IBRANI 1:12 - Sura' Madatu

¹² sia susi sambu’ la Milu’pi’, sia mintu’nato la bali’ susi tamangkale; apa Kamu tang la bali’, sia tae’ upu’na tu taun bilangamMi.

IBRANI 1:12 ပူးပေါင်းရင်းမြစ်များ

AYUB 36:26

Manassa iatu Puang Matua pasareongan, sia tang nalambi’ paissanta, tang dikemba’ diia’ tu taun umuru’Na.

PA’PUDIAN 90:4

Belanna iatu passangamMi sangsa’bu taunna, butungri to allo sangmai’ mane mangka lendu’, sia butung sangteponari bongi.

KATASSURAN 3:14

Ma’kadami tu Puang Matua lako Musa Nakua: Aku Den tu inang Denna’ sia Nakuapa: Susite tu la mupokada lako to Israel, kumua: Aku Den tu ussuana’ sae lako kalemi.

YESAYA 38:12

Iatu pa’bongiangku dirondonmo sia dilendokammo dio mai kaleku susito tenda to mangkambi’; ullulunmo’ katuoangku butung to ma’tannun: Nara’ta’mo’ Puang dio mai tandaan. Misa’bianganmo’ allo bongi.

YOHANES 8:58

Nakuami Yesu uangkuanni: Tonganna tongan Kukua mati’: Tae’pa naden tu Abraham, angKu inang Denmo.

IBRANI 13:8

Iatu Yesu Kristus tae’ anna membali, la iongi’, la totemo sia sae lakona.

YAKOBUS 1:17

Iatu mintu’na pamengan sia mintu’na pa’kamase lu dao mai, songlo’ dao mai Ambe’, oto’na mintu’ parrangna dao langi’, Iamotu tang membali sia tae’ natimbayo len katileleanNa.