IBRANI 12:9 - Sura' Madatu

⁹ Sia denmo tu ambe’ta diona rara buku unnada’ki’, sia takasiri’mo; tang mandu pato’riki’ka umpopengkaola kaleta lako Ambe’na mintu’ ma’rupa penaa iato, taurunganni tuo?

IBRANI 12:9 ပူးပေါင်းရင်းမြစ်များ

AYUB 12:10

Iatu deatanna mintu’ apa tuo, lan limanNa sia penaanna mintu’ ma’ rupa tau.

KATASSURAN 20:12

Kasiri’i tu ambe’mu sia indo’mu, anna dipamalambe’ tu sunga’mu lan tu tondok Nakamaseangko PUANG, Kapenombammu.

SARAMBU PEADA’ 30:17

Iatu mata untelle-telle ambe’na sia tang umbilang kamengkaolan lako indo’na, la natotokki kaduaya diong biring salu’-salu’ sia la nakande anak langkan maega.

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

YESAYA 38:16

O Puang, tete dio te mintu’na apa iate natuo tu tolino sia lan mintu’na te nanii tuo deatangku, kumua Puang umpamalekena’ sia umpatuona’.

YESAYA 42:5

Inde sia tu kadanNa Puang Matua, Iamotu PUANG, tu umpadadi sia umpalumbang batara, tu umballa’ lipu daenan sia mintu’ apa tuo lan; tu umpatamai penaa mintu’ to untongkonni kuli’na padang sia umpatamai sumanga’ tu mintu’ to lolang lan.

YESAYA 45:10

Upu’ allona tu to nakua lako misa’ ambe’ kumua: Apara mipadadi? Ba’tu lako misa’ indo’: Apara mipangurriasan?

YESAYA 57:16

Belanna tae’ angKu la tontong sae lakona ullo’bo to lino sia tae’ nala tae’ upu’na tu kasengkeangKu; iake susito la ka’tu sunga’na tu to lino dio oloKu, anna Aku kalena umbenni penaa.

YEHEZKIEL 22:7

Lan lu tangngamu dipamatuna tu mai indo’ sia ambe’; sia lan lu tangngamu dipakario-rio tu to sae, sia lan lu kotamu dibala’-bala’ tu pia biung sia baine balu.

SURA’ KATOMINAAN 19:3

Pantankomi la ungkasiri’ indo’mi sia ambe’mi sia la ungkaritutui tu allo katorroangKu: Akumo tu PUANG, Kapenombammi.

ZAKHARIA 12:1

Inde sia tu kada Napa’petanggungan Puang Matua, iamotu kadanNa PUANG diona Israel. Susite tu kadanNa PUANG, tu umballa’ langi’ sia umparandanganni lino sia ungkombong penaanna tolino lan ba’tengna.

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

KADIBILANGAN 16:22

Attu iato lumbangmi sola dua rokko padang, anna ma’kada nakua: O Puang Matua, Kapenombanna sunga’na mintu’ batang kale; iake misa’ri muane kasalan, la re’dekraka ara’Mi lako mintu’ kasirampunan?

KADIBILANGAN 27:16

Iatu PUANG, Kapenombanna penaanna mintu’ apa tuo, la unnangka’ misa’ muane umpangului tu kasirampunan,

LUKAS 18:2

Nakua: Lan misa’ tondok den misa’ to mangra’ta’ kara-kara tae’ namataku’ langngan Puang Matua, sia tae’ bang tau nasanga moi misa’ duka.

LUKAS 18:4

Lendu’mo masainna moka bang tu to mangra’ta’ kara-kara, apa undinna nakuami lan penaanna: Moi natae’ kumataku’ lako Puang Matua sia moi tae’ bang tau kusanga misa’ duka;

YOHANES 3:6

Iatu nadadianna kale, kale bangsiami; iatu nadadianNa Penaa, Penaa bangsiami.

PENGGAURANNA RASULU’ 2:30

Apa belanna ia misa’ nabi anna issanni tu Nasibasseinna Puang Matua kumua misa’ to sun dikalena, tarukna la Napaunnisung dao isungan kapayunganNa,

ROMA 1:3

tu diona AnakNa, tu kea’gan kale tolino, dadi lu dio mai tarukna Daud,

ROMA 9:3

Kenna la ma’din kukaringnganan aku te kaleku narua tampak ropu diali’ dio mai Kristus diona mintu’ siulu’ku, sangdadiangku tu mai sangrara sangbukungku,

ROMA 9:5

tu umponene’i tu mai to dolo, dio duka mai to Israel nanii bu’tu Kristus diona a’gan kale tolinoNa, Kapenomban sipatu dipudi sae lakona! Amin.

PA’TOLE 27:16

Tampak ropu lako to umpamatuna ambe’na ba’tu indo’na. Anna mintu’ bangsa mebali nakua: Amin.

YAKOBUS 4:10

Sipatukomi la umpamadiong kalemi dio oloNa Puang, na Ia la umpamalangka’komi.

YAKOBUS 4:7

Sorongkomi kalemi lako Puang Matua, ammi eai tu deata bulituk, nasorong boko’ dio mai kalemi.

1 PETRUS 5:6

Iamoto la mipamadiongan tu kalemi diong to’ lima matoto’Na Puang Matua umpoissan angge maritik, anNa pamalangka’komi ke attunNami.

KADA OMBO’ LAKO RASULU’ YOHANES 22:6

Nakuami lako kaleku: Mintu’ kada iate matappa’ sia tonganna. Iatu Puang Matua, Puangna mintu’ penaanna nabi, ussuamo malaeka’Na umpakitanni mintu’ taunNa tu apa tae’ anna salai tang la dadi madoi’.