IBRANI 10:29 - Sura' Madatu

²⁹ Tangnga’mi, tumba polepi magasanna tu ukungan sipatu dipakannanni tu to ullullu’ Anakna Puang Matua, sia to ussangai maruttak tu rara basse tu dinii usseroi sia iatu to untelle-telle Penaa oto’na pa’kamasean.

IBRANI 10:29 ပူးပေါင်းရင်းမြစ်များ

2 DATU 9:33

Nakuami tu Yehu: Pembuanganni rokko mai. Napembuanganni rokko, naurunganni tibura’ tu rarana lako rinding tembo’ sia lako to’ darang, sia napalungganakki Yehu.

PA’PUDIAN 143:10

Patuduna’ umpogau’ pa’poraiamMi, belanna Kamumo tu Kapenombangku, sangapaoi anna rendenna’ tu Penaa masokanMi illan padang rampa’.

PA’PUDIAN 91:13

La mulullu’ tu singa sia ula’ rame, ondongpi iatu anak singa sia saa la mulullu’ parapa.

KATASSURAN 24:8

Naalami Musa tu rara iato, napi’pikanni tu tau iato mai, anna ma’kada nakua: Tonganna iamote tu rara basse, tu Natanan PUANG misibassei tu menggaronto’ lan mintu’ kada iate.

YESAYA 14:19

Apa ditibeangko sikambela liang butung to misa’ lolo disayu pallan; nasii’pinniko to mate nakande bassi, tu kabu’ rokko garonggong batu, butung to batang rabuk disisodo-sodoi.

YESAYA 28:3

Na iato makota matampona to malangona Efraim la dilullu’-lullu’.

YESAYA 63:10

Apa tau iato mai pabali-balimo sia umpamasussa Penaa Masallo’Na; iamoto anNa balik mendadi ualinNa sia Ia kalena sirari tu tau iato mai.

YEREMIA 1:5

Iatonna tae’pa Kukombongko lan inan tau, inang Kutandaimoko sia iatonna tae’pa mutassu’ lan mai pa’tambukan, Kupamarimbanganmoko sia Kuangka’ko nabinna mintu’ bangsa iato.

BATING 1:15

Napembuangammo Puang tu mintu’ to mawatangku lan tangngaku; umpogau’mo misa’ pa’maruasan untambai tau la unneana’ sia la ussanggangi mintu’ pia muane malolle’ku; Nalullu’mo Puang lan pa’parran anggoro’ tu mai anak dara, iamotu baine anakna Yehuda.

YEHEZKIEL 16:6

Attu iato lendu’Mo’ dio to’ muninna, angKu tiroko metteba’-teba’ dio to’ rara katibussanammu sia Kukuangko tommu sitombang rara: Tuoko; tonganna Kukuangko tommu sitombang rara: Tuoko.

DANIEL 8:13

Kurangimi tu misa’ to masero ma’kada, namisa’ to masero senga’ ma’kada lako tu to mangkamo ma’kada nakua: La sangapa dadi tu apa ditiro lan patiro mendeata iate, diona tu pemala’ allo-allo sia kapatodo-tintingan metakuran, inan maindan tae’ nadipamaindan sia iatu ma’dandan maritik dilullu’.

MIKHA 7:10

Iatu iannato la natiro ualingku baine, anna samboi siri’ tu lindona, tu to ma’kada lako kaleku, nakua: Umbamira tu PUANG, Kapenombammu? La natiro matangku. Totemo la dilullu’ susi so’mak dio lu lalan.

ZAKHARIA 12:10

Lako to lan tongkonan layukna Daud sia lako to lan Yerusalem la Kubarrakan tu Penaa kamaturu-turuan sia passambayang; iatu tau iato mai la mentiro lako tu to mangka narok, anna sa’buranni bating, susito umbatingi anak tungga’, ondongpi la si’dan-si’dan untangi’i butung to untangi’i anak pa’bung’a.

MATIUS 26:28

Belanna iamote tu raraKu, rara titanan basse ba’ru, tu dipato’do belanna buda tau, napotete kadipa’deian kasalan.

MATIUS 7:6

Da mibenni apa masero tu asu sia da mipembuanganni tu mattiarammi lako to’ bai, nalullu’ manii anna sule umballak-ballakkomi.

MARKUS 7:2

Iatonna tiroi ba’tu pira-pira tu anak gurunNa ungkande roti anna tae’ namasero limanna, iamotu tae’ namembase dolo,

LUKAS 12:10

Minda-minda tu umpokada kadake Anak rampan dilino, la dipa’dei kasalanna, apa iatu to umpa’kada solangi Penaa Masallo’, iamo tang la dipa’dei kasalanna.

