IBRANI 1:14 - Sura' Madatu

¹⁴ Tangiaraka kumua mintu’na tu malaeka’ iamo penaa mengkaola lako Puang Matua, tu disua ungkamayai tolino, la umpomana’ kasalamaran?

IBRANI 1:14 ပူးပေါင်းရင်းမြစ်များ

KADADIAN 32:24

Sangadinna Yakub mannamo torro misa-misa; denmi misa’ muane nasila’karan sae lako tibangka’na masiang.

1 DATU 22:19

Nakuami Mikha: Iamoto perangii tu kadanNa PUANG: Kutiromo tu PUANG unnisung dao isungan kapayunganNa namintu’ baananna suruga bendan dio kanan kairinNa.

AYUB 1:6

Den sangallo saemi tu mai anakNa muane Puang Matua umpennoloi PUANG sia sae duka tu deata bulituk nasisolan.

PA’PUDIAN 104:4

Sia angin Naposumbungan lentek, sia api dukku Napokambutu’ maringngan.

PA’PUDIAN 34:7

Iate to mandasa iate meongli’mo, anNa tananni talinga PUANG, sia Nalendokan, dio mai mintu’ kamaparrisanna.

DANIEL 3:28

Ma’kadami Nebukadnezar nakua: Mintu’ kadipudian lu langngan Kapenombanna Sadrakh, Mesakh na Abednego! Nasua tu malaeka’Na sae urrampanan taunNa, tu nanii sande’, tu untengkai tu parentana datu sia umpopa’elo’na batang kalena, belanna moi misa’ deata noka ia umpakarayai ba’tu umpenombai, sangadinna Kapenombanna manna.

DANIEL 6:22

Mebalimi tu Daniel lako datu nakua: O datu, namasakkemora tu datu sae lakona.

DANIEL 7:10

Sia misa’ salu api tikula’dak-la’dak, na lolong dio oloNa; massa’bu-sa’bu diala pessangsa’bu umpengkaolai sia sangpulo sa’bu-sa’bunna diala pessangpulo sa’bu bendan dio oloNa. Unnisungmi tu to ma’paolai salu anna bungka’i tu mintu’ sura’.

MATIUS 1:20

Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

MATIUS 13:41

La Nasua Anak rampan dilino tu malaeka’Na, anna rampunni tu mintu’na patua’ ba’tangna sia to umpogau’ kabulitukan lan mai ParentaNa.

MATIUS 18:10

Kanandai tonganni, da naden misa’ mitapa’ te to bongko iate. Belanna Kukua mati’, iatu mintu’ malaeka’na lan suruga tontong untiro lindo Ambe’Ku dao suruga.

MATIUS 2:13

Malena sia tu to patanda-tandan, nakita tindomi Yusuf tu misa’ malaeka’Na Puang, nakua: Millikko, ammu alai tu Pia sola indo’Na, ammu pallaianni lako Mesir, ammu torro dio sae lako kukuammu, belanna napengkali-kalii Herodes undaka’ lalan la umpatei tu Pia.

MATIUS 24:31

Anna ussua malaeka’Na umpannoni tarompe’ pua, kapua oninna, sia urrampun mintu’ to NapileinNa dio mai matallo matampu’, lo’ mai engkokna padang sae rekke ulunna langi’, tempon dio mai randanna langi’ sae lako randan sangsesena.

MATIUS 25:34

Namane ma’kada tu Datu lako tu to dio rampe kananNa kumua: Maimokomi, e kamu tu Naparongko’na Ambe’Ku, ammi pomana’i tu mana’, iamotu kadatuan diparandanangkomi tempon dio mai dikombongna tu lino.

MATIUS 4:11

Mangkato soro’mi tu Deata bulituk dio mai Kalena, nasae malaeka’ ungkamayaI.

MARKUS 10:17

IatonNa sunmo lako to’ batatta tu Yesu, saemi tu tau misa’ ma’dondo-dondo lako Kalena anna malinguntu’ dio oloNa, nakutanai nakua: O Guru masokan, apara tu sipatu la kupogau’, angku pomana’ katuoan tontong sae lakona?

LUKAS 1:19

Mebalimi malaeka’ lako nakua: Akumote tu Gabriel, biasana’ bendan dio oloNa Puang Matua, nasuamo’ sae ussipa’kadangko umparampoi te kamauparan iate lako kalemu.

LUKAS 1:23

Iatonna sundunmo allo pentoeanna, sulemi lako banuanna.

