IBRANI 10:24 - Sura' Madatu

²⁴ Sia melo ke sipokarianganangki’ la untundan pa’kaboro’ sia penggauran melo.

IBRANI 10:24 ပူးပေါင်းရင်းမြစ်များ

PA’PUDIAN 41:1

Lu lakona pangala sengo. Pa’pudianna Daud.

SARAMBU PEADA’ 29:7

Iatu to malambu’ untonganan tobongko, apa iatu to tang mekaaluk tae’ napalan penaai tu iannato.

PENGGAURANNA RASULU’ 11:29

Nasituru’imi tu to menturu’ pada umpopatu patunna anna umpakatu pa’tulungna lako to menturu’ dio tana Yudea.

ROMA 11:4

Apa umbara nakua tu kada dipaomboranni? Den siapa Kupopa’mirringan lako Kaleku pitungsa’bu tu muane, tu tang umpenombainna Baal.

ROMA 12:15

Pada parannukomi to parannu; sia pada tumangi’komi to tumangi’.

1 KORINTUS 10:33

susi aku umpopa’lalan penaanna mintu’ tau lan mintu-mintu’na, tae’ kudakaran la napomelona misa kaleku, sangadinna la napomelona to buda, kumua anna makarimman.

1 KORINTUS 9:22

Lako to langga’ mendadi dukana’ to langga’, kumua angku popenturu’i tu to langga’. Anggennamo kunii unna’ga kaleku lako mintu’ tau, kumua sangapa sia manii kupamakarimmanni ba’tu pira-pira tu tau.

2 KORINTUS 8:8

Tae’ kulaoan susii parenta te iannate, sangadinna sara’na to senga’ la kusudian kamalamburan kamamaseammi.

2 KORINTUS 9:2

Belanna kutandai tu kamasorokan penaammi tu napobannang kusattuangkomi dio tingayona to Makedonia, to kumua sangtaunmo lendu’na nanii ma’pasakka’ tu Akhaya, na iatu kamatutturammi umpatiakka’ penaanna buda tau.

GALATIA 5:13

Belanna kamu te, e sangsiulurangku, mangkamokomi ditambai la dipopentorro to makaka, apa iatu katorro-tomakakan iato da mipannii pa’posanganna pa’poraian kale, sangadinna pantan sikaritutuangkomi tete dio pa’kaboro’.

GALATIA 5:22

Apa iatu mai buanNa Penaa, iamotu pa’kaboro’, kaparannuan, kamarampasan, pesuka’ kalando, kamasokanan, kameloan, kamarurusan,

GALATIA 5:6

Belanna iake sirapumoki’ Kristus Yesu, la umpogau’ ba’tu tang umpogau’ sunna’, tae’ kuasanna, sangadinna kapatonganan tu napakedo pa’kaboro’.

GALATIA 6:1

E kamu sangsiulurangku, iake denni misa’ tau diappa’ umpogau’ kasalan, kamu tu Natorroinna Penaa la umpemeloi tau iato situru’ sorong inaa, ammi kanandai kalemi, da anna kamu duka narampoi peroso.

KOLOSE 3:16

Anna kadanNamora Kristus lempan unnongannikomi; siada’komi sia sipakilalakomi situru’ mintu’ kakinaan, sia situru’ pa’pudian sia pa’tendeng sia penanian masallo’ mimenani ma’kurre sumanga’ langngan Puang Matua lan penaammi.

1 TESALONIKA 1:3

Tae’ ka’tunna kikilalai dio oloNa Kapenombanta, iamo Ambe’ta, tu penggauran bu’tu lu diomi mai kapatonganan, sia sara’ bu’tu lu diomi mai pa’kaboro’, sia penaa kalebu ba’tu lu diomi mai kapa’rannuanan diona Puangta Yesu Kristus.

1 TESALONIKA 5:11

Iamoto dadi sipakilalakomi sia sipabatta’komi lan kapatonganammi, susitu mipogau’na siamo.

2 TESALONIKA 3:9

Tangia kumua belanna tae’ kipato’, sangadinna angki padadi kaleki misa’ sangka’ sipatu la mituru’.

1 TIMOTIUS 6:18

Anna ma’gau melo sia umposugi’ penggauran melo, sia masokan, sia naporai mantaa-taa,

TITUS 2:4

anna ada’i kinaa tu mai baine mangura, umpakaboro’ muanena, sia ungkamasei anakna,

TITUS 3:8

La dikatappa’i tu kada iato; na iatu diongna penaangku: la mupakatua tu mintu’nato, anna iatu to ungkatappa’imo Puang Matua, napengkullei umpogau’ mintu’ penggauran melo. Mintu’na tu iannato melo sia den bua’na lako tolino.

IBRANI 13:1

Melo ke tontongi tu pa’kaboro’mi lako sangsiuluran.

IBRANI 13:3

Kilalai tu to ditarungku, butung pada ditarungkukomi, sia iatu to dipakario-rio butung batang kalemi dipakario-rio.

IBRANI 3:13

sangadinna pada sipakilala-lalakomi kiallo-kiallo su’ding nasa’bu’pi tau tu allo iate, da miden misa’ battuk penaa natumang tangnga’na kasalan.

1 YOHANES 3:18

E anakku, da tama’pakaboro’ kada ba’tu puduk bangri, sangadinna la situang penggauran sia kalantukan tongan.