IBRANI 11:13 - Sura' Madatu

¹³ Lan duka kapatonganan naniimo mate sola nasangi tonna tae’pa naappa’i tu apa dialluranni, apa lan kapatongananna natiro mambelamo sia natammui marampa’, anna akui tu kalena kumua to sae sia to mentiruran lan te lino.

IBRANI 11:13 ပူးပေါင်းရင်းမြစ်များ

KADADIAN 21:34

Torromi tu Abraham dio padang to Filistin ba’tu pirang-pirang allo.

KADADIAN 23:4

Iatu aku te to saena’ sia to mentiruranna’ lan tondokmi; benna’ dikka’ liang kupomana’ dio tondokmi, angku sisi’i tu to mateku.

KADADIAN 25:8

Ka’tumi angin dipudukna Abraham sia ronta’mi tondon to batangna tonna matua indukmo banu’ karurungan, nadipatama batu dilobang dipasola rapunna.

KADADIAN 47:9

Mebalimi tu Yakub lako Firaun: Iatu taun kamempueangku saratu’ tallungpulomo taunna. Sidi’mora naponno nasang kamasussan tu katuoangku, tae’ napada katuoanna to doloku tonna mempue.

KADADIAN 48:21

Mangkato ma’kadami tu Israel lako Yusuf nakua: Mandappi’mo tu lampakku, apa Puang Matua la urrondongkomi sia Ia duka la ussolangkomi sule tama tondok to dolomi.

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

KADADIAN 49:18

Umpeagina’ kamakarimmanan tu bu’tu dio mai Kalemi, o PUANG!

KADADIAN 49:28

Iamorate tu sangpulo dua rapunna Israel sia iamorate tu napokada ambe’na tu diona torro ke’de’na tonna pada umpassakkei sitinaya rongko’ simisa’-misa’na.

KADADIAN 49:33

Iatonna mangkamo tu Yakub umpakare’nai tu mai anakna, nabenan duami tu lentekna sule langngan inan mamma’na nasisarak angin dipudukna anna dipatama batu dilobang dipasola rapunna.

KADADIAN 50:24

Ma’kadami Yusuf lako mintu’ siulu’na nakua: La matemo’, apa manassa la Nakamaseikomi Puang Matua sia Natassu’ikomi sun lan mai tondok iate anna solangkomi langngan to tana Naallu’ lako Abraham, Ishak na Yakub Napandanni sumpa.

AYUB 19:25

Apa kutandai, kumua iatu To mangla’bakku tuo, anNa ma’katampakanna la bendan dao to’ barra’-barra’.

PA’PUDIAN 119:19

Aku te to saena’ lan lino, da Mibunianna’ tu mintu’ pepasanMi.

PA’PUDIAN 39:12

Iake Mipandasai tu tau, belanna natumang kakelokanna, misanggang tu kameloanna susito nakande busung, manassa iatu mintu’ tolino susi bangri damo’. Sela

KATASSURAN 2:22

Undadiammi misa’ pia muane, nasangaimi Musa tu pia iato Gersom, nakua: Belanna to saena’ dio lu tondokna tau.

SURA’ KATOMINAAN 25:23

Iatu padang iato tae’ na la dibaluk sae lakona, belanna padangKu sia kamu to sae sia to mentiruran tu torro dio padangKu.

KADIBILANGAN 10:30

Apa mebalimi nakua: Tae’ angku male sola, sangadinna la sulena’ lako tondokku sia lako sangdadiangku.

KADIBILANGAN 24:17

Kutiro tu tau iato, apa tae’ natotemo, kupenunu tu tau iato, apa tae’ namandappi’; misa’ bintoen bu’tu lan mai Yakub, misa’ tekken kapayungan lan mai Israel, sia untesse pili’na Moab, sia umpipping mintu’ bati’na Set.

MATIUS 13:17

Belanna tonganna tongan Kukua mati’; Budamo nabi sia to malolo penaanna maduang la ungkitai te mintu’na mikitanna, anna tae’ nabelai ungkitai; sia la urrangii tu mintu’na miranginna, na tae’ duka nabelai urrangii.

YOHANES 12:41

Iamote tu napokada nabi Yesaya, belanna natiromo tu kamala’biranNa anna pokadai tu a’ganNa.

YOHANES 8:56

Iatu Abraham ambe’mi sende sia mamali’ penaanna la untiroi tu alloKu; natiromo naparannu penaanna.

ROMA 4:21

sia nakanappa’i tongan, kumua kuasa tu Puang Matua ussundunni tu apa Naalluranni.

ROMA 8:24

Belanna mangkamoki’ dipamakarimman situang kapa’rannuanan; apa iatu kapa’rannuanan mempayan tangia kapa’rannuanan, belanna iatu apa nakita tau, apapa patunna dirannuan?

2 KORINTUS 4:18

belanna tae’ tamentiro lako apa natiro mata, sangadinna mentiro lakoki’ tang natirona mata, belanna iatu natirona mata sattu’ri, apa iatu tang natirona mata tontong sae lakona.

2 KORINTUS 5:6

Iamoto anta tontong umpabatta’ penaanta, belanna taissan kumua iake lanpiki’ te kale iate, sikambelaki’ Puang.

EFESUS 2:19

Nasusito tae’mo mitosae sia to mentiruran, sangadinna sangtondokmokomi tu mai to masallo’ sia sikurinmokomi lan banuanNa Puang Matua,

IBRANI 11:14

Belanna iatu to ma’kada susito, napapayan kumua undaka’ tondok kadadian.

IBRANI 11:17

Bannang dio dukamora kapatonganan anna pemalaranni Abraham tu Ishak, tonna disudi, sia tae’ anna tipodo’ tinde to mangka untarima mintu’ pangallu’ umpemalaran anak tungga’na,

IBRANI 11:27

Bannang dio dukamora kapatonganan anna tampei tu tondok Mesir tang ungkataku’ kasengkeanna datu, belanna bantang ia butung ungkita To tang kakitanan.

IBRANI 11:39

Na mintu’ tau iato, moi anna dipokada melo tu sanganna belanna kapatongananna, apa iatu apa dialluranni tae’pa anna appa’i.

1 PETRUS 1:1

Iate sura’ lu dio mai Petrus, rasulu’Na Yesu Kristus, diparampo lako mintu’ to ditonno’, iamoto naala bilanganna to tisambo’ mekaletteran utan dio lu Pontus sia Galatia sia Kapadokia sia Asia sia Bitinia,

1 PETRUS 1:17

Iake misa’bu’i Ambe’, tu mangra’ta’ tang pakayun bimbang sitinaya penggauranna simisa’-misa’ tau, dadi la lolang mataku’komi, angge mempuemipa lan te lino,

1 PETRUS 2:11

E pa’kaboro’ku, kupakilalakomi susito mentiruran sia to lumio’ lan te lino, la mitoyangan tu kalemi dio mai mintu’na kamailuan pa’kalean tu sirari deatammi;

1 YOHANES 3:19

Nasusito taissan, kumua lu dioki’ mai kamanapparan, anta pabatta’ penaanta dio oloNa Puang;