IBRANI 11:6 - Sura' Madatu

⁶ Iake tang ma’patonganni inang tae’ naalai penaanNa Puang Matua; belanna iatu to umpengkareke’i Puang Matua sipatu la nakatappa’i kumua den tu Puang Matua, sia kumua Ia umparongko’ mintu’ to undaka’ tonganNi.

IBRANI 11:6 ပူးပေါင်းရင်းမြစ်များ

KADADIAN 15:1

Ta’kala tonna mangka tu mintu’nato, saemi kadanNa PUANG lako Abram lan patiro mendeata Nakua: Da mumataku’, e Abram, belanna Akumo tu balulang toto’mu sia rongko’ kapuamu.

1 OSSORANNA DATU 28:9

Na iko, e Salomo, anakku, la mutandai tu Kapenombanna ambe’mu sia ponno penaammu sia masorok ba’tengmu la umpengkaolai, belanna Nasudi PUANG tu mintu’ penaa sia Natarru’ tu mintu’ apa ditangnga’, Iake mudaka’I tu Puang, inang la Naelorangko unnappa’I, apa iake muboko’I, la Natibeko sae lakona.

AYUB 21:14

Apa ma’kada lako Puang Matua nakua: ToyangKomi dio mai kaleki, belanna tang kiporai untandai tu lalanMi.

PA’PUDIAN 106:24

Tang naangga’ tau iato mai tu padang ballo, sia tae’ anna katappa’i tu kadanNa.

PA’PUDIAN 119:10

Kalebu tongan penaangku undaka’Komi, da Mieloranna’ pusa dio mai mintu’ pepasanMi.

PA’PUDIAN 58:11

La parannu paiman tu to malambu’ ke natiroi tu pepakkan iato, sia la nabasean lentekna tu rarana to tang mekaaluk.

PA’PUDIAN 73:28

Apa iatu akunna melo aku tu mase’pon lako Puang Matua, iatu Puangku PUANG kupoperinding pala’, dikua angku pa’peissananni tu mintu’ penggauramMi.

PA’PUDIAN 78:22

Belanna tae’ anna katappa’i tu Puang Matua sia tae’ narannuanni tu pa’tunduanNa.

PA’PUDIAN 78:32

Moi anna susito, umpogau’ poleomo kasalan tu tau iato mai, sia tae’ anna katappa’i tu penggauran kalle-kalleanNa.

SARAMBU PEADA’ 11:18

Iatu to tang mekaaluk ungkabu’tu’i saro tang ma’pamaupa’, apa iatu to unnambo’ kamaloloan, ungkabu’tui saro matontongan.

SARAMBU PEADA’ 8:17

Kukamali’ tu to ungkamali’na’, naminda-minda tu birisan, undaka’na’ manassa la naapparanna’.

YESAYA 55:3

Tananni talinga, maikomi perangii, anna tuo tu deatammi; la untananNa’ basse matontongan lako kalemi; mintu’ tanda pa’kamasean tang tilelukKu lako Daud.

YESAYA 7:9

Sia iatu Samaria la tontong napopennuluan Efraim na Remalya napokambuno kapayungan Samaria. Iake tae’i ammi katappa’i, manassa tae’ ammi dipamarendeng.

YEREMIA 2:31

E kamu to dadi totemo, perangii tu kadanNa PUANG: Denraka Kususi to padang aak lako to Israel, ba’tu susito padang mapattang? Ma’apai anna ma’kada tu taungKu, nakua: Mallaimokanni, tae’mo kila sae lako Kalemi?

KADIBILANGAN 14:11

Ma’kadami tu PUANG lako Musa, Nakua: Sangapapara te bangsa iate la ussayuNa’ sia sangapapara te tau iato mai tang la umpatonganNa’, moi angKu pogau’mi tu mintu’ tanda kalle-kallean dio lu tau iato mai?

KADIBILANGAN 20:12

Ma’kadami tu PUANG lako Musa sola Harun, Nakua: Belanna tae’ mipatonganNa’ sia tae’ mipamaindanNa’ dio pentirona to Israel, iamoto tae’ mila ussolanni te kombongan iate tama tondok, tu Kukamaseanni.

MATIUS 11:26

O Ambe’, belanna tenmoto tu pa’poraiamMi dio oloMi.

MATIUS 5:12

Parannu paimankomi sia sende pakadua, belanna kapua serongmi lan suruga, belanna susi dukamoto tu nabi dolona anna kamu, dipakario-rio.

MATIUS 6:16

Sia iammi ma’puasa, da misusi to belo puduk umpamaru’gun lindona; belanna umpamariga-riga rupanna anna tandan nakita tau kumua ma’puasa. Tonganna tongan Kukua mati’, naala dolomo tu poleanna tu tau iato.

