IBRANI 13:4 - Sura' Madatu

⁴ La mikasiri’ tu rampanan kapa’ sola nasang sia da mipolulluranni tu kasibalian; belanna iatu to ma’pangngan buni sia to pasandak salu lako rampanan kapa’ la Naukung Puang Matua.

IBRANI 13:4 ပူးပေါင်းရင်းမြစ်များ

KADADIAN 2:21

Napamamma’ kalupi-lupiammi PUANG Kapenomban tu tolino, anna leppeng Naalami tu usukna sangbamban, Napakemunni duku’ tu pangalaian.

KADADIAN 2:24

Iamoto anna la untampe ambe’na sia indo’na tu muane anna la’ka’ lako bainena, anna mendadi sangbatang kale sola duai.

2 DATU 22:14

Malemi tu to minaa Hilkia sia Ahikam sia Akhbor sia Safan sia Asaya lako Hulda, nabi baine, bainena Salum, to ma’kampa pakean, anakna Tikwa, anakna Harhas. Iatu Hulda torro dio Yerusalem lan kampong ba’ru. Anna sipa’kada-kada tau iato mai tu baine iato.

AYUB 31:12

Manassa iatu iannato susito misa’ api ma’kande pura sae lako sanggangna sia ulletta’i tu bura ra’ta’ku.

YESAYA 8:3

Sangampa’mo’ nabi baine, anna ma’tambuk sia undadian misa’ pia muane. Nakuami tu PUANG ungkuanna’: La musanga: Maher-Syalal, Hash-Bas.

SURA’ KATOMINAAN 15:18

Iake misa’ muane sikoko’ misa’ baine, anna kasunan, la mendio’ sola duai, anna maruttak sae lako makaroen.

SURA’ KATOMINAAN 18:20

Da musangampa’ bainena padammu ma’rupa tau, miurunganni pada maruttak.

MALEAKHI 3:5

La Kureke’komi ma’paolai salu, sia madoi’Na’ umpasalai tu to balik mata, tu to pasandak salu lako rampanan kapa’, tu to umpalao sumpa tang tongan, tu to umpatadang sarona to sumaro, tu to umpakario-rio baine balu sia pia biung, tu to untumpu to sae, apa tae’ nakataku’Na’, kadanNa PUANGna mintu’ ma’dandan maritik.

1 KORINTUS 5:13

Apa iatu to salian Puang Matua la umpaolai salunna. Toyanganni tu to kadake lan mai kombongammi.

1 KORINTUS 6:18

Toyangangkomi kalemi dio mai gau’ sala! Iatu mai kasalan senga’, tu napogau’na tau, salianna sia ia kale; apa iatu to ma’gau’ sala, ia kalena kasalan lako kalena.

1 KORINTUS 6:9

Tae’raka miissanni kumua iatu to kelok penaanna tae’ naumpomana’ ParentaNa Puang Matua? Da mipusa. Iatu to ma’gau’ sala sia umpenombai deata, sia to paola boko’ sia muane diposangmatua sia to umposangmatua muane,

1 KORINTUS 7:38

Iamoto iatu to umpakemuane anakna baine, melo tu napogau’na sia iatu to tang umpakemuanei samelo-melona tu napogau’na.

1 KORINTUS 9:5

Tang sipaturakannika la ungkaloli’ misa’ baine siulu’ta tu kisibalianna, susitu mai rasulu’ senga’ sia iatu mai siulu’Na Puang sia Kefas?

2 KORINTUS 5:10

Belanna tae’ nasalai tang payan nasangki’ dio tingo isungan pangra’tasanNa Kristus, anta pantan untarimai tu pakkanna, tumba tu mangkanna tapogau’ tonta lanpa batang kaleta, la melo la kadake.

GALATIA 5:19

Iatu mintu’ penggauran kamoraian pa’kalean payan bang, iamotu: gau’ sala, kamaruttakan, passulo bongi,

GALATIA 5:21

kamagallian, kamalangoan, ma’dadu tambuk sia susinnato. Iatu mintu’nato kupokada dolomo lako kalemi, susitu mangka kupokadangkomi pirambongi’, kumua iatu to umpogau’i tu mintu’na apa susito, tae’ nala umpomana’ ParentaNa Puang Matua.

EFESUS 5:5

Belanna iate pengkilalai tonganni, kumua tae’ ia tu to ma’pangngan buni ba’tu to maruttak ba’tu to basisi inaa – tu samanna to umpenombai deata – umpotaa mana’ lan ParentaNa Kristus sia Puang Matua.

PA’TOLE 22:22

Iake diappa’i tu misa’ muane marassan sangampa’ baine kemuanemo, manassa la mate dipongko sola duai, tu muane mangka sangampa’ baine iato, sia ia duka tu baine. Susimoto la munii umpa’dei tu kakadakean dio mai Israel.

1 TESALONIKA 4:6

sia da miden misa’ umpogau’ kadake sia untampan saki inaa siulu’na lan tu iannato, belanna Puang Matua umpapakkanni tu mintu’nato, susitu inang mangkamo kipokada dolo sia kikatottongi lako kalemi.

1 TIMOTIUS 3:12

Iatu pa’kamaya la misa’ri bainena, sia la umparenta mana’pa anakna sia to lan banuanna.

1 TIMOTIUS 3:2

Iamoto sipatu la tae’ sayuanna tu to ma’panundu’ sia la misa’ dukari bainena, to umpama’tan penaanna, kinaa, massipa’, ungkarimmanni to lendu’, naissan unnadai’ tau,

1 TIMOTIUS 3:4

sangadinna to umparenta mana’pa to lan banuanna sia unnada’ kinaa anakna anna mengkaola lako kalena.

1 TIMOTIUS 4:3

Tu umpa’gagai ma’rampanan kapa’, sia umpemalii ma’rupa-rupa kande tu Napadadi Puang Matua, kumua nakandei situang kurre sumanga’ to ma’patongan, unnissan kamanapparan.

1 TIMOTIUS 5:14

Iamoto, iatu diongna penaangku, la kemuane nasang tu mai baine balu mangura, sia la ma’dadian tau sia ungkaritutui tu lanna banuanna, sia da anna benni lalan pa’posangan tu uali la nanii umpalele bekoki’.

TITUS 1:6

tu kumua minda-minda tu tae’ sayuanna, sia misa’ri bainena, sia ma’patongan tu anakna sia tae’ naditanda’ umpogau’ tang penggauran sia tangia to tang diada’.

IBRANI 12:16

sia da anna den tau ma’pangngan buni ba’tu tang mekaaluk susi Esau, napasituka’ kande sangkandean tu katonganan anak pa’bunga’.

KADA OMBO’ LAKO RASULU’ YOHANES 22:15

Apa la salian rinding tu mintu’ asu sia to patiro-tiro sia to ma’gau’ sala, sia mintu’ to papatean, sia mintu’ to umpenombai deata, sia minda-minda tu ungkamali’ kamo’rangan sia umparri-parrii.