IBRANI 12:23 - Sura' Madatu

²³ sia lako pa’maruasanna sia kombonganna mintu’ anak pa’bunga’, tu mangka disura’ sanganna lan suruga sia Tomangra’ta’, iamo Kapenombanna mintu’ tau, sia lako bombona mintu’ to malolo dipasundunmo,

IBRANI 12:23 ပူးပေါင်းရင်းမြစ်များ

KADADIAN 18:25

Toyang ia tondonna lalan dio mai Puang la umpogau’i tu susinnato, la umpasipatei to kadake tu to malambu’, butung Napasangtinti to kadake tu to malambu’; toyang ia tondonna lalan dio mai Puang to. Ma’apari Ia tu To Ma’paolai salunna te mintu’ lino anna tae’ra Nala umpasalunnai tu salunna?

PA’PUDIAN 111:1

Haleluya! La umpudina’ PUANG situang penaa kalebungku, lan kombonganna sia tinimbunna to bulo lollong.

PA’PUDIAN 69:28

Tompoi sala tu salana tau iato mai, naurunganni tang nalambi’ kadibilangan malolo dio mai Kalemi.

PA’PUDIAN 89:27

La ma’kada lako Kaleku kumua: Kamumo tu Ambe’ku, Kapenombangku sia buntu batu kasalamarangku.

PA’PUDIAN 89:7

Belanna mindara lan ba’tangna langi’ tu ma’din la dipasitenderan PUANG? Sia mindara tu mai disanga pekapuangan tu la sitinti batunna PUANG?

PA’PUDIAN 94:2

Ke’de’Komi, o To ma’paolai salu lako te lino, parampoi pepakkan tu mintu’ to matampo.

PA’PUDIAN 96:13

Dio oloNa PUANG, belanna la sae, manassa la sae la umpaolai salunna lipu daenan; la Napaolai malambu’ salu te lino, sia mintu’ bangsa sitinaya kamarurusanNa.

PA’PUDIAN 98:9

Dio oloNa PUANG, belanna la sae umpaolai salu tu lino; anNa tang pakayun bimbang umpaolai salunna te lipu daenan, sia iatu mintu’ bangsa sitinayanna.

KATASSURAN 13:2

Pamarimbanganni lako Kaleku tu mintu’ pa’bunga’, tu bunga’na urrubak pa’tambukan dio lu to Israel la to lino la patuoan; Aku tu Puangna.

KATASSURAN 32:32

Totemo ke ma’dinni, Mipa’dei salana tau iato mai; iake tae’i, puttaina’ lan mai sura’Mi tu mangka Misura’.

KATASSURAN 4:22

Attu iato la ma’kadako lako Firaun, kumua: Susite tu kadanNa PUANG: Iatu Israel anakKu muane, iamo anak pa’bunga’Ku.

TOMANGADA’ 12:7

sia iatu litak sule rokko padang, susi a’gan dolona, sia iatu penaa sule lako Puang Matua, tu mangka ungkamaseanni.

YEREMIA 31:9

Anna sae tu tau iato mai situang tangi’na, AngKu solanni natontong mengkamoya-moya; la Kusolan lako to’ salu’-salu’ dio lalan marante, tu tae’ nanii titodo lette’na. Belanna Aku napoambe’ Israel na Efraim iamo anak pa’bunga’Ku.

LUKAS 10:20

Apa da naparannu penaammi, belanna mengkanorong lako kalemi tu deata masussuk, sangadinna iari la napoparannu penaammi, tu disura’ lan suruga tu sangammi.

YOHANES 5:27

Sia Naben kakuasan lako la umpogau’i tu pangra’ta’, belanna Iamotu Anak rampan dilino.

PENGGAURANNA RASULU’ 20:28

Kanandai tu kalemi sia mintu’ tu to sangtuntunan, tu Nanii umpamanassakomi Penaa Masallo’ dadi to mangkambi’, la ungkambi’i tu kombonganNa Puang Matua, tu mangka Nala’bak raraNa kalena.

1 KORINTUS 13:12

Belanna totemo te untiroki’ apa tang manassa lan sammin; apa iake attu iato la sitontongan rupaki’. Totemo te buda tang palambi’na kapaissanangku, apa attu iato la kutandai susitu kaditandaiangku.

1 KORINTUS 15:49

Naumba tapakua unnangkaranni a’ganna tu lu diona mai te lino, ten dukamoto la tapakuanni umpakei tu lu daona mai suruga.

1 KORINTUS 15:54

Apa ianna angkarammi tampa la sanggang tu tang sanggangna, sia ianna angkarammi tampa la mate tu tang la matena, maneri nalambi’ te kada disura’, nakua: Naampello’mo kapataloan tu kamatean.

