IBRANI 11:9 - Sura' Madatu

⁹ Bannang dio dukamora kapatonganan, ma’tondokmi dio padang dialluranni butung dio padangna tau, anna torro lan tenda, susi duka Ishak sola Yakub, tu pada umpomana’ pangallu’ ia dukato.

IBRANI 11:9 ပူးပေါင်းရင်းမြစ်များ

KADADIAN 12:8

Tilelemi inde to dio mai lako ma’buntunna rampe matallona Betel, naosokmi tu tendana, na iatu Betel dio rampe matampu’na, na iatu Ai, dio rampe matallona; nagaragami inde to dio tu misa’ inan pemalaran lako PUANG, anna menomba ussa’bu’ sanganNa PUANG.

KADADIAN 13:18

Napalelemi Abram tu tendana, saemi unnosok tendana dao to’ kayu tarpin Mamre, sikandappi’ tondok Hebron, nagaragami inde to dio tu misa’ inan pemalaran lako PUANG.

KADADIAN 13:3

Malemi urrundu’ lalan dolona lo’ mai pollo’na uai melayo dio to’ kapelayoan dolona rampo lako Betel, tu, inan bunga’ naninna tendana paralla’na Betel anna Ai.

KADADIAN 17:8

La kukamaseangko sia la Kukamasean bati’mu te padang munii mempue totemo, te mintu’ lili’na padang Kanaan la napopadang tontong sae lakona; na Aku la napoKapenomban.

KADADIAN 18:6

Sasa-sasami male tama tendana tu Abraham lako Sara, nama’kada nakua: Madomi’ko unnala ta’pung manisak tallung bakku’, la’pa’-la’pa’i ammu rangginai.

KADADIAN 18:9

Nakuami tu tau iato mai lako Abraham: Umbami tu Sara, bainemu? Mebalimi nakua: Lan sia tenda.

KADADIAN 21:34

Torromi tu Abraham dio padang to Filistin ba’tu pirang-pirang allo.

KADADIAN 23:4

Iatu aku te to saena’ sia to mentiruranna’ lan tondokmi; benna’ dikka’ liang kupomana’ dio tondokmi, angku sisi’i tu to mateku.

KADADIAN 25:27

Sakapua-puanami tu pia sola duai; iatu Esau manarang moasu sia tang rapa’ torro dio to’ banua, apa iatu Yakub misa’ to rapa’ penaa torro lan tenda.

KADADIAN 28:4

Sia Ia la umba’giko rongko’na Abraham sia lako duka bati’mu ammu pomana’i tu padang munii mentiruran sia tu mangka napa’ba’gian Puang Matua lako Abraham!

KADADIAN 31:25

Mangkato nalambi’mi Laban tu Yakub. Iatu Yakub unnosokmo tendana dao buntu iato, na iatu Laban unnosok toda ia tendana dao buntu Gilead.

KADADIAN 35:27

Rampomi tu Yakub lako Ishak, ambe’na lan Mamre dio Kiryat-Arba, iamo Hebron, nanii Abraham sola Ishak mentiruran.

KADADIAN 36:7

Belanna iatu mai barang apanna buda tongan napourungan tang sibaa sola duai, sia iatu padang nanii mentiruran tae’ nasilasa sola duai, apa buda patuoanna.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

PA’PUDIAN 105:12

Iatonna tang pira tu tau iato mai, sia sidi’ tonganri sia to sae bangri lan,

YEREMIA 35:7

Sia da migaragai banua sia da miambo’ banne sia da mitanan anggoro’ ba’tu umpoapai, sangadinna la torrokomi lan tenda sae lako kamateammi anna dipamalambe’ sunga’mi lan tondok minii butung to sae.

IBRANI 6:17

Iannamorato, belanna morai tongan tu Puang Matua umpapayan katanglelukanNa lalan penaanNa lako mintu’ to umpomana’ pangallu’, Naarra’imi sumpa,