IBRANI 11:4 - Sura' Madatu

⁴ Bannang dio dukamora kapatonganan anna pemalaranni Habel lako Puang Matua tu misa’ pesuru’ mandu melo na iatu pemala’na Kain; tete dio kapatongananna to, anna dikanassai, kumua iato malolo, belanna Natonganni Puang Matua tu pemala’na; sia tete dio kapatongananna anna ma’kada-kada siapa, moi anna matemo.

IBRANI 11:4 ပူးပေါင်းရင်းမြစ်များ

KADADIAN 4:10

Nakuami PUANG: Apara tu mangka mupogau’? Iatu gamara rarana adimmu metamba diong mai padang lako kaleKu!

KADADIAN 4:15

Nakuami PUANG lako Kain: Iamoto ke denni tau umpatei Kain, la manglokkon pempitu tu pakkanna! Nabenni tanda PUANG tu Kain kumua da napatei tau, ke denni nasitammuan.

KADADIAN 4:25

Iatu Adam sangampa’ pole’omi bainena, nadadiammi tu misa’ pia muane, nasangai Set nakua: Belanna nabenmo’ Puang Matua tu misa’ taruk senga’ la ussonda Habel, tu mangka napatei Kain.

KADADIAN 4:8

Nakuami tu Kain ungkuan Habel, adinna: (Talao lako padang.) Iatonna diomo lu padang sola duai, nabobo’mi Kain tu Habel, adinna, napatei.

1 DATU 18:38

Ta’kala songlo’mi dao mai tu apinNa PUANG, anna imbakanni nakande tu pemala’ ditunu pu’pu’ sia kayunna sia mintu’ batu sia litak, sia iatu uai diong kalo’ pura nalepa’i.

AYUB 8:10

Tang la naada’irokoka tu tau iato sia tang la napokadanrokoka, sia la umpatassu’ kada lan mai ba’tengna?

SARAMBU PEADA’ 15:8

Iatu pemala’na to tang mekaaluk Nakagalli PUANG, apa iatu passambayangna to bulo lollong naala penaanNa Puang.

SARAMBU PEADA’ 21:27

Iatu pemala’na to tang mekaaluk iamo misa’ kamagallian, ondong pole’ ke napemalaranni situang tangnga’ kadake.

SURA’ KATOMINAAN 9:24

Tassu’mi tu api dio mai oloNa PUANG ungkandei tu pemala’ ditunu pu’pu’ sia iatu mintu’ lompo tiira’na dao inan pemalaran; iatonna tiromi bangsa iato tu iannato, siarrakammi anna tukku sae rokko padang.

MATIUS 23:35

Kumua ammi buntu rengnge’i tu mai rarana to malambu’ tu to’do rokko padang, tempon dio mai rarana Habel tau lambu’ sae lako rarana Zakharia, anakna Berekhya, tu mangka mipatei dio kasiallaranna banua kabusungan anna to’ kapemalaran.

LUKAS 11:51

tempon dio mai rarana Habel rampo lako rarana Zakharia, tu dipatei dio to’ kasiallaranna pemalaran na banuanNa Puang Matua. Manassa nakua kadangKu lako kalemi, kumua mintu’nato, la dipassosoan lako te tau totemo.

TITUS 1:16

Tau iato ussanga kalena untandai Puang Matua, apa penggauranna tang ussangai, belanna pagi’giran, sia pabali-bali sia tae’ bang patunna lako mintu’ penggauran melo.

IBRANI 11:2

Belanna tete dio kapatonganan anna dipokada melo tu sanganna nene’ to dolo-dolo.

IBRANI 12:1

Iamoto belanna napatama limbuki’ pada budanna to titanan sa’bi makamban susi gaun, dadi la talendokan tu mintu’ magasanna, sia kasalan tu maraa ussalembe’ki’ sia la taparri-parri ma’dondo lan kapassilomban dipapatuangki’,

IBRANI 12:24

sia lako Yesu, To paritangngana basse ba’ru, sia lako rara dipa’pi’pikan, tu umpokada apa mandu melo na iatu napokadanna rarana Habel.

IBRANI 5:1

Belanna mintu’na tominaa kapua iamo diangka’ umbendanan tolino diona kamenomban langngan Puang Matua, kumua anna ia umpennoloan pemala’ sia suru’ belanna mintu’ kasalanna tau;

IBRANI 9:22

Iatu biasanna atoran Sukaran aluk, kamma namintu’ apa dibasei rara, sia iake tae’i anna dipato’do tu rara, tae’ kadipa’deian kasalan.

2 PETRUS 2:8

– apa iatu to malambu’ iato tonna sisola tau iato mai, belanna natiro sia narangi tu penggauran ma’liu aluk, allo-allomi masussa tu penaa malambu’na –

YUDAS 1:11

Upu’ allona tau iato mai, belanna unturu’mo lalanna Kain, sia mentu’mu’mo tama peroso sarona Bileam, anna sanggang diona pabali-balinna susi Korah.