2 KORINTUS 5:8

Apa batta’ tu penaanta sia tala’biran untampei te kale iate, anta tama banuanNa Puang.

EFESUS 1:22

Sia mintu’na angge maritik Napopengkanorong Puang Matua diong to’ lentekNa, sia Nakamasean kombongan mendadi pennuluanna mintu’na angge maritik.

PA’TOLE 21:17

Sangadinna iatu anak pa’bunga’, tu anakna muane baine tang dipakaboro’, sipatu naaku tu katongananna, ke dibenni tu taana manglokkon tu mintu’ apanna, belanna iamo bunga’na kamatotoranna, anna ia puangna katonganan anak pa’bunga’.

FILIPI 4:3

Ontongpi kupalaku lako kalemu e sangayoka lambu’ku, tundui tu baine sola duai, tu kusiban umpangeai Kareba-kaparannuan sia Klemens duka, sia mintu’ solaku tu senga’na, tu disura’ sanganna lan sura’ katuoan.

KOLOSE 1:12

ma’kurre sumanga’ langngan Ambe’, tu umpasipato’komi untamai mana’na to masallo’ lan inan masero.

KOLOSE 1:24

Totemo parannuna’ diona te kamaparrisan kuperasai belanna kamu, sia kupaganna’ lan kaleku tu tang ganna’na pa mintu’ kamaparrisanNa Kristus, belanna batang kaleNa, iamotu kombongan.

1 TIMOTIUS 3:5

Apa iake tang naissanni tu tau umparenta to lan banuanna, umba la nakua ungkambi’i tu kombonganNa Puang Matua?

IBRANI 11:4

Bannang dio dukamora kapatonganan anna pemalaranni Habel lako Puang Matua tu misa’ pesuru’ mandu melo na iatu pemala’na Kain; tete dio kapatongananna to, anna dikanassai, kumua iato malolo, belanna Natonganni Puang Matua tu pemala’na; sia tete dio kapatongananna anna ma’kada-kada siapa, moi anna matemo.

IBRANI 11:40

Belanna Naparandanammiki’ Puang Matua tu apa la’bi’ melo, kumua da anna lambi’i tu kasundunan ke tae’i nakitai.

IBRANI 2:12

Nakua: La Kupa’peissanan tu sangamMi lako mintu’ siulu’Ku, sia la KupenaniangKomi pa’pudian lan lu kombongan.

IBRANI 9:27

Susitu tolino manassamo den pissan nala mate, namangkato namane dipaolai salunna,

YAKOBUS 1:18

Situru’ lalan penaanNa anNa mangkamo undadiangki’ tete dio kada kamanapparan kumua anta dadi butung bunga’ bua dio tu mintu’ pa’padadinNa.

1 PETRUS 2:23

iatonna disere kadai, tae’ anNa papakkanni sere kada, sia iatonna rampoi kamaparrisan, tae’ anNa ma’pakarrang, sangadinna Nasorong lako Puang tu iannato, tu tang pakayun bimbang umpaolai salunna.

KADA OMBO’ LAKO RASULU’ YOHANES 13:8

Mintu’na tu to torro lan te lino la umpenombai, iamotu to randuk dio mai diparandanganninna te lino, tang disura’ sanganna lan sura’ katuoanNa Anak domba, tu mangkamo direre’.

KADA OMBO’ LAKO RASULU’ YOHANES 14:4

Iamote mai tu to tae’pa naparuttakki baine kalena, belanna malolle’pa; sia iamote mai tu to urrundu’ mai lako Anak domba umba-umba Naola. Iate tau iate mai mangka dila’bak tassu’ dio mai tolino Napobunga’ bua Puang Matua sia Anak domba.

KADA OMBO’ LAKO RASULU’ YOHANES 20:15

Sia iake den tau tae’ nadiappa’ tu sanganna disura’ lan sura’ katuoan, dipembuangan duka tama limbong api iato.

KADA OMBO’ LAKO RASULU’ YOHANES 6:11

Dipapantannimi bayu lamba’ mabusa, sia dipokadan kumua la melayopa sattu’, sae lako ganna’na tu bilanganna mintu’ to nasolan Napotau Puang Matua; iamotu sangsiuluranna tu la dipatei duka susi tau iato mai.

KADA OMBO’ LAKO RASULU’ YOHANES 6:9

Iatonna bungka’mi Anak domba tu ca’ ma’pellimanna, kutiromi diong to’ inan pemalaran tu mintu’ bombo mendeatanna to mangka dipatei belanna kadanNa Puang Matua sia belanna pa’katottongan natoe tau iato mai.