IBRANI 11:32 - Sura' Madatu

³² Na apa siapara tu la kupokada? Belanna tae’mo pakalangku ke la kuuleleanni tu diona Gideon, Barak, Simson, Yefta, Daud sia Samuel, sia mintu’na tu nabi.

IBRANI 11:32 ပူးပေါင်းရင်းမြစ်များ

PA’PUDIAN 99:6

Iatu Musa sola Harun tama bilangan to minaanNa, na iatu Samuel tama bilanganna to umpengkamoyai sanganNa; mintu’i sola nasang pada meongli’ lako PUANG, sia Natanannimo talinga tu tau iato mai.

YEREMIA 15:1

Apa Nakua PUANG lako kaleku: Moi anna Musa sola Samuel bendan dio oloKu, tae’ duka nala unnalai penaangKu te bangsa iate; papallai tu tau iato mai dio mai oloKu, suai male.

MATIUS 5:12

Parannu paimankomi sia sende pakadua, belanna kapua serongmi lan suruga, belanna susi dukamoto tu nabi dolona anna kamu, dipakario-rio.

LUKAS 13:28

Indemoto la minii tumangi’ sia sisange’ isimmi, ke mitiromi tu Abraham na Ishak na Yakub sia mintu’ nabi lan ParentaNa Puang Matua, apa dipembuangangkomi kamu lako salian.

LUKAS 16:31

Apa nakua Abraham lako: Iake tae’i naperangii tu kadanna Musa sia nabi, ma’apai nala untarimai, kenna la den duka misa’ to mate tuo sule namalimbangun dio mai to’ to mate loo umpellambi’i!

YOHANES 21:25

Budapa senga’na tu Napogau’ Yesu; na iake la disura’ simisa’i tu mintu’nato, kusanga iate lino tae’ nala tama tu mintu’ sura’ dinii ussura’i.

PENGGAURANNA RASULU’ 10:43

Iatu diona Ia nakatottongi mintu’ nabi, kumua minda-minda umpatonganNi unnappa’ kadipa’deian kasalan tete dio sanganNa.

PENGGAURANNA RASULU’ 13:20

agi-agi a’pa’ratu’ llimangpulo taunna. Undinnato napadenmi ba’tu pira-pira tu to parengnge’ sae lako tonna linona nabi Samuel.

PENGGAURANNA RASULU’ 3:24

Sia mintu’na nabi tempon dio mai nabi Samuel sia iatu mai nabi undinna na iato, pira-piramo tu mangka ma’kada, ia nasangmo mangka umpa’peissananni tu diona mintu’ allo iate.

ROMA 3:5

Apa iake kakelokanta umpamanassai tu kamalamburanNa Puang Matua, apara la takua? Kelokraka tu Puang Matua umpata’pa kasengkeanNa? iate aku ma’kada te, ma’kada tolinona’.

ROMA 4:1

Apara la takua? Naposenderaka Puang Matua diona a’gan kale tolino tu Abraham, ambe’ta?

ROMA 6:1

Iake susito apa la tapokada? La la’ka’ lanriki’ka kasalan, anna sakerangngan-rangnganna tu pa’kamaseanNa Puang Matua?

ROMA 7:7

Apara la tapokada totemo? Dosaraka tu Sukaran aluk? Inang tae’ ia to. Sangadinnari tae’ kutandai tu kasalan, kenna tang Sukaran aluk, belanna tae’ kutandai tu kamailuan, kenna tae’ Sukaran aluk kumua: Da mumailu.

YAKOBUS 5:10

E sangsiulurangku, alami sangka’ tu kauntanggunganna kamasussan sia kama’tanan penaanna mintu’ nabi tu mangka ma’kada tete dio sanganNa Puang.

2 PETRUS 1:21

belanna tae’ bangpa pa’nubua’ napabu’tu pa’poraian tolino, sangadinna Natamaipi Penaa Masallo’ tu tau, anna sa’bu’i tu kada lu dio mai Puang Matua.

2 PETRUS 3:2

dikua mikilalai tu kada mangka napokada mintu’ nabi masallo’ dolona sia atoranNa Puang To pakarimmananta, napokadangkomi mintu’ rasulu’mi.

TO PARENGNGE’ 13:24

Undadiammi misa’ pia muane tu baine iato, nasangai: Simson. Salobo’-lobo’nami tu pia iato, sia Napamasakke-sakke PUANG.

TO PARENGNGE’ 15:20

Naparentami Simson tu to Israel duangpulo taunna, tonna attunna to Filistin.

TO PARENGNGE’ 4:1

Iatonna matemo tu Ehud, napogau’ pole’omi to Israel tu apa kadake dio pentiroNa PUANG.

TO PARENGNGE’ 6:1

Apa napogau’mo to Israel tu apa kadake dio pentiroNa PUANG; iamoto Nasorongi PUANG tama limanna to Midian pitung taun.

TO PARENGNGE’ 6:11

Undinnato saemi Malaeka’Na PUANG, anna unno’ko’ diong garonto’ tarpin dio Ofra, apanna Yoas, to Abiezer; na iatu Gideon, anakna muane, marassan ussambak-sambakki gandung lan to’ pa’parran anggoro’, la umpembunian to Midian.

TO PARENGNGE’ 6:14

Attu iato messailemi tu PUANG Nama’kada lako, Nakua: Ke’de’moko situang te kamatotorammu, ammu rampananni tu to Israel lan mai limanna to Midian. Tangiaraka Aku te ussuako?

1 SAMUEL 1:20

Iatonna agi-agimo sangtaun, ma’tambukmi tu Hana, anna dadian misa’ pia muane, nasangai Samuel, belanna, nakua: Iamote tu kupalaku lako PUANG.

1 SAMUEL 12:11

Nasuami PUANG tu Yerubaal sia Barak sia Yefta sia Samuel, ullendokangkomi lan mai limanna mintu’ ualimmi tiku lao, miurunganni torro marampa’.

1 SAMUEL 16:1

Ma’kadami tu PUANG lako Samuel, Nakua: Sangapapoko la masse penaammu ungkilalai Saul, tu mangkamo Kutumpu, kumua damo nadatui tu to Israel? Issiimi minna’ tu tandukmu, ammu male, belanna la Kusuako male lako Isai, to Betlehem, belanna dio mai mintu’ tu anakna muane Kutonnoran Kaleku misa’ datu.

1 SAMUEL 16:13

Naalami Samuel tu tanduk nanii minna’, anna bolloi lan tangngana mintu’ siulu’na. Natamaimi PenaanNa PUANG tu Daud randuk allo iato anNa tontong dio kalena. Mangkato ke’de’mi tu Samuel anna sule lako Rama.

1 SAMUEL 17:45

Apa nakua Daud lako to Filistin iato: Iatu iko sae lako kaleku ma’pa’dang sia ma’doke sia ma’doke lambaran, apa aku te sae lako kalemu tete dio sanganNa PUANGna mintu’ ma’dandan maritik, iamotu Kapenombanna kaponan surodadu to Israel, tu muape-ape.

1 SAMUEL 2:11

Mangkato, sulemi tu Elkana lako banuanna dio Rama, apa iatu pia iato torro umpogau’ toena lako PUANG napatudu to minaa Eli.

1 SAMUEL 2:18

Apa iatu Samuel tontong umpogau’ toena dio oloNa PUANG; mangurapa ia sia ma’sambu’ lenang.

1 SAMUEL 2:4

Iatu panana to lalong dile’to-le’to, apa iatu to tilende’ umpotambeke’ kamatotoran.