IBRANI 13:16 - Sura' Madatu

¹⁶ Sia da mimalilu umpa’pekitanan kamasokanan sia kamamasean belanna iatu pemala’ susito iamo Naporainna Puang Matua.

IBRANI 13:16 ပူးပေါင်းရင်းမြစ်များ

PA’PUDIAN 37:3

Posande’i tu PUANG sia pogau’i tu kameloan, mari’piko lan tana iate sia karitutui tu kamarurusan.

PA’PUDIAN 51:19

Iatu pesuru’ naala penaanNa Puang Matua, iamotu penaa rantang; iatu penaa rantang tang sirua-rua tae’ Mitiro bitti’i, o Puang Matua.

LUKAS 18:22

Iatonna rangimi Yesu to, Nakuami: Misa’pa tu musala. Balukampi tu mintu’na apa-apammu, ammu taa-taai lako to mase-mase, ammu ampui ianan lan suruga, mumane male mai undi urrundu’Na’.

PENGGAURANNA RASULU’ 10:38

tu diona Yesu to Nazaret, umba nakua Puang Matua mangka untokkoI Penaa Masallo’ sia kamatotoran. Tu male lumiling umpogau’ kameloan, sia umpamatana mintu’ to nasakkolo’ deata bulituk; tu belanna Narondong Puang Matua.

PENGGAURANNA RASULU’ 9:36

Den misa’ baine unturu’ Puang dio Yope disanga Tabita, ke dipallemba’i, battuananna: Dorkas; iato baine iato lendu’ budanna gau’ melo napogau’ sia pa’kamase napa’bengan.

ROMA 12:13

Rokkoi tu kakuranganna to masallo’ sia matinuru’komi untoratu tau.

GALATIA 6:10

Iamoto su’ding denpi palambi’ta, la umpogau’ki’ melo lako mintu’ tau, ontongpi lako mintu’ siulu’ padanta to ma’patongan.

GALATIA 6:6

Sipatu tu to diada’i kadanNa Puang umbenni kataananna tu to mangada’i.

EFESUS 4:28

Iatu to bokoan, da’mo naboko, sangadinna melo ke masara’i umpatangmari’pi limanna ungkarangi tu pengkarangan tang dipa’gagainna, anna den apa nabenni tu to tae’.

FILIPI 4:14

Apa melo tu penggaurammi, belanna unnalakomi sara’ diona kamaparrisangku.

FILIPI 4:18

Kutarima nasangmo sia losongmo na iatu silasanna; kala’biammo’, tongku tarimami dio mai Epafroditus tu pamengammi, susi bau busarungngu’ sia pemala’ naala penaanNa sia Naporai Puang Matua.

1 TESALONIKA 5:15

Pengkilalai tonganni, da naden misa’ duka tau umpasipakkanan kakadakean, sangadinna tontongkomi sipaularan kameloan sia unnula’ melo, lako mintu’ tau.

2 TESALONIKA 3:13

Apa iatu kamu te, e sangsiuluran, da mimasorro umpogau’ melo.

1 TIMOTIUS 6:18

Anna ma’gau melo sia umposugi’ penggauran melo, sia masokan, sia naporai mantaa-taa,

FILEMON 1:6

Massambayangna’ sangapaoi upa’ tu kasiduluanta lan kapatonganan naumpamatoto’ kapaissanan diona mintu’ apa melo, tu lanna kaleta diona Kristus.

IBRANI 6:10

Belanna tangia kumua tang unnola salunna tu Puang Matua Naurunganni tang ungkilalai tu penggaurammi sia pa’kaboro’mi lako sanganNa, tu mangka mipa’pekitanan tete dio kamangkammi ungkamayai mintu’ to masallo’ sia sae lako totemo mikamayai siapa.

3 YOHANES 1:11

E pa’kaboro’ku da muturu’i tu sangka’ kadake, sangadinna melona. Iatu to umpogau’ melo, lu dio mai Puang Matua; apa iatu to umpogau’ kadake, tae’pa anna tiro Puang Matua.