IBRANI 10:11 - Sura' Madatu

¹¹ Mintu’ tominaa bendan kiallo-kiallo umpogau’ kamenomban, sia madada’ umpennoloan pesuru’ susi duka bangsiato, tu inang tang nakulle umpa’dei kasalan.

IBRANI 10:11 ပူးပေါင်းရင်းမြစ်များ

KATASSURAN 29:36

Sia la urrere’ko sapi laki kiallo-kiallo la diposuru’ pengkalossoran, la usseroi kasalan, sia la mupamasero dio mai kasalan tu inan pemalaran, belanna mupadenan kadiseroian kasalan, sia la mubolloi minna’ busarungngu’ la mupamaindananni.

YESAYA 1:11

Apara gai’na lako Kaleku tu kabudanna pemala’ pangrere’mi? kadanNa PUANG; nabossaMo’ tu mai pemala’ domba laki ditunu pu’pu’ sia iatu mai lompona anak sapi dipelompoi. Tae’ angKu kaduangi rara sapi laki ba’tu domba, ba’tu bembe’ laki.

YEHEZKIEL 45:4

Iate padang iate la sangtempe’ padang, tu maindan; iamo la napotaa mintu’ to minaa to, tu mentoe lan inan maindan, tu mengkareke’ la mengkaola lako PUANG: iamo la nanii tau iato ma’nubua’ sia misa’ inan dipamarimbangan lako inan maindan.

DANIEL 11:31

Sia la napake’de’ tu ba’tu pira-pira surodadu, anna ruttakki tu inan maindan, iamotu tambakuku, sia la naputtai bang tu pemala’ allo-allo sia napabendanni tu apa megallian, tu ma’kasanggang.

DANIEL 12:11

Randuk dio mai pemala’ nenne’ bang kiallo-kiallo dipa’dei sia dipabendan tu apa megallian ma’kasanggang, den sangsa’bu dua ratu’ ngkasera pulona allona.

DANIEL 8:11

Umpatarompo’ duka kalena unnea arungna ma’dandan maritik, sia naputtai tu pemala’ allo-allo lako Puang sia nasongkan tu inan maindanNa.

DANIEL 9:21

marassan bangsiapa’ ma’kada tongku massambayang, saemi tu misa’ muane, iamotu Gabriel, tu mangka kutiro dolona lan patiro mendeata, matira’ tongan mentia’ umperreke’ina’, tonna attu pemala’ karoen.

DANIEL 9:27

Sia la napamabanda’ tu basse lako buda tau lan sangminggu; iatonna ma’tangngana minggu la napa’dei tu pemala’ pangrere’ sia iatu kande dipemalaran; anna dao pani’ megi’giran la sae tu misa’ to ma’kasanggang sia manassa la nasanggang sae lako tappunna, sia iatu apa dipamanassa la dibarrakan dao apa sanggang.

MIKHA 6:6

Apara la kubaa la mennolo lako Puang sia la kubaa tukku menomba lako Puang Matua dao inan madaona? Ma’dinraka kupennoloan tu pemala’ ditunu pu’pu’, iamotu anak domba sangtaun dadinna?

KADIBILANGAN 28:24

Susimoto la miparandan kiallo-kiallo lan pitung allo tu kande pemala’ pantunu, iamotu dipobau busarungngu’ lako PUANG. Senga’ iatu pemala’ ditunu pu’pu’ kiallo-kiallo la diparandan la dipasisola pemala’ pantedok.

KADIBILANGAN 28:3

Sia pokadanni lako tu tau, kumua: Iamote tu pemala’ pantunu tu la mipennoloan lako PUANG, iamotu da’dua domba sisangtaunmo, tu tae’ tattanna, dipopemala’ ditunu pu’pu’ kiallo-kiallo.

KADIBILANGAN 29:6

Senga’ iatu pemala’ ditunu pu’pu’ ke bulanoi sia kande dipemalaran dipasisola sia pemala’ ditunu pu’pu’ kiallo-kiallo, dipasisola kande dipemalaran, sia dipasisola pemala’ pantedok situru’ atoranna, dipobau busarungngu’, iamotu misa’ pemala’ pantunu lako PUANG.

IBRANI 10:1

Belanna iatu Sukaran aluk bayo-bayona bangri mintu’ rongko’ la sae, tangia kumua batangna tonganno mintu’ apa iato, anna tete dio pesuru’ susi duka bangsiato, tu nenne’ dipemalaran rundun taun, inang tae’ nabelai umpasundun mintu’ to umpennoloi.

IBRANI 10:4

Belanna inang tae’ nakullei tu rara tedong laki sia bembe’ laki la umpa’dei kasalan.

IBRANI 5:1

Belanna mintu’na tominaa kapua iamo diangka’ umbendanan tolino diona kamenomban langngan Puang Matua, kumua anna ia umpennoloan pemala’ sia suru’ belanna mintu’ kasalanna tau;

IBRANI 7:27

tae’ Namanggi’ susi tominaa kapua senga’, kiallo-kiallo umpennoloan ba’tu sangapa suru’, bunga’na belanna mintu’ kasalanna siamo, namane belanna mintu’ kasalanna to buda. Belanna iatu ianna te mangkamo Ia Napissanni Napogau’ tonna pemalaran Kalena.

IBRANI 8:2

Iamo to mentoe dio inan maindan sia lan batang kema tongan, tu Napabendan Puang, tangia tolino.

IBRANI 8:4

Moronganna kenna la torro lan te lino, inang tae’ Ia anNa mendadi Tominaa Kapua, belanna denmo tu to umpennoloan pemala’ situru’ Sukaran aluk.