IBRANI 10:25 - Sura' Madatu

²⁵ Da anta salai tu kasirampunan kombonganta siamo, susitu biasa napogau’ tau pira, sangadinna la sipakilala-lalaki’, ondong pole’pi na iato belanna mitiro tu allo iato mengkareke’mo.

IBRANI 10:25 ပူးပေါင်းရင်းမြစ်များ

MATIUS 10:15

Tonganna Kukua mati’ kumua, iake allo kadiparessan la maringngan ia tu parri’na tondok Sodom na Gomora anna parri’na kota iato.

MATIUS 18:20

Belanna umba-umba nii tau da’dua ba’tu tallu sirampun belanna sangangKu, dio dukaNa’ lan tangnga- tangngana.

YOHANES 12:48

Minda-minda tu untumpuNa’ sia tang untarima kadangKu, den sia Misa’ dio la urra’ta’i: iatu kada Kupokada, iamo la umpasalai ke allo katappurannai lino.

PENGGAURANNA RASULU’ 16:16

Denmi pissan tongki lao lako to’ inan nanii tau massambayang, sitammumokan misa’ kaunan baine, to ma’deata pakita-kita, kesaro la’da’ tonganmo tu puangna diona pakita-kitanna.

PENGGAURANNA RASULU’ 2:1

Tonna lambi’mi allo Pentakosta, sirampunmi sola nasangi.

PENGGAURANNA RASULU’ 2:42

Natoe manda’mi tu pangadaranna rasulu’, sia kasiturusan, sia kasirampunan untepu-tepu roti sia kapassambayangan.

PENGGAURANNA RASULU’ 20:7

Iatonna allo bunga’na lan minggu iato, tongki sirampun untepu-tepu roti, ma’uleleammi Paulus lako tu tau, apa nasanga la malemo ke masiangito, iamoto napatarru’i tu pa’uleleanna sae lako ma’tangnga bongi.

ROMA 12:8

iake ma’pakilala, angkaranni tu situru’na kapa’pakilalan; sia iatu mamenganna pasiolananni kamasokanan; sia iatu manglopianna pasiolananni kabirisanan; sia iatu unnangkaranna kamamasean pasiolananni kasendean.

1 KORINTUS 11:20

Iamoto, iake pada kamu sirampun, tangngia ungkande kande katumimburanNa Puang to.

1 KORINTUS 14:23

Nasusito, iake ma’kombonganni tu mintu’ to Sarani, anna mukkun sola nasangi ma’kada susitu pa’kamase diona ma’rupa-rupa basa, anna tama tu to ma’perangi ba’tu to tang ma’patongan, tae’raka nala ma’kada kumua to bomboangkomi te?

1 KORINTUS 14:3

Apa iatu to ma’nubua’, umpokada kada napomelona tolino, sia umpokada pa’pakilala sia pa’pakatana.

1 KORINTUS 3:13

pantan la payan tu panggaraganna. Belanna allo iato tu la umpapayanni tu a’ganna belanna api dipasomboanni; pantan la disudi api tu panggaraganna ba’tu ma’patumbai a’ganna.

1 KORINTUS 5:4

Iake ma’kombongangkomi nadio ren deatangku sola kuasanNa Puangta Yesu,

FILIPI 4:5

Anna issanni mintu’ tau tu kamasokanammi. Sattu’mora Nasae tu Puang.

1 TESALONIKA 4:18

Iamoto la sipakatanakomi unnoong kada iate.

1 TESALONIKA 5:11

Iamoto dadi sipakilalakomi sia sipabatta’komi lan kapatonganammi, susitu mipogau’na siamo.

IBRANI 10:24

Sia melo ke sipokarianganangki’ la untundan pa’kaboro’ sia penggauran melo.

IBRANI 10:37

Belanna sattukmora, na iatu Puang la sae iato, tang marempamo karampoanNa.

IBRANI 13:22

Apa kupalaku lako kamu, e sangsiulurangku, da misa’dinganni te kada pa’pakilalangku, belanna mangkamo kusura’ kondi’ lako kalemi.

IBRANI 3:13

sangadinna pada sipakilala-lalakomi kiallo-kiallo su’ding nasa’bu’pi tau tu allo iate, da miden misa’ battuk penaa natumang tangnga’na kasalan.

YAKOBUS 5:8

Ma’tan penaa dukakomi ammi pabatta’ penaammi, belanna mareke’mo tu kasaeanNa Puang.

1 PETRUS 4:7

Apa iatu ma’katampakanna mintu’ apa mandappi’mo, iamoto la matangkinkomi sia mainga’ lan passambayangmi.

2 PETRUS 3:11

Belanna susinna la kasangganganna to tu mintu’ apa, naumbara la mipakuanni tu kalemi unturu’ gau’ masallo’ sia kamengkaolan?

2 PETRUS 3:14

Iamoto, e pa’kaboro’ku, tayanni tu mintu’nato sia pengkullei, ammi diapparan torro marampa’ tang attangan sia tang sayuan dio oloNa Puang, miurunganni marampa’.

2 PETRUS 3:9

Tae’ Namarempa tu Puang umpalanda’ pangallu’Na, susitu nasanga tau pira kumua marempa tu iannato, sangadinna Nasuka’ kalandokomi, tae’ Naporai, ke denni misa’ tau sanggang, sangadinna kumua anna mengkatoba’ nasang.

YUDAS 1:19

Tau iato mai tu umpaden kasisarakan, iamotu to umbudanan mentolinona sia tae’ Nanii Penaa.