IBRANI 10:26 - Sura' Madatu

²⁶ Belanna iake taangga’i umpogau’ kasalan, ke mangkamoki’ unnappa’ kapaissanan diona kamanapparan, tae’mo suru’ pengkalossoran,

IBRANI 10:26 ပူးပေါင်းရင်းမြစ်များ

SURA’ KATOMINAAN 4:13

Iake kasalanni tu mintu’ kasirampunan to Israel natae’ naangga’i sia kabunian tu apa iato dio pentirona kombongan iato sia patengkan lako misa’ pepasanNa PUANG, tu tae’ nama’din dipogau’, napobannangi kasalan tu tau iato mai,

SURA’ KATOMINAAN 4:2

Pokadanni to Israel te kada iate: Iake denni tau kasalan natae’ naangga’i diona misa’ apa tu Nagagai PUANG umpogau’i, anna pogau’i tu misa’ apa iato:

LUKAS 12:47

Iatu kaunan unnissanmo pa’poraianna puangna, natae’ nama’parandan ba’tu tae’ napogau’i susitu pa’poraianna puangna, iamo la dipemalongkanni.

YOHANES 13:17

Iake mitandai tu mintu’nate, maupa’komi, ke mipogau’i.

YOHANES 9:41

Nakuami Yesu ungkuanni: Iakemmi buta, tae’ ammi kasalan; apa belanna mikua: pakitakan, iamoto anna tontong tu kasalammi.

PA’TOLE 17:12

Iatu muane, tu matampo gau’na, anna tang umperangii tu to minaa, tu untoe pentoean dio PUANG, Kapenombammu, ba’tu to mangra’ta’, tau iato la mate. Susimoto la mupa’dei tu apa kadake lan mai Israel.

2 TESALONIKA 2:10

sia sitonda tangnga’ kakadakean lako tu mai to la sanggang, belanna natumpu tu pa’kaboro’ sanda tonganna, kumua anna kabu’tui kamakarimmanan.

1 TIMOTIUS 1:13

moi angku to pa’kada solangan sia to palolan sia to pa’pakario-rioan tonna dolona; apa dikamaseimo’, belanna mintu’na tu iannato kupogau’ diona kabagangku tete katangma’patonganangku.

1 TIMOTIUS 2:4

tu umporai ke mintu’i tau unnappa’ kamakarimmanan sia ullambi’ kapaissanan diona kamanapparan.

YAKOBUS 4:17

Iamoto, iake to unnissan umpogau’ melo, apa tae’ napogau’i napokasalan.

1 YOHANES 5:16

Iake denni misa’ tau untiro siulu’na umpogau’ kasalan tu tang umpabu’tunna kamatean, la napassambayangan, na Puang ungkamasei katuoan, iamotu mintu’ to umpogau’ kasalan tu tang umpabu’tunna kamatean. Den tu kasalan umpabu’tu kamatean, tae’ nadiona to tu kukuan pato’ napassambayangan.

1 SAMUEL 2:25

Iake misa’ tolino sala lako padanna tolino, manassa Napaolai salunna Puang Matua, apa iake tolino kasalan lako PUANG, mindapa la umpengkamoyanni? Apa tae’ naperangii tu kadanna ambe’na, belanna inang la Napateimo PUANG sola duai.