IBRANI 11:26 - Sura' Madatu

²⁶ belanna iatu kaditelleanNa Kristus nasanga la’bi kapua ia angga’na na iatu mintu’ ianan dio Mesir, belanna mentiro lu lako ia rongko’.

IBRANI 11:26 ပူးပေါင်းရင်းမြစ်များ

PA’PUDIAN 37:16

La’biran ia tu sidi’na dio to malambu’, na iatu kasugi’-lallanganna tu mai buda to tang mekaaluk.

PA’PUDIAN 69:20

Miissan tu kadibe’seangku sia siri’ku sia attangangku, sia mintu’ to umpandasana’ bendan dio oloMi.

PA’PUDIAN 69:7

Da napolean siri’ tu mintu’ to untayanKomi kutumang, o Puang PUANGna mintu’ ma’dandan maritik, sia da naattangan tu mintu’ to undaka’Komi kutumang, o Kapenombanna to Israel.

SARAMBU PEADA’ 11:18

Iatu to tang mekaaluk ungkabu’tu’i saro tang ma’pamaupa’, apa iatu to unnambo’ kamaloloan, ungkabu’tui saro matontongan.

SARAMBU PEADA’ 23:18

iake susito, manassa la sae tu attu melo, sia tae’ mula ka’tu rannu.

YESAYA 51:7

PerangiiNa’, e kamu to untandai kamaloloan, e bangsa unnanna rara’ Sukaran alukKu lan penaanna. Da mikataku’i tu pelo’bona tolino sia da mipotirambanni tu pebe’sena tau iato mai.

MATIUS 10:41

Minda-minda tu untammui misa’ nabi, belanna nabi sangananna iamo la ungkabu’tui kameloan susitu nakabu’tuinna nabi; na minda-minda untammui to malolo penaanna, belanna to malolo penaanna sangananna, iamo la ungkabu’tui kameloan susitu nakabu’tuinna misa’ to malolo penaanna.

MATIUS 5:12

Parannu paimankomi sia sende pakadua, belanna kapua serongmi lan suruga, belanna susi dukamoto tu nabi dolona anna kamu, dipakario-rio.

MATIUS 6:1

Pengkilalai tonganni: da mipogau’i tu gau’ malolomi dio tingayona tau kumua nakitai tau: iake susito tae’ mitarimai tu poleanna dio mai Ambe’mi dao suruga.

LUKAS 14:14

Dadi la salama’komi, belanna iatu tau iato tae’ nabelai umpabala’i lako kalemi, sangadinna la dipabala’i lako kalemi ke dipatuoi sule tu mintu’ to ma’bulo sanglampa.

LUKAS 14:33

Susi dukamo kamu to, minda-minda tu tang umpasalai penaa tu mintu’na apa dio kalena, iamo tae’ nama’din dadi anak gurungKu.

PENGGAURANNA RASULU’ 5:41

Parannumi penaanna soro’ lan mai kombongan, belanna disanga sipato’ natanggung tu kadisa’san belanna Sanga iato.

2 KORINTUS 12:10

Iamoto angku porai tu kalanggaran sia kadisussaian sia kamaparrisan sia kadipakario-rioan sia kasumpuan belanna Kristus. Belanna iake langga’na’, attu iamoto angku matoto’.

2 KORINTUS 6:10

butung to masussa, apa tontong parannu; susito kalala’, apa umpasugi’ buda tau; susito tang unnampui misa’ apa, apa unnampui mintu’na.

EFESUS 1:18

Iamotu mata penaammi Napemarorrongi, ammi tandai apa tu dirannuanan diona petambaNa Puang Matua sia tumba kapuana tu kamala’biranna mana’ pa’ba’ginNa nadulu to masallo’;

EFESUS 3:8

Anna aku te, tu madionganna na iatu mintu’ to masallo’, diserongi te pa’kamasean iate, la umpa’peissananni lako to kapere’ tu kasugiran tang dilambi’Na Kristus,

FILIPI 3:7

Apa iatu kuporongko’na dolona, ia dukamo kusanga kuporugi belanna Kristus.

IBRANI 10:33

denkomi pira tu ditelle-telle sia dipakario-rio mendadi pengkitanna tau, sia den pira tu manda’ sisola tu to dia’ga susito.

IBRANI 10:35

Iamoto, da ammi pa’dei tu kabattaran penaammi tu umpabu’tu polean kapua.

IBRANI 11:6

Iake tang ma’patonganni inang tae’ naalai penaanNa Puang Matua; belanna iatu to umpengkareke’i Puang Matua sipatu la nakatappa’i kumua den tu Puang Matua, sia kumua Ia umparongko’ mintu’ to undaka’ tonganNi.

IBRANI 13:13

Iamoto tatassu’ lako umpellambi’i dio salian lili’na to’ tenda iato sia anta tanggungi tu kaditelleanNa.

IBRANI 2:2

Belanna iake iatu kadanNa Puang Matua tu naparampo malaeka’ payanmo tang tileluk sia mintu’ kasalan sia kapabali-balian dipakkanni sipatunna,

1 PETRUS 1:11

sia napelalan attu umbara nakua a’ganna tu attu Napa’patuduan PenaanNa Kristus lan kalena tau iato mai, tonna pamanassa dolomi Penaa tu mintu’ kamaparrisanNa Kristus sia iatu mai kamala’biran sidanu’-danu’ undinna.

1 PETRUS 4:14

Iake ditellekomi belanna sanganNa Kristus, maupa’komi, apa Natorroikomi tu Penaa kamala’biran, iamotu PenaanNa Puang Matua untorroikomi.

KADA OMBO’ LAKO RASULU’ YOHANES 2:9

Kuissan tu kadipakario-rioammu sia kabongkoammu – apa sugi’ko – sia Kuissan tu petelle dio mai to ussanga kalena to Yahudi, apa tangngia, sangadinna misa’ banua pa’kombonganna deata bulituk.

KADA OMBO’ LAKO RASULU’ YOHANES 3:18

iamoto Kupakilalako ammu allii lako Kaleku tu bulaan mangka disudi api, ammu sugi’; sia pakean mabusa, ammu ma’tamangkale, da nasombo tu kamasirisammu ma’kambelang, sia palakoi pedampi minna’ tu matammu, ammu pakita.

RUT 2:12

Na PUANGmora umpapakkanni lako kalemu tu penggaurammu, sia nasundunmora tu rongko’mu dio mai PUANG, Kapenombanna to Israel, tu diong pani’Na munii sae mentiongan.