kumua tae’ ia tu to ma’pangngan buni ba’tu to maruttak ba’tu to basisi inaa – tu samanna to umpenombai deata – umpotaa mana’ lan ParentaNa Kristus sia Puang Matua.

PA’TOLE 31:6

La matoto’komi sia barani, da mimataku’ sia ma’parondo lako tau iato, belanna PUANG, Kapenombammumo, Kalenamo ussolangko; tae’ Nala ussa’biangangko sia tae’ Nala untampeko.

PA’TOLE 31:8

Belanna PUANG Kalenamo la male undoloangko sia Iamo la musisolan. Tae’ Nala ussa’biangangko Puang sia tae’ Nala untampeko; da mumataku’ sia da mutiramban.

PA’TOLE 4:31

Belanna iatu PUANG, Kapenombammu, iamo Kapenomban, masokan, tae’ Natampeko sia tae’ Nasanggangko sia tae’ Nakalupai tu basseNa sola nene’ to dolomu, tu Natananan sola Napalaoi sumpa.

KOLOSE 3:5

Pamatemi tu mintu’ lesoan kale a’gan lino, iamotu: pa’pangngan buni, kamaruttakan, kamoraian, pa’poraian kadake, sia kabasisi-inaan, tu samanna memala’ lako deata;

1 TIMOTIUS 3:3

tang pa’anggoro’, ba’tu passiboboran, sangadinna to sallo’ penaanna, tangia to passite’geran sia tangia to ungkaduangi doi’;

YOSUA 1:5

Moi misa’ tau tae’ la unnattai bendan dio olomu lan mintu’ allo katuoammu, susi dolona Kurondong tu Musa, susi dukato Aku la urrondongko; tae’ Kula ussa’biangangko sia tae’ angKu la untampe lenko.

YOSUA 7:21

Belanna kutiro lan to apa dirampa sanglamba’ bayu lamba’ Sinear, lendu’ melona, sia dua ratu’ sikele’ salaka sia sanglongki’ bulaan, tu limangpulo sikele’ magasanna, kukamoraimi, angku alai. Mintu’na to kubuni diong padang lan tangnga-tangnga tendaku sia iatu salakana diongna lu.

2 PETRUS 2:14

Mentia’-tia’ bang tu matanna ma’gau’ sala sia tang natorei umpogau’ kakadakean, nadaai tu to tang bantang penaanna, umpopa’biasa basisi penaanna, anak-anak ditampakki ropu;

2 PETRUS 2:3

Belanna kabasisi-inaanna nala undaka’ saro dio mai kalemi umpokada kada passede. Masaimo tumaya tu ukungan la urrampoi sia ia duka tu kasangganganna ma’kampa bangmo.

YUDAS 1:11

Upu’ allona tau iato mai, belanna unturu’mo lalanna Kain, sia mentu’mu’mo tama peroso sarona Bileam, anna sanggang diona pabali-balinna susi Korah.

1 SAMUEL 10:7

Iake sae nasangmi te tanda iate lako kalemu, pogau’mi tu ma’dinna mupogau’, belanna Puang Matua urrondongko.

1 SAMUEL 12:22

Apa tae’ Natibei PUANG tu taunNa, belanna sanga kapuaNa. Inang Nakaelo’i PUANG umpadadikomi taunNa.