LUKAS 16:22

Pakalan den pissan matemi tu to mase-mase iato, nasolanni malaeka’, naparokkoi rianna Abraham.

LUKAS 2:13

Pakalan denmi budai sangtuntunan lan mai tu mintu’na malaeka’ ma’baanan dao suruga nasolan tinde malaeka’ umpudi-pudi Puang Matua, nakua:

LUKAS 2:9

Tiramban denmi misa’ malaeka’Na Puang Matua bendan dio tingayona tu to manglaa sia natikui arrang maseroNa Puang Matua, dadi lendu’mi mataku’na sola nasang.

PENGGAURANNA RASULU’ 11:22

Napekarebami kombongan dio Yerusalem tu diona to, anna suai tu Barnabas lako Antiokhia.

PENGGAURANNA RASULU’ 12:23

Ta’pa napa’tongmi malaeka’Na Puang tu Herodes, belanna tang umbilang Puang Matua, Nakandemi ulli’ namate.

PENGGAURANNA RASULU’ 12:7

pakalan nabendanmo misa’ malaeka’Na Puang inde to dio, sia den arrang parrang lan bilik iato; nasa’pa-sa’pami tu la’pekna Petrus sia natundan nakua: Millikko madomi’! Tobangmi tu rantena lan mai limanna.

PENGGAURANNA RASULU’ 13:2

Matangngamo tinde tau umpogau’ kamenomban langngan Puang sia ma’puasa, Nakuami Penaa Masallo’: PamarimbanganNa’ tu Barnabas sola Saulus, anna pogau’i tu pentoean Kupapatuanni.

PENGGAURANNA RASULU’ 16:26

Pakalan nasaemo lino’ kapua, anna tigoyak tu lilli’ tembo’ pa’tarungkuan. Ta’pa tibungka’ nasangmi tu ba’ba sia iatu mai sangkalana tau tikalossok.

PENGGAURANNA RASULU’ 27:23

Belanna sangmai’ bongi den malaeka’Na Puang Matua, tu Puang kupopuang sia kupenombai, ke’de’ dio sa’deku,

PENGGAURANNA RASULU’ 5:19

Apa nabungka’ malaeka’Na Puang tu ba’ba pa’tarungkuan tonna bongi, natassu’i lan mai sia nakua:

ROMA 11:14

kubela sia manii umpabu’tuan kapangimburuan sangrara sangbukungku sia ungkarimmanni tu tau pira.

ROMA 13:6

Ia dukamira to ammi mamaya’ sima; belanna iamoto Napadudungi bunga Puang Matua tu tontong sikambi’ pentoean iato.

ROMA 15:16

kumua angku dadi to pasumbunganna Kristus Yesu lako to kapere’ la untoe pentoean maindan diona Kareba-kaparannuanNa Puang Matua, anna iatu to kapere’ mendadi pemala’ Naporai Puang Matua, belanna Napemapindanni Penaa Masallo’.

ROMA 15:27

Iamoto tu nasituru’i tau iato: ondongpi nainang kaindanan dukai tu tau iato lako to Israel, belanna iake natamaimi to kapere’ tu tang mentolinona, sipato’ duka tu to kapere’ umpa’kamayan barang apanna lako tau iato.

ROMA 8:17

Iake anakki’, ma’mana’ dukaki’, iamotu mana’ dio mai Puang Matua sia pada ma’mana’ki’ Kristus, ke umperasaiki’ kamaparrisan sola, anta pada dipakala’bi’duka.

1 KORINTUS 1:21

Apa belanna diona kakinaanna kalena te lino anna tang untandai tu Puang Matua lan kakinaanNa, iamoto anna iatu pa’poraianNa Puang Matua la ungkarimmanni tu to ma’patongan tete dio tu pa’popetaana pangadaran iato.

2 KORINTUS 9:12

Belanna iate pentoean kamamasean iate tangngia manna umpasitutu’ kakuranganna to masallo’, sangadinna kala’bian pole’pa diona kabudanna pa’kurre sumanga’ langngan Puang Matua.

GALATIA 3:29

Belanna iake taunnakomi Kristus, kamumo tu tarukna Abraham, iamotu mana’ napatu tu pangallu’.

GALATIA 3:7

iamoto la miissan kumua mintu’na tu to umposande’ kapatonganan, iamo anakna Abraham.

GALATIA 3:9

Iamoto anna mintu’ to umposande’ kapatonganan ungkabu’tui kamauparan sola Abraham to ma’patongan.

