HOSEA 9:9 - Sura' Madatu

⁹ Lendu’ ia kadakena penggauranna, susi lan allona Gibea: La Nakilalai Puang tu kakadakeanna sia la Naukung tu kasalanna.

HOSEA 9:9 ပူးပေါင်းရင်းမြစ်များ

KATASSURAN 32:7

Attu iato ma’kadami PUANG lako Musa Nakua: Malemoko, mengkalaomoko belanna iatu bangsamu, tu musolan sun lan mai Mesir kadakemo gau’na.

YESAYA 24:5

Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

YESAYA 31:6

Mengkatoba’komi lako Kalena, tu mambela lalanmo nanii to Israel sorong boko’.

YEREMIA 14:10

Inde sia tu kadanNa PUANG tu diona bangsa iate, Nakua: lendu’ ia naporainna tu tau iato mai salamba salao sia tae’ napatadangi tu lette’na; iamoto natae’ nakalo’i penaanNa PUANG. Na totemo la Nakilalaimo tu kakadakeanna sia Naukung tu kasalanna tau iato mai.

YEHEZKIEL 21:28

Na iko, e ma’rupa tau, ma’nubua’ko sia ma’kadako kumua: Inde sia tu kadanNa Puangta PUANG diona to Amon sia diona pelo’bona; ma’kadako mukua: E pa’dang, tinonokmoko la ma’tinggoro, diasamoko la papatean, sia la pandillak-dillak

HOSEA 10:9

Tempon allonapa Gibea, mupogau’mo kasalan, e Israel. Tontong bangkomi umpengkaolai tu iannato. Tang nalambi’raka dio Gibea tu tau iato mai tu kasirarian unneai tu to tang mekaaluk unturu’ pa’poraiangKu?

HOSEA 4:9

La dipapada to minaa tu to buda. Iamoto Kula unnukungi diona tu kedona sia la Kupapakkanni tu penggauranna.

HOSEA 5:8

Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

HOSEA 7:2

Tae’ nakilalai, kumua iatu mintu’ kakadakeanna Kupalan penaa. Totemo natikuimo gau’ kadakena, sia dio nasangmo oloKu.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 9:8

Iatu to ma’kampana Efraim dio oloNa Kapenombangku, iamo nabi – misa’ poyana to ma’poya dio mintu’ lalanna, sia kamabirisan lan banuanNa Kapenombanna.

ZEFANYA 3:7

Ma’kadaNa’ Kukua: Kataku’Na’ sia tarimai tu peada’; iake susito, iatu inanna tae’ nala disabu’i situru’ tu mintu’ ukungan tu la Kuparampoanni. Apa natikarai pissan umpogau’i tu mintu’ kakadakeanna.

TO PARENGNGE’ 19:12

Apa mebali tu puangna lako nakua: Tae’ tala lendu’ lako misa’ kotana tau, tu tang nanii to Israel, sangadinna la tarru’ki’ lako Gibea.

TO PARENGNGE’ 19:16

Denmi misa’ to matua sule mengkarang dio mai pa’lakna to bongi iato. Iatu tau iato lu dao mai buntunna Efraim sia torro to sae dio Gibea; iatu mintu’ pa’tondokan iato to Benyamin.

TO PARENGNGE’ 19:22

Iatonna marassan parannu-rannu kumande, saemi tu pa’tondokan, to bulituk, untalimbung tamai tu banua iato, anna undedek ba’ba sia ma’kada lako to matua, puangna banua, nakua: Patassu’i mai salian tu muane, sae ma’bongi lan banuammi angki sangampa’.

TO PARENGNGE’ 20:43

Napatama limbumi tu to Benyamin, naula’ sumpui sia nasanggang sae lako tingo Gibea, dio rampe matallona.