IBRANI 10:20 - Sura' Madatu

²⁰ unnola lalan ba’ru sia tuo tu Nabungkarangki’ untarru’ kulambu, iamotu batang kaleNa;

IBRANI 10:20 ပူးပေါင်းရင်းမြစ်များ

SURA’ KATOMINAAN 16:15

Mangkato la narere’ tu bembe’ laki naposuru’ pengkalossoran bangsa iato sia iatu rarana la nabaa tama lako boko’ kulambu, sia la napogau’ tu rara iato susitu rara sapi laki, iamotu la napi’pikan dao tutu’ pebase kasalan sia dio tingayona tu tutu’ pebase kasalan.

SURA’ KATOMINAAN 16:2

Ma’kadami tu PUANG lako Musa Nakua: Pokadanni Harun, kakammu, kumua lan mintu’ attunna, da natama tu inan maindan dio boko’ kulambu tarru’ lako olo tutu’ pebase kasalan, tu dao patti iato, da namate; belanna ombo’Na’ lan gaun, tu dao tutu’ pebase kasalan.

SURA’ KATOMINAAN 21:23

Apa tae’ nama’din sae lako to’ kulambu sia tae’ nama’din urreke’ inan pemalaran belanna tattan tu kalena, kumua da napamatunai tu mintu’ inan maindanKu, belanna Akumo tu PUANG, tu umpamaindanni.

MATIUS 27:51

Pakalan natipa’duamo tu kulambu lan Banua Kabusungan, tempon dao mai sae rokko; sia tiseno-seno tu padang; sia iatu mai buntu batu silalla-lalla.

MARKUS 15:38

Iatu kulambu Banua Kabusungan tipa’dua, tempon dao mai sae rokko.

LUKAS 23:45

belanna malillin tu allo sia iatu kulambu Banua Kabusungan tipa’dua.

YOHANES 10:7

Nakua pole’omi Yesu: Tonganna tongan Kukua mati’, Akumote tu ba’ba domba.

YOHANES 10:9

Akumote tu ba’ba. Iake denni tau unnolaiNa’, iamo makarimman sia lu tama lu lan mai naungkabu’tui kande.

YOHANES 14:6

Nakuami Yesu lako: Akumote tu lalan sia kamanapparan sia katuoan; moi misa’ tau tae’ narampo lako Ambe’ sangadi ke tete diopi Aku.

EFESUS 2:15

belanna mangka umpasalian tuntunan sukaran aluk sola mintu’ pangalukanna lan batang kaleNa, dikua anna lan Kalena Nanii umpopendadi misa’i tolino ba’ru patomalinna anNa pabu’tu kasikaeloan,

1 TIMOTIUS 3:16

Sia natongannimo tau tumba kapuana tu apa katangpaanna pengkaolanta kumua: Iamotu dipasombo lan batang kale tolino, Natonganni Penaa, payan lako malaeka’, dipa’peissanan lako mintu’ to kapere’, dikatappa’i lan lino, diangka’ tama kamala’biran.

IBRANI 6:19

tu susi sau penaanta bantang sia matoto’, tu mentama tarru’ dio boko’ kulambu sapa’,

IBRANI 9:3

Sia iatu sangsapa’ dio boko’ kulambu ma’penduanna iamo disanga inan tarru’ maindan;

IBRANI 9:8

Susimo a’gannato Nanii umpapayanni Penaa Masallo’, kumua tae’pa anna tibungka’ tu lalan lako to’ inan tarru’ maindan, ke bendan siapi tu tenda dolo,

1 PETRUS 3:18

Belanna pissan dukari tu Kristus mate diona mintu’ kasalanna tau, Iamo To malolo belanna to tang malolo, kumua anNa solangki’ lako Puang Matua; tonganna anNa dipatei diona batang kale, apa dipatuo diona penaa.

1 YOHANES 4:2

Susinna te minii untandai tu PenaanNa Puang Matua; umba-umba tu penaa unnaku Yesu Kristus kumua saemo lan a’gan tolino, iamoto tu lu dio mai Puang Matua;

2 YOHANES 1:7

Belanna buda tu to ma’papusa sumalongmo lan lino, tu tae’ naakui kumua iatu Yesu Kristus sae lan a’gan tolino. Iamora te tu pa’papusa sia uali Kristus.