EFESUS 3:6

to kumua iatu to kapere’ pada-pada ma’mana’ sia misa’ kale sia pada ketaa dio mai pangallu’ lan kasiturusanNa Kristus Yesu tete dio Kareba-kaparannuan.

FILIPI 2:17

Moi susinna anna dipato’do raraku dibolloan pemala’ sia pesuru’ kapatonganammi, parannu duka penaangku sia sende-sendena’ sisola kamu massola nasang,

FILIPI 2:25

Apa kusanga sipatu duka kusua mati’ tu Epafroditus, siulu’ku sia sangayokangku lan pentoeangku sia kaparariangku, tu to misua umparakaina’ lan kakurangangku,

2 TESALONIKA 1:7

anna iatu kamu dipakario-riona diben kamanamanan sisola kami, to ke dipasomboi tu Puang Yesu dao mai suruga sola mintu’ malaeka’ matoto’Na,

TITUS 3:7

kumua anna kita, tu mangka dibilang malolo tete dio pa’kamaseanNa, dipadadi to umpomana’ katuoan sae lakona, susitu tarannuanna.

IBRANI 10:11

Mintu’ tominaa bendan kiallo-kiallo umpogau’ kamenomban, sia madada’ umpennoloan pesuru’ susi duka bangsiato, tu inang tang nakulle umpa’dei kasalan.

IBRANI 2:3

umbara la takua tilendok, ke tae’i takatappa’i tu kasalamaran pada kapuanato, tu tipamulanna Napa’peissanan Puang, anna pakanassai mintu’ to mangka urrangii lako kita;

IBRANI 5:9

Tonna mangkamo dipasundun maneri Ia mendadi oto’ kamakarimmanan matontonganna mintu’ to mengkaola lako Kalena,

IBRANI 6:12

dikua da ammi matukkun, sangadinna la unturu’komi sangka’na tu mai to umpomana’ mintu’ tu Naallu’na Puang Matua belanna kapatongananna sia kama’tanan penaanna.

IBRANI 6:17

Iannamorato, belanna morai tongan tu Puang Matua umpapayan katanglelukanNa lalan penaanNa lako mintu’ to umpomana’ pangallu’, Naarra’imi sumpa,

IBRANI 8:6

Apa totemo te Naappa’mo Yesu tu misa’ pentoean mandu mala’bi’ sitinaya kamendadianNa Toparitangngana basse mandu melo, tu diarra’i lan mintu’ pangallu’ mandu melo.

IBRANI 9:28

susi dukamo Kristus, tonna mangkamo pissan dipemalaran la ullendokan kasalanna to buda, anna iake ma’penduannami, tang untanggungmo kasalanna tau, anNa tiroi mintu’ to untayanNi la napomakarimman.

YAKOBUS 2:5

Perangii, e sangsiuluran pa’kaboro’ku, tang Napileiraka Puang Matua tu to bongko lan te lino mendadi sugi’ kapatonganan sia umpomana’ Parenta tu mangka dialluran mintu’ to ungkamaseI?

1 PETRUS 1:12

Mangkamo dipapayanan tau iato mai, kumua tae’ anna kalena napatu, sangadinna kamuri anna mangka masara’ lan mintu’ passalan, tu totemo te napokadangkomi tu to umpa’peissanan Kareba-kaparannuan lako kalemi tete dio Penaa Masallo’, tu disua dao mai suruga; passalan iamorato napetimbayo malaeka’ la morai naissan.

1 PETRUS 1:4

la ungkabu’tui mana’ tang la sanggang sia tang attangan sia tang la malayu, tu diannangkomi lan suruga,

1 PETRUS 3:7

Susi duka kamu to, e mintu’ muane la kinaakomi siruran bainemi, belanna ma’kada baine, ammi kasiri’i, apa pada umpomana’komi pa’kamaseanNa Puang Matua, iamotu katuoan: dikua anna tang tikadang-kadang tu passambayangmi.

YUDAS 1:14

Diona dukamo tau iato mai namangka ma’nubua’ tu Henokh, bati’ ma’pempitunna Adam, nakua: Tiromi, saemo tu Puang sola to masallo’Na ma’pulo-pulo sa’bu,

KADA OMBO’ LAKO RASULU’ YOHANES 5:6

Kutiromi lan tangnga-tangnga isungan kapayungan sia a’pa’ a’gan kepenaa sia lan tangnga-tangngana mintu’ penatua ke’de’ misa’ Anak domba, butung to mangkamo direre’, pitu tandukna, sia pitu matanna, iamotu pitu PenaanNa Puang Matua, tu mangka disua lako mintu’ lili’na’ lino.