IBRANI 11:7 - Sura' Madatu

⁷ Bannang dio dukamora kapatonganan na iatu Nuh, tonna mangkamo Puang Matua umpokadanni tu diona apa tang dikitapa, ungkasiri’mi Puang Matua napasakka’i tu lembang iato la umpamakarimman mintu’ to lan banuanna; tete dio kapatongananna napasalai tu mintu’ issinna lino, anna pomana’ kamaloloan tu situru’ kapatonganan iato.

IBRANI 11:7 ပူးပေါင်းရင်းမြစ်များ

KADADIAN 19:14

Sunmi tu Lot anna sipa’kada-kada minintunna, tu la sibali anakna baine, nakua: Ke’de’komi, tassu’komi lan mai te inan iate, belanna la Nasanggang PUANG te tondok iate! Apa nasanga minintunna kumua nabarrugai.

KADADIAN 6:13

Iamoto anNa ma’kada tu Puang Matua lako Nuh kumua: Nalambi’mo tu ma’katampakanna mintu’ tolino situru’ pangra’ta’Ku, belanna ia te lino naponnoimo kamasa’garan. Tonganna la Kusabu’i tu tau iato mai sola te lino!

KADADIAN 6:22

Napogau’mi Nuh tu mintu’ apa Napasan Puang Matua lako kalena, susimoto napogau’.

KADADIAN 6:9

Iamote tu ulelean diona Nuh. Iatu Nuh misa’ to malambu’ penaanna sia tae’ sayuanna dio mintu’na tau attu iato, na iatu Nuh la’ka’ bang lako Puang Matua.

KADADIAN 7:23

Susimo lalanna dinii ummangsanni tu angge menono’ lan te lino, la tolino, la patuoan sia mintu’ olo’-olo’ mendonglo’ sia mintu’ manuk-manuk dao lu langi’; mintu’nato dimangsanni lan mai lino, Nuh manna tu tuo sola mintu’ to nasolan lan lembang.

KADADIAN 7:5

Napogau’mi Nuh tu mintu’ apa Napasan PUANG lako kalena.

KADADIAN 8:16

Tassu’moko lan mai lembang, la iko, la repokmu sia iatu mai bainena anakmu.

2 DATU 4:5

Malemi natampe baine iato, anna salli’i tu ba’ba dio boko’na sia dio boko’na anakna muane: na anakna tu nenne’ umbaai tu busso lako, na ia nenne’ untua’i tama.

AYUB 35:8

Iatu katang mekaalukammi tolino manna narua susi kamu, sia kamaloloammi umpamaupa’ ma’rupa tau.

SARAMBU PEADA’ 22:3

Iatu to manarang, ke natiroi tu kamandasan, male umpentilindungan kalena, apa iatu to tang unnampui tangnga’ melo umpatarru’ bang pa’inaanna anna ruai kamandasan.

SARAMBU PEADA’ 27:12

Iatu to manarang, ke natiroi tu kamandasan, male umpentilindungan kalena, apa iatu to tang unnampui tangnga’ melo umpatarru’ bang pa’inaanna anna ruai kamandasan.

YEHEZKIEL 14:14

sia iake denni dio te tau tallu, iamotu Nuh, Daniel na Ayub, manassa kalena manna tu ma’din narampanan tete dio kamaloloanna, kadanNa Puangta PUANG.

YEHEZKIEL 14:20

sia iake denni lan tu Nuh, Daniel na Ayub, la lekukraka tuoKu, kadanNa Puangta PUANG, manassa inang tae’ nala urrampananni tu anakna muane sia baine. Manassa kalena manna tu ma’din narampanan tete dio kamaloloanna.

YEHEZKIEL 33:5

Narangimo tu oni napiri tanduk, apa manoka dipakilala; manassa iatu rarana la sule langngan ulunna; ke naturu’i tu pa’pakilala manassa napotilendok katuoanna dio mai kamatean.

MATIUS 2:12

Iatonna patudumi Puang Matua tinde tau lan tindona kumua da nasule lako Herodes, sulemi tinde tau lako tondokna unnola lalan senga’.

MATIUS 24:15

Iamoto, iammi kitami tu kamaparrangan megi’giran tu umpabu’tu kasanggangan bendan dio inan masero, susitu napokada nabi Daniel minda-minda tu umbasai natangnga’ mandalanni –

MATIUS 24:25

Palan ara’i, mangkamo kupokada dolo tu iannato lako kalemi.

MATIUS 24:38

Belanna susi bangsia tonna attu la madomi’mo sae uai saba’: kumande-mande bang tu tau, sia mangiru’ sia kebaine sia ma’pakemuane, sae lako allo katamanna Nuh tama lembang.

MATIUS 3:7

Apa iatonna tiroi, buda tu to Farisi sia to Saduki sae duka la ma’popedio’, nakuami lako: E bati’ ula’ rame, mindara umpatudukomi umpallaian kalemi dio mai tu kasengkean la sae undinna?

LUKAS 17:26

Umba-umba nakua tu mangkannamo dadi tonna Nuh, la susi dukato, to ke Anak rampan dilino:

ROMA 1:17

Belanna inde to dinii umpapayanni tu kamaloloanNa Puang Matua dio mai kapatonganan lako kapatonganan, susitu mangka disura’ kumua: iatu to malolo la umpotuo kapatonganan.

ROMA 10:6

Apa nakua ia tu kamaloloan tete dio kapatonganan: Da mukua lan penaammu kumua: Mindara tu la kendek langngan suruga?, battuananna la umpopengkalaoi tu Kristus.

ROMA 3:22

iamotu kamaloloanNa Puang Matua tete dio kaumpatonganan Yesu Kristus umpatu sia tang umpasalian rinding mintu’ to ma’patongan; belanna tae’ silaenanna.

ROMA 4:11

Na iatu tanda sunna’ natarima butung toding kamaloloan diona kapatongananna tonna tang disunna’pa. Susiri lalanna to anna poambe’i mintu’ to ma’patongan tu tang disunna’na, anna direken lako kalena tu kamaloloan.

ROMA 4:13

Belanna tangia tete dio Sukaran aluk anna rampoi pangallu’ tu Abraham ba’tu tarukna, kumua ia umpomana’i te lino, sangadinna tete dio kamaloloanna kapatonganan.

ROMA 9:30

Apaomo la tapokada? Inde sia: kumua iatu to kapere’, tu tang untuntun kamaloloan, unnappa’mo kamaloloan, tu kamaloloan tete dio kapatonganan.

GALATIA 5:5

Belanna tete dio Penaa anta poparandangan kapatonganan untayan kamaloloan tu tarannuananna.

FILIPI 3:9

sia lan kasiturusanNa kunii payan, kumua tangia kamaloloangku kalena tu lu diona mai tuntunan Sukaran aluk, sangadinna kamaloloan tete dio kapatonganan lako Kristus, iamotu kamaloloan lu dio mai Puang Matua umpolalan kapatonganan.

IBRANI 11:1

Iatu kapatonganan iamo tanda tasikna kumua taampui tu mintu’ apa dirannuan, sia tanda sa’binna apa tang kakitanan.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 5:7

Anna Ia, tonna lan a’gan tolino, Napennoloammo tu passambayangNa sia pa’palakunNa sia Napemandui metamba umpato’do uai matanNa lako Puang tu kuasa ullendokanNi dio mai kamatean, nadipalalo tu pa’palakunNa, belanna ungkasiri’ Puang Matua;

IBRANI 8:5

Tu umpogau’ pentoean kamenomban lan rapang-rapang sia bayo-bayona mintu’ apa dao suruga, susi Musa mangka narampoi kadanNa Puang Matua, tonna marassan unggaraga kema iato Nakua: Tiro meloi, ammu garagai tu mintu’nato, unturu’ rapang-rapang dipakitangko dao buntu.

1 PETRUS 3:20

tu dolona battuk tonna pamalambe’pi Puang Matua tu kama’tanan penaanNa, tonna attunna Nuh, namarassan dipasakka’ tu lembang, tu nanii sidi’ri tau lan – karuari tau – dirinding pala’ tete dio uai.

2 PETRUS 1:1

Iate sura’ lu dio mai Simon Petrus, taunNa sia rasulu’Na Kristus, diparampo lako mintu’ to unnappa’mo kapatonganan, tu pada mala’bi’na kapatonganangki tete dio kamaloloanNa Kapenombanta sia Yesu Kristus, To pakarimmanan:

2 PETRUS 2:5

sia iake tae’i Nadampang lino dolo-dolo, sangadinna Nuh manna, to umpa’peissanan kamaloloan, karuai sibaa tu Narinding pala’, tonna pasabu’i uai saba’ tu lino to tang mekaaluk;

2 PETRUS 3:6

Tete dio duka uai anna sabu’ tu lino to attu iato nakabu’ uai saba’.