HOSEA 7:7 - Sura' Madatu

⁷ Iatu mintu’ tau iato mai malassu susi dapo’. Pura namangsanni tu mintu’ to ma’parentana, sia mintu’ datunna tibambangmo mate. Moi misa’ tau dio lu tau iato mai tae’ nameongli’ lako Kaleku.

HOSEA 7:7 ပူးပေါင်းရင်းမြစ်များ

1 DATU 15:28

Napatei Baesa tonna taun ma’pentallunna tu Asa umparenta to Yehuda, anna ia dadi datu ussondai.

1 DATU 16:18

Iatonna tiroi Zimri kumua ditalomo tu kota, malemi tama benteng tongkonan layuk, anna ballai tu tongkonan layuk daona lu, namate,

1 DATU 16:22

Apa nasau’ buda to malang lako Omri na iatu to malang lako Tibni, anakna Ginat. Iatonna matemo tu Tibni, iamotu Omri ma’parenta.

2 DATU 10:14

Mesuami tu Yehu nakua: Tingkan tuoi tu mati’ tau. Natingkan tuomi anna pongkoi dio to’ bubun Bet-Eked tu muane patangpulo ndua moi misa’ tae’ napatuo len.

2 DATU 10:7

Iatonna rampomo tu sura’ lako tau iato mai, natingkanmi sia napatei tu anakna datu, pitungpulo, na iatu mai ulunna napatama karandang, napa’peanni Yehu lako Yizreel.

2 DATU 15:10

Umpadenmi kasipakulu-kuluan tu Salum, anakna Yabesh, unneai napatei dio tingayona to buda. Na ia ussondai dadi datu.

2 DATU 15:14

Attu iato ke’de’mi tu Menahem, anakna Gadi, dio mai Tirza, lako Samaria. Anna patei tu Salum, anakna Yabesh, dio Samaria. Anna ia ussondai dadi datu.

2 DATU 15:25

Iatu Pekah, anakna Remalya, kamandangna, sipakulu-kulu limangpulo tau dio mai Gilead unnea datu, anna patei dio Samaria, lan tambakukunna tongkonan layuk sola Argob sia Arye; napateimi anna ia ussondai dadi datu.

2 DATU 15:30

Iatu Hosea, anakna Ela, umpadenmi kasipakulu-kuluan unnea Pekah, anakna Remalya; napateimi anna ia ussondai dadi datu tonna taun ma’penduangpulo kadatuanna Yotam, anakna Uzia.

2 DATU 9:24

Natoemi Yehu tu pana, napanai tu Yoram, naruami tu kasiallaran buku sandukna, naurungan natarru’ tinaran tu buana, nasongka dao karetana.

2 DATU 9:33

Nakuami tu Yehu: Pembuanganni rokko mai. Napembuanganni rokko, naurunganni tibura’ tu rarana lako rinding tembo’ sia lako to’ darang, sia napalungganakki Yