IBRANI 12:13 - Sura' Madatu

¹³ sia ranteanni lalan tu lentekmi, dikua da anna tiparedok tu to keppang, sangadinna dikua kenna malolo.

IBRANI 12:13 ပူးပေါင်းရင်းမြစ်များ

YESAYA 35:3

Pamatoto’i tu lima langga’ sia pabatta’i tu guntu’ ma’parondo.

YESAYA 35:6

Attu iato to kupi’ la mekkondong susi donga sia lila to mamang la kumalasi-lasi, ke tikula’dakki tu uai dio padang aak sia salu dio padang pangallaran.

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

YESAYA 58:12

Sia solamu la umbangunni sule tu kota masai allomo daun lauan sia la muoton pole tu parandangan ra’da pariamamo, anna sangaiko tau: to umpemeloi tembo’ tuan sia to umpasule batatta.

YEREMIA 18:15

Moi anna susito, tang nakilalai dukaNa’ taungKu; memala’ duka lako apa tae’ gai’na. Iamoto anna titodo tu tau iato mai dio lu lalanna, iamotu lalan masainna, belanna unnola lalan tang dibatatta,

LUKAS 3:5

Mintu’na lombok la dibumbun sia mintu’na tanete na buttu-buttu la dirantei, sia iatu ma’lekko-lekkona la dipakalolo, sia iatu tang marantena la dirantei,

GALATIA 2:14

Apa iatongku tiroi tu gau’na tinde tau tang situru’mo kamanapparanna Kareba-kaparannuan, kukuami ungkuan Kefas dio tingayona mintu’ tau: Iake to Yahudiko, ammu ma’gau’ to kapere’, tang ma’gau’ to Yahudi, umba la mukua umparukui tu to kapere’ ma’gau’ to Yahudi?

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

YAKOBUS 5:16

Iamoto sipatukomi la sipangakuan kasalammi sia la sipassambayangankomi, ammi maleke. Iatu passambayangna to malambu’, tu napalantuk penaa, kapua kamatotoranna.

1 PETRUS 2:24

Ia Kalenamo umpassanni lan batang kaleNa tu mintu’ kasalanta Napemalaranni dao kayu pea’ta’, kumua iatonna tiro matemoki’ kasalan, la natiro tuoki’ kamaloloan; belanna iatu kamassendang-sendanganNa mipomondo.