YOHANES 10:36

sipaturaka la mikua lako tu To Napamaindan Ambe’ sia Nasua tama te lino, kumua: Umpa’kada solangiKomi Puang Matua, tu belanna Kukua: Aku te, AnaknaNa’ Puang Matua?

YOHANES 17:19

Sia belanna iari angKu pamaindan Kaleku, kumua anna dipamaindan duka umpoparinding kamanapparan.

PENGGAURANNA RASULU’ 7:51

E kamu to battuk sia tang sopati sia tang to’tok, nenne’ bangkomi unnempai Penaa Masallo’. Tumba tu nene’ to dolomi, ten dukamoto tu kamu.

ROMA 16:20

Na Puang Matuamora, tu oto’na kamarampasan, urru’puk-ru’pukki madomi’ tu deata bulituk diong to’ lentekmi. Denno upa’ anna pa’kamaseanNa Puangta Yesu urrondongkomi!

1 KORINTUS 11:27

Iamoto minda-minda ungkandei tu roti sia unniru’i tu irusan, ke tang sipato’i, kasalan lako kaleNa sia raraNa Puang.

1 KORINTUS 11:29

Belanna iatu to ungkandei sia unniru’i anna tang umpakala’bi’ tu Kalena Puang, umpasae ukungan lako kalena, ke nakandei sia nairu’i.

1 KORINTUS 15:25

Belanna inang sipato’ ma’parenta susi datu, sae lako Napadiongna nasang Puang Matua to’ lentekNa tu mintu’ uali.

1 KORINTUS 15:27

Belanna mintu’na angge maritik Napopengkanorongmo Puang Matua diong to’ lentekNa. Apa iatonna pokadai kumua mintu’na angge maritik dipopengkanorongmo, manassami kumua iatu To umpopengkanorongi tu mintu’ angge maritik, disangadi.

1 KORINTUS 6:11

Den dukakomi pira pirambongi’ susito, apa mangkamokomi dibasei, sia mangkamokomi dipamasero sia mangkamokomi dibilang masero tete dio sanganNa Puang Yesu sia tete dio PenaanNa Kapenombanta.

EFESUS 4:30

Sia da mipamasussai tu Penaa Masallo’Na Puang Matua, tu dinii mangka untodingkomi landa’ lako allo kadila’bakan.

EFESUS 5:26

kumua anNa pemaseroi tonna mangka umbasei pa’dioran uai tete dio kadanna Puang Matua,

IBRANI 10:10

Pa’poraian iannamorato anta pissan bangri mangka diseroi pesuru’ batang kaleNa Yesu Kristus.

IBRANI 12:25

Kanandai tongan-tonganni, da ammi tumpui tu To ma’kada iato. Belanna iatu to untumpumi tu To umpokada kadanna lan te lino, tae’ anna kullei ullendokan kalena, apa polepi tu kita te, ke memboko’ki’ dio mai Kalena, tu To ma’kada dao mai suruga.

IBRANI 13:20

Puang Matua, oto’na kamarampasan, tu mangka umbaai sule dio mai to’ to mate Pangkambi’ domba, tu umpomala’bi’ rara basse matontongan iamo Puangta Yesu,

IBRANI 2:11

Belanna iatu To ma’pamasallo’ sia to di pamasallo’, misa’ri garonto’na: iamoto Natae’ Ia anNa masiri’ unnaku siulu’i tu tau iato mai,

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;

IBRANI 4:14

Tu belanna den Tominaa Kapua ma’iringanta, tu umpasitarru’mo mintu’ langi’, Iamo Yesu, AnakNa Puang Matua, sipatu tatoe tu kapangakuan iato.

IBRANI 6:4

Belanna mintu’i tu to paissanmo dipamasiang tu penaanna, sia ussa’ding-sa’dingmo pa’kamase lu dao mai suruga sia umpoba’gimo Penaa Masallo’,

IBRANI 6:6

anna sorong boko’, umbapa la dikua umba’rui sule tu pengkatobaranna tau iato, belanna naa’ta’ poleomo tu AnakNa Puang Matua tu la nanii bu’tu kasangganganna, sia napadio lindo bang.

IBRANI 9:13

Belanna iake rara bembe’ laki sia tedong laki sia au anak tedong birang dipi’pikan to maruttak umpamaseroi, naurunganni umbasei batang kale a’gan salianna,

IBRANI 9:20

anna ma’kada nakua: Iamote tu rara lan basse Napasanangkomi Puang Matua.

KADA OMBO’ LAKO RASULU’ YOHANES 1:5

sia lu dio mai Yesu Kristus, tu dadi sa’bi maruru’, tu pa’bunga’ tuo dio mai mintu’ to mate, sia dadi Pangulunna mintu’ datu lan te lino. Nalako tu To-umpakaboro’ki’, sia mangkamo ulla’bakki’ raraNa, dio mai mintu’ kasalan,