MATIUS 6:33

Apa daka’ tonganni dolo tu ParentaNa Puang Matua sola kamaloloanNa, na iatu mintu’nato, la dipangrangnganan duka lako kalemi.

MATIUS 6:5

Iammi massambayang, da misusi to belo puduk; belanna naporai ke’de’ massambayang lan lu banua pa’kombongan sia dio lu tetuk batatta kumua anna kitai tau. Tonganna tongan Kukua mati’, naala dolomo tu poleanna.

MARKUS 16:17

Mintu’nate tanda iate la urrondongi tu to ma’patongan: diona sangangKu anna la urrambai deata masussuk sia la ma’kada-kada umpobasa basa ba’ru;

LUKAS 12:31

Sangadinna daka’i tu ParentaNa Puang Matua na iatu mintu’na to la dipangranganan duka lako kalemi.

LUKAS 6:35

Sangadinna la miala mase tu to unna’tangkomi; pogau’komi kameloan, da mititumbui umpaindanni solami, nakapua tu serongmi, anna anakkomi Puang Patodoranna, belanna, Ia ungkasokanni to tang ma’kurre sumanga’ lako Kalena sia to masua-sua.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

YOHANES 8:24

Iamoto angKu kua mati’ kumua, la mate situangkomi kasalammi, belanna iake tae’i mipatonganni kumua Akumote, la mate situangkomi kasalammi.

ROMA 10:14

Naumbamo la nakua metamba lako Kalena tu to tang umpatonganni? sia umba nakua umpatonganni tu tang naranginnapa? sia umba la nakua urrangii, ke tae’i tau umpa’peissananni?

GALATIA 5:6

Belanna iake sirapumoki’ Kristus Yesu, la umpogau’ ba’tu tang umpogau’ sunna’, tae’ kuasanna, sangadinna kapatonganan tu napakedo pa’kaboro’.

IBRANI 11:26

belanna iatu kaditelleanNa Kristus nasanga la’bi kapua ia angga’na na iatu mintu’ ianan dio Mesir, belanna mentiro lu lako ia rongko’.

IBRANI 3:12

Kanandai meloi, e sangsiulurangku, da miden misa’ ma’penaa kadake, tu tang ma’patongan, naurunganni balik dio mai Puang Matua matontongan;

IBRANI 4:2

Belanna dipa’peissanan dukamo lako kaleta tu Kareba kaparannuan, susi bangsia lako tu mai tau iato, apa iatu kada narangi tae’ bua’na lako kalena, belanna tae’ nasiindo’ kapatonganan lan penaanna tu to urrangii.

IBRANI 4:6

Iamoto belanna tongtongpa tu kalamentamanna ba’tu pira-pira tau tama kapelayoan iato, sia iatu to dipokadan dolomo Kareba kaparannuan tae’ natama, belanna battuk.

IBRANI 7:19

– belanna moi misa’ tae’ napasundun Sukaran aluk – apa dipabu’tu tu kapa’rannuanan mandu melo, tapobannang umpentireke’i Puang Matua.

IBRANI 7:25

Iamo bannangna to anNa belai ungkarimmanni sundun mintu’ to umpentireke’i Puang Matua tete dio Kalena, belanna tontong bang Ia tuo umpalakuanni pa’tunduan tu tau iato mai.

2 PETRUS 1:10

Iamoto e sangsiulurangku, la mandu mipengkullei umpamatoto’i tu kaditambaiammi sia kaditonnorammi; belanna iake mipogau’i susito, inang tae’ mila tilende’ len.

2 PETRUS 1:5

Iamo bannangnato ammi la umpengkullei tonganni umpasombo kameloan lan kapatonganammi; na kameloammi umpasombo kapaissanan;

2 PETRUS 3:14

Iamoto, e pa’kaboro’ku, tayanni tu mintu’nato sia pengkullei, ammi diapparan torro marampa’ tang attangan sia tang sayuan dio oloNa Puang, miurunganni marampa’.

KADA OMBO’ LAKO RASULU’ YOHANES 21:8

Apa iatu to takuran sia to tang ma’patongan sia to megi’giran, sia mintu’ to papatean, sia to ma’gau’ sala, sia to patiro-tiro, sia to umpenombai deata sia mintu’ to morang, iatu dalle’na la tama limbong tu umpodukku api sia solo’, iamo kamatean ma’penduanna.

RUT 2:12

Na PUANGmora umpapakkanni lako kalemu tu penggaurammu, sia nasundunmora tu rongko’mu dio mai PUANG, Kapenombanna to Israel, tu diong pani’Na munii sae mentiongan.