HOSEA 9:3 - Sura' Madatu

³ Tae’mo nala torro lan tondok PUANG tu tau iato mai, sangadinna iatu Efraim la sule lako Mesir, sia la ungkande apa tang masero dio lu Asyur.

HOSEA 9:3 ပူးပေါင်းရင်းမြစ်များ

1 DATU 9:7

manassa la Kuurakki tu to Israel dio mai tu padang Kukamaseanni, sia iate banua mangka Kupamarimbanganan sangangKu, la Kutumpu dio mai oloKu, naurunganni iatu to Israel la dipoparumbasan sia la dadi misa’ kaditellean dio lu mintu’ bangsa.

2 DATU 17:6

Iatonna taun ma’pengkaseramo kadatuanna Hosea natalomi datu Asyur tu Samaria, anna pali’i tu to Israel lako Asyur, sia napopa’tondok dio Halah, dio biring salu Habor, iamo salu dio Gozan, sia dio lu mintu’ kota to Madai.

YEREMIA 16:18

Iamoto la dolo Kupabala’i penduan tu kakadakeanna sia kasalanna tau iato mai, belanna naruttakkimo batang rabuk megallianna sia megi’giranna tu tondokKu sia napasitutu’i apa iato tu mana’Ku.

YEREMIA 2:7

Kusolammokomi tama misa’ padang malompo, ammi kandei tu mintu’ buanna sia bura maelona, apa iatommi rampomo tama, mipamaruttakmo tu padangKu sia iatu mana’Ku mipopendadi apa megallian.

BATING 5:6

Kipopandaka’ tu limangki lako Mesir, sia lako Asyur, kinii ma’pedia’ roti.

YEHEZKIEL 4:13

Ma’kadami tu PUANG, Nakua: Susimoto tu to Israel la ungkande roti maruttakna dio lu mintu’ bangsa, tu padangna Kunii la ussualei tu tau iato mai.

DANIEL 1:8

Iatu Daniel napamanassamo lan penaanna, kumua tae’ nala urruttakki lenni kandena datu sia uai anggoro’ nairu’ datu, tu kalena; iamoto anna messiman lako pangulu to mase’ponna datu, kumua da anna ruttakki lenni tu kalena.

HOSEA 11:11

La sae sipa’parondoan susito manuk-manuk dio mai Mesir sia susito bu’ku’ dio mai tondok Asyur, angKu patorroi lan banuanna, kadanNa PUANG.

HOSEA 11:5

Tae’raka pa’tangngaranna sule lako Mesir? Manassa Asyur la undatui, belanna manoka mengkatoba’ tu tau iato mai.

HOSEA 7:11

Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

HOSEA 7:16

Messaile sia tu tau iato mai, apa tae’ nalu langngan; butungi to misa’ pana disanga melo, apa tae’mo gai’na. Iatu mai arungna la tibambang nakande pa’dang natumang kada layukna. Dionamo to nanii tau ullo’boi lan lu tondok Mesir.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 9:6

Belanna, moi anna tilendok dio mai kasanggangan, la narampun duka Mesir, sia la napeliang Memfis. Ria la ussitutu’i tu ianan salakana sia duri la tuo lan lu tendana.

SURA’ KATOMINAAN 18:28

dikua anna da naluakomi tu tondok iate, ke miruttakki, susi tu bangsa dolo na kamu mangka nalua.

SURA’ KATOMINAAN 20:22

Iamoto karitutui tonganni tu mintu’ aluk Kupondok sia mintu’ atorangKu, da naluakomi tondok, tu Kunii ussolangkomi lako, ammi torro lan.

SURA’ KATOMINAAN 25:23

Iatu padang iato tae’ na la dibaluk sae lakona, belanna padangKu sia kamu to sae sia to mentiruran tu torro dio padangKu.

AMOS 7:17

Iamoto inde sia tu kadanNa PUANG Nakua: Iatu bainemu la pasandak salu lako rampanan kapa’ lan lu kota, iatu anakmu muane sia anakmu baine la songka nakande pa’dang, sia iatu pa’lakmu la ditaa-taa ulang pesuka’, na iko kalena la mate dio to’ padang tang masero, sia iatu to Israel manassa la male dipali’ lan mai tondokna.

MIKHA 2:10

Ke’de’komi mimale, belanna iate inan iate tangia inan kapelayoan; belanna maruttak te tondok iate, iamoto naumpaden katune, ondongpi misa’ katune ma’kasanggang tarru’.

PENGGAURANNA RASULU’ 10:14

Apa nakua Petrus: Da’ maro’ ia to Puang, belanna tae’ bangpa kukandei tu pemalinna dikande sia megi’giranna.

PA’TOLE 28:63

Susi kanaalanna penaanNa PUANG umpogau’ melona lako kalemi sia la umpamakambankomi, susi dukamoto la naala penaanNa PUANG la ussanggangkomi sia ummangsannikomi; sia la unnali’komi lan mai tondok, tu muala mupoapa.

PA’TOLE 28:68

La Napopa’kappala’ko PUANG sule lako Mesir dio lu lalan, tu mangka Kupokada lako kalemu, kumua: Tae’mo mula untiro lenni; la dibaakomi dibalukan lako ualimmi la dipokaunan muane, sia dipokaunan baine, apa tae’ tau unnallikomi.

PA’TOLE 4:26

allo iate kualamo tu langi’ sia padang la ussa’biikomi diona kasalammi, kumua manassa la madomi’komi tallan lan tondok, tu la miala mipoapa, ke mangkamokomi ullamban Yordan; tae’ mimasai tuo lan tondok iato, sangadinna manassa la disanggangikomi.

YOSUA 23:15

Apa susitu mintu’ apa melo urrampoikomi tu Naallu’ PUANG, Kapenombammi, lako kalemi, la susi dukato la Naparampoikomi PUANG mintu’ kakadakean, Naurunganni ussabu’ikomi lan mai te tondok ballo, tu Nakamaseangkomi PUANG, Kapenombammi.