IBRANI 12:1 - Sura' Madatu

¹ Iamoto belanna napatama limbuki’ pada budanna to titanan sa’bi makamban susi gaun, dadi la talendokan tu mintu’ magasanna, sia kasalan tu maraa ussalembe’ki’ sia la taparri-parri ma’dondo lan kapassilomban dipapatuangki’,

IBRANI 12:1 ပူးပေါင်းရင်းမြစ်များ

AYUB 8:10

Tang la naada’irokoka tu tau iato sia tang la napokadanrokoka, sia la umpatassu’ kada lan mai ba’tengna?

PA’PUDIAN 18:23

Belanna mintu’na atoranNa tontong kupalan ara’, sia tae’ angku patoyangi tu Napondokna.

YESAYA 60:8

Mindara tu mettia’ sae susi salebu’ sia ten to bu’ku’ mettia’ lako tobanna?

YEHEZKIEL 38:16

sia la ke’de’ko ullaoi Israel, taungKu, susito misa’ gaun ussamboi padang. Lan attu la sae la Kupake’de’ko ullaoi tondokKu, anna tandaiNa’ mintu’ bangsa, ke Kupamanassai lako kalemu, e Gog, dio pentirona tau iato mai, kumua Akumo tu To maindan.

YEHEZKIEL 38:9

Iatonna attu iato la ke’de’ko susi misa’ guntu’ mane la sae; la susiko gaun tu untutu’i kuli’na padang, la iko sola mintu’ sorodadummu sia buda bangsa, tu musisolan.

MATIUS 10:22

La nakabiri’komi mintu’ tau tu belanna sangangKu, apa minda-minda tu mengkabatta’ sae lako ma’katampakanna, iamo la dikarimmanni.

MATIUS 24:13

Apa minda-minda tu mengkabatta’ sae lako ma’katampakanna, iamo la dikarimmanni.

MARKUS 10:50

Narampanammi tu sambu’na, nata’pa ke’de’ sia male lako Yesu.

LUKAS 12:15

Nakuami lako tau iato: Kanandai sia kanannangi tu kalemi dio mai kabasisi-inaan, belanna tae’ na ia napotuo tau tu kala’bian ianan.

LUKAS 16:28

belanna den siulu’ku lima, anna ada’i napalanni penaanna, da natama duka indete inan kamaparrisan.

LUKAS 21:34

Kanandai tonganni, da namalilu tu penaammi napobua’ kamasalung-salungan sia kamalangoan sia umpengkaolai katuoan lan te lino, naurunganni tae’ bang nadikapang-kapang naalamokomi to allo iato susi misa’ poya.

YOHANES 3:32

Ia ungkatottongi tu diona apa Natiro sia Narangi, apa moi misa’ tau tae’ untarimai tu Nakatottonginna.

YOHANES 4:39

Budami tu to Samaria lan tondok iato umpatonganNi tu Yesu, belanna kanakanassainna tinde baine nakua: Napokadamo lako kaleku tu mintu’na mangkanna kupogau’.

YOHANES 4:44

belanna Ia Kalena umpokadai, kumua misa’ nabi tae’ nadibilang lan tondokna.

ROMA 12:12

Sendekomi diona rannummi, ma’tan penaakomi lan kamaparrisan, sia batta’ lan kapassambayangan.

ROMA 2:7

iamotu katuoan sae lakona Napapakkananni tu to umpengkaolai kameloan undaka’i tu kamala’biran sia kadipangkeran sia apa tang narandanna kasanggangan,

2 KORINTUS 7:1

E pa’kaboro’ku, tu belanna den pangallu’ susito lako kaleta, dadi la usseroiki’ kaleta dio mai mintu’na kamarutanna kale sia penaa sia la tasundunni tu kamaseroanta ungkataku’ Puang Matua.

GALATIA 2:2

Iatu kalaoangku langngan, pa’patudu-tudunNa duka Puang Matua, angku pamanassanni tau iato tu Kareba-kaparannuan kupa’peissanan dio lu to kapere’, ondonganna lako to katandan, dikua da anna torro sala tu kamara’tasangku, la iate totemona la iatu lendu’namo.

GALATIA 5:7

Dolona melomo pa’dondomi; mindamora unnampangikomi miurunganni tang mengkaola lako kamanapparan?

EFESUS 4:25

Iamoto la mitibe tu kamo’rangan, ammi pantan ma’kada tongan lako padammi tolino, belanna sipolesoan kaleki’.

FILIPI 1:30

sanggundangan lan kadipakario-rioan tu mangka mitiro diona aku sia tu miranginna totemo diopa kaleku.

FILIPI 2:16

ammi pa’petiroanni tu kada katuoan, angku massattuan, ke alloNa Kristus, kumua iatu kapassilombangku sia kamara’tasangku tae’ nalao sala.

2 TIMOTIUS 2:4

Tae’ misa’ tu surodadu marassan parari, umposara’ kalena kinallona, ia manna ria la naposara’ tu la naposendena tu to umpangului.

2 TIMOTIUS 4:7

Kupembela-belai tonganmo lan rari melo diona kapatonganan, kusundunnimo tu tage’ku, kukaritutuimo tu kapatonganan.

IBRANI 6:15

Nasusito tonna mangka umpeagi ma’tan penaai, naappa’mi tu pangallu’ iato.

YAKOBUS 1:3

belanna mitandai, kumua iatu kadisudianna kapatonganammi umpabu’tu kabantangan.

1 PETRUS 2:1

Iamoto rampananmi tu mintu’ kalando-pa’duan sia mintu’ sanda pakena sia kabelo-pudukan sia kamagallian sia mintu’ pa’palele beko;

1 PETRUS 4:2

dikua anna lan mintu’ angge tuomipa, da mituru’ mintu’ kamailuan a’gan tolino, sangadinna pa’poraianNa Puang Matua.

1 PETRUS 5:1

Inde sia tu pa’pakilalangku lako mintu’ penatuammi – belanna pada penatua dukana’ sia to umpemanassa diona mintu’ kamaparrisanNa Kristus, sia umpotaa kamala’biran la dipasombo undinna: –

1 PETRUS 5:12

Iate sura’ naoki’ Silwanus tu kusanga siulu’ maruru’ lako kalemi, kunii ussauran kondi’komi, la ma’pakilala sia ungkatottongi, kumua iamote tu pa’kamasean tonganNa Puang Matua. Bantangkomi lan.

2 PETRUS 1:6

na kapaissanammi umpasombo kauntaloian kale; na kauntaloiammi kale umpasombo kabantangan; na kabantangammi umpasombo kapengkaolan;

KADA OMBO’ LAKO RASULU’ YOHANES 1:9

Akumo Yohanes te, siulu’mi sia sangmuanemi lan kadipakario-rioan sia lan Kadatuan sia lan kabattaran tu lan Yesu, indemo’ lebukan disanga Patmos, belanna kadanNa Puang Matua sia apa Napamanassanna’ Yesu.

KADA OMBO’ LAKO RASULU’ YOHANES 13:10

Minda-minda mangrampa tau, manassa la dirampa; minda-minda la umpatei tau unnoong pa’dang, tae’ nasalai tang dipatei duka pa’dang. Lan mintu’na te sipatu mintu’ to masallo’ umpa’pekitanan kabattaran sia kapatonganan.

KADA OMBO’ LAKO RASULU’ YOHANES 22:16

Akumote tu Yesu mangka ussua malaeka’Ku la ungkatottongi lako kalemi tu mintu’ apa iate lan mintu’ kombongan. Akumo tu una’na sia tarukna Daud, sia bintoen sulo melambi’ pandala-dala.

KADA OMBO’ LAKO RASULU’ YOHANES 3:10

Belanna mukaritutui tu pangadaran, kumua ammu batta’ untayanNa’, dadi la Kurinding pala’ dukako dio mai attu kaditoban, tu la sae lako mintu’ issinna lino, urroso mintu’ to torro lan lino.