HOSEA 8:2 - Sura' Madatu

² Tau iato mai metamba lako Kaleku, nakua: O Kapenombangku. Kami te, to Israel, kitandaiKomi.

HOSEA 8:2 ပူးပေါင်းရင်းမြစ်များ

2 DATU 10:16

Nakuami Yehu: Maimokomi tamale sola ammu tiroi tu kamatutturangku umposara’i tu diona PUANG. Iamoto nasuai tu tau iato mai kendek langngan karetana.

2 DATU 10:29

Sangadinna ia manna tu kasalanna Yerobeam, anakna Nebat, tu napa’pesuan lako to Israel umpogau’i, tae’ naboko’i Yehu, iamotu mai anak sapi bulaan dio Betel sia dio Dan.

YEREMIA 7:4

Da mipatonganni tu kada pa’pakena, tu nakua: Iamote tu banuanNa PUANG, banuanNa PUANG, banuanNa PUANG!

HOSEA 5:15

La maleNa’, angKu sule lako inangKu, sae lako ussa’dingna salana sia undaka’ oloKu; ianna kapussakan tu tau iato mai, manassa la mamali’ tonganmo penaanna umpeagi’Na’.

HOSEA 8:3

Untibemo maelona tu to Israel; iamoto anna ula’i uali.

MIKHA 3:11

Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

MATIUS 25:11

Mangkato sae dukami tu anak dara senga’ nakua: O puang, o puang, bungkarangkan kami ba’ba.

MATIUS 7:21

Tae’ namintu’ tu to metamba lako Kaleku kumua: O Puang, o Puang! tu la tama Parenta Suruga; sangadinna iatu to umpogau’ pa’poraianNa Ambe’ku dao suruga.

LUKAS 13:25

Iamoto ke ke’de’mi tu ampu banua nasalli’i tu ba’ba, ammi randukmo bendan bang dio salian undedek ba’ba, mikua: O Puang, bungkarangkan kami, anNa mebalimo Nakua: Tae’ Aku kutandaikomi, lu umbarokomi nii sae?

TITUS 1:16

Tau iato ussanga kalena untandai Puang Matua, apa penggauranna tang ussangai, belanna pagi’giran, sia pabali-bali sia tae’ bang patunna lako mintu’ penggauran melo.

1 YOHANES 2:4

Iatu to ma’kada kumua: Kutandaimo, apa tae’ nakaritutui tu parentaNa, iamoto mo’rang, sia tae’ kamanapparan dio kalena.