IBRANI 13:2 - Sura' Madatu

² Da ammi masorro umpatoratu to sae, belanna dionamora penggauran susito, anna denmo tau umpatoratumo malaeka’, apa tae’ naissanni.

IBRANI 13:2 ပူးပေါင်းရင်းမြစ်များ

KADADIAN 18:1

Undinna ombo’mi tu PUANG lako Abraham dio to’ kayu tarpin Mamre, sirupang unno’ko’ tu Abraham dio to’ ba’ba tendana tonna sarrang allo.

KADADIAN 19:1

Rampomi tu malaeka’ sola duai lako tondok Sodom tonna makaroen; attu iato siappa’ unno’ko’ tu Lot dio to’ babangan tondok Sodom. Iatonna tiromi Lot, ke’de’mi male umpessitammui, tukkumi rapa’ rokko padang.

2 DATU 4:8

Den sangallo malemi tu Elisa lako Sunem. Denmi dio tu misa’ baine sugi’, tu umpalaku tonganni lako Elisa, kumua anna torro kumande. Undinnato, kemaleomi ullendu’i tondok iato, lendu’mi lako, anna kumande.

AYUB 31:19

ianna den len misa’ to salamba salao kutiro tang ma’tamangkale sia misa’ to mase-mase tang mennammu’;

AYUB 31:32

– moi misa’ to tama sae tae’ ma’bongi dio salian, iatu ba’baku kubungkaran to lumio’ –

YESAYA 58:7

Tangiaraka te tu puasa Kuporai kumua: la untaa-taako kandemu lako to tangdia’ sia umpopa’bongi to salamba salao mase-mase lan banuammu, iake untiroko misa’ to tang ma’tamangkale, la mupakei sia tae’ ammu la umpembunianni tu mai sangrara sangbu- kummu?

SURA’ KATOMINAAN 19:34

Iatu to sae misisolan la mipapada bangsiato ma’tondok dio lu kamu; la mukamasei susi batang kalemu, belanna mangkamokomi to sae lan tondok Mesir; Akumo tu PUANG, Kapenombammi.

MATIUS 25:35

Belanna iatongKu tangdia’, mipakandeNa’; ma’rangNa’ mipairu’Na’; torro to saeNa’, mitammuiNa’;

MATIUS 25:40

La mebali tu Datu, sia ma’kada lako tu tau, Nakua: Tonganna tongan Kukua mati’, kumua tumba tu mipogau’namo lako misa’ te siulu’ makario-rioKu, iamoto tu mipogau’ lako Kaleku.

MATIUS 25:43

torro to saeNa’, tae’ mitammuiNa’; ma’kale-kaleNa’, tae’ mitamangkaleiNa’; masakiNa’ sia lanNa’ pa’tarungkuan, tae’ mitollongiNa’;

PENGGAURANNA RASULU’ 16:15

Tonna mangkamo didio’ sola to lan banuanna, natamba-tambaimokan, nakua: Iake misanga siai kumua aku te to mengkaola lako Puang, maikomi ammi torro dio banuangku. Naparuku-rukumokan.

ROMA 12:13

Rokkoi tu kakuranganna to masallo’ sia matinuru’komi untoratu tau.

ROMA 16:23

Sia Gayus, tu untoratuna’ sola mintu’ to lan kombongan, umparampo salama’na lako kalemi. Salama’na Erastus sandan uainna tondok, sia Kwartus, siulu’ta.

1 TIMOTIUS 3:2

Iamoto sipatu la tae’ sayuanna tu to ma’panundu’ sia la misa’ dukari bainena, to umpama’tan penaanna, kinaa, massipa’, ungkarimmanni to lendu’, naissan unnadai’ tau,

1 TIMOTIUS 5:10

sia iatu kaleleanna diona penggauran melo, belanna ungkaritutui anakna, sia ungkarimmanni to lendu’, sia umbasei lentekna to massallo’, sia untundui to narua sussa, sia umpengkullei mintu’ penggauran melo.

TITUS 1:8

sangadinna to ungkarimmanni to lempang, umporai kameloan, kinaa, malambu’, masallo’, untaloi kalena,

1 PETRUS 4:9

Sipatukomi sikendek-kendekan tang naturu’ ma’nuku-nuku.

3 YOHANES 1:5

E pa’kaboro’ku, mangkamoko umpalolang maruru’ kalemu lan mintu’ penggaurammu lako sangsiuluran, moi anna tau iato mai to sae.