IBRANI 13:11 - Sura' Madatu

¹¹ Belanna iatu patuoan nabaa Tominaa Kapua rarana tama inan maindan belanna diona kasalan, ditunu pu’pu’ dio salian lili’na to’ tenda’.

IBRANI 13:11 ပူးပေါင်းရင်းမြစ်များ

KATASSURAN 29:14

Apa iatu mintu’ duku’ sapi laki sia balulangna sia lanna tambuk barinni’na la mutunu pu’pu dio salian to’ tenda; iamoto tu suru’ pengkalossoran.

YEHEZKIEL 43:21

Mangkato la muala tu sapi laki diposuru’ pengkalossoran, anna tunu pu’pu’i tau dio inan dipamanassanni dio banua, dio salianna inan maindan.

SURA’ KATOMINAAN 16:27

Iatu sapi laki diposuru’ pengkalossoran sia bembe’ laki diposuru’ pengkalossoran, tu dibaa rarana la umpadenan kadiseroian kasalan lan inan maindan, la nabaa tau lako salian to’ tenda, naditunu pu’pu’ tu balulangna, duku’na sia tai lanna tambuk barinni’na.

SURA’ KATOMINAAN 6:11

Mangkato la nalendokan tu pakeanna, anna ma’pakean senga’, anna baai tassu’ tu au iato lan mai to’ tenda lako misa’ inan masero.

SURA’ KATOMINAAN 6:30

Apa iatu mintu’ suru’ pengkalossoran tu dibaa rarana tama Tenda Kasitammuan la umpaden pengkalossoran lan bilik maindan, tae’ nama’din dikande to; la ditunu pu’pu’ iato.

SURA’ KATOMINAAN 9:11

Apa iatu duku’na sia balulangna natunu mampu’ dio lu salianna to’ tenda.

SURA’ KATOMINAAN 9:9

Nabaami anakna Harun tu rara iato lako anna otonni tu rakka’na tama to’ rara iato nararanni tu tanduk inan pemalaran; na iatu rara torronapa nabolloan lako to’ lette’ inan pemalaran.

KADIBILANGAN 19:3

La misorong lako to minaa Eleazar, anna baai tau lako salian to’ tenda sia la natunu dio tingayona.

KADIBILANGAN 19:7

La nabusukki to minaa tu pakeanna sia la mendio’, namane tama to’ tenda, apa iatu to minaa la maruttak sae lako makaroen.