IBRANI 1:8 - Sura' Madatu

⁸ Apa diona tu Anak nakua kadanNa: IsungamMi, o Kapenomban, tontong sae lakona; sia tekken kamalamburan iamo tekken kapayunganNa.

IBRANI 1:8 ပူးပေါင်းရင်းမြစ်များ

2 SAMUEL 23:3

Ma’kada tu Kapenombanna to Israel, narampoina’ kadanNa Buntu batunna to Israel, Nakua: Misa’ to ma’parenta lako tolino sitoe kamalamburan, misa’ to ma’parenta ungkataku’ Puang Matua.

PA’PUDIAN 145:13

Iatu kadatuamMi misa’ kadatuan matontongan sae lakona, sia iatu kapayungamMi tontong sipapa’.

PA’PUDIAN 72:7

Sangapaoi, ke attunnami dako’, la maupa’ tu to malambu’, sia sebo tu kamarampasan sae lako pa’dena tu bulan.

PA’PUDIAN 99:4

Belanna iatu kamatotoranNa Datu ungkabarii katonganan. Mangkamo Mipantok tu atoran malolo, sia mangkamo Mipogau’ tu katonganan sia kamaloloan dio lu bati’na Yakub.

YESAYA 45:25

Lan PUANG dinii ussanda-tonganni sia la nanii massattuan tu mintu’ bati’na Israel.

YESAYA 7:14

Iamoto anNa PUANG kaleNa la umbenkomi tanda kumua: La ma’tambuk tu anak dara iato anna dadian misa’ pia muane, la nasangai Imanuel.

YEREMIA 38:15

Mebalimi Yeremia lako Zedekia nakua: Iake kupokadai lako kalemi, tae’ siaraka mila umpateina’? Sia iake kupakilalakomi, ammi tang umpasiolai.

HOSEA 1:7

Apa iatu bati’na Yehuda la Kukamasei sia la Kurampanan tete dio PUANG Kapenombanna. Apa tae’ angKu la urrampananni tete dio pana ba’tu pa’dang ba’tu pa’buno, ba’tu darang ba’tu pakkanarang.

ZAKHARIA 13:9

Iatu taa tallunna to, la Kupatama api, sia la Kupakombong susito salaka napakombong tau, ondongpi la kusudi, susito bulaan nasudi tau. La nasa’bu’ tau iato mai tu sangangKu sia la Kuperangii. La ma’kadaNa’ Kukua: Iatu tau iato mai taungKu sia ma’kada duka tu tau iato mai nakua: Iatu PUANG iamo Kapenombangku.

ZAKHARIA 9:9

Sila’tekangko, e anak dara Sion, unnarrak-arrakko, e anak dara Yerusalem! Manassa iatu datummu saemo lako kalemu, malambu’ sia pasau’, umpamadiongan penaanna, sia ussakei keledai, iamotu keledai laki, anakna keledai birang.

MALEAKHI 3:1

Tonganna, Kusua pesuangKu, tu la umparandan lalan dio oloKu; simpolo saemi tu Puang, tu midaka’, lako Banua kabusunganNa, iamotu Malaeka’ kasibassean tu mikamali’. Tonganna la sae, kadanNa PUANGna mintu’ ma’dandan maritik.

MATIUS 1:23

Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

LUKAS 1:75

sikambi’miki’ kamaseroan sia kamaloloan, dio oloNa lan mintu’ allo katuoanta!

YOHANES 10:30

Iatu Aku na Ambe’ misa’ bangsiari.

YOHANES 10:33

Nakuami tu to Yahudi mebali lako: Iatu penggauran melo tae’ ia na ia la kinii untumbuiKomi batu, apa iari tu umpa’kada solangiKomi Puang Matua, sia iatu to linoKomi amMi papada Puang Matua KaleMi.

YOHANES 20:28

Mebalimi Tomas sia nakua lako: O Puangku sia Kapenombangku.

ROMA 9:5

tu umponene’i tu mai to dolo, dio duka mai to Israel nanii bu’tu Kristus diona a’gan kale tolinoNa, Kapenomban sipatu dipudi sae lakona! Amin.

1 KORINTUS 15:25

Belanna inang sipato’ ma’parenta susi datu, sae lako Napadiongna nasang Puang Matua to’ lentekNa tu mintu’ uali.

PA’TOLE 2:37

Ia manna tang mureke’ tu tondok to Amon; sae lako mintu’ biringna salu’-salu’ Yabok, ba’tu lako mintu’ kota dao ma’buntunna, ba’tu lako misa’ inan, tu Nanii PUANG, Kapenombanta, unggagaiki’.

PA’TOLE 7:14

La rongko’ko undaoanni mintu’ bangsa; tae’ misa’ muane ba’tu baine la tamanang dio lu kamu sia dio lu patuoammi.

1 TIMOTIUS 3:16

Sia natongannimo tau tumba kapuana tu apa katangpaanna pengkaolanta kumua: Iamotu dipasombo lan batang kale tolino, Natonganni Penaa, payan lako malaeka’, dipa’peissanan lako mintu’ to kapere’, dikatappa’i lan lino, diangka’ tama kamala’biran.

2 PETRUS 1:11

Belanna susimoto ammi dibungkaran sea-sea lalan tama Parenta matontonganNa Yesu Kristus, Puangta sia To pakarimmananta.

1 YOHANES 5:20

Sia taissan kumua saemo tu AnakNa Puang Matua sia Nakamaseammoki’ kapaissanan, kumua anta tandai tu To tongan; iatu kita te lanki’ To tongan, iamotu lan AnakNa, – Yesu Kristus –. Ia tonganmo Puang Matua te sia katuoan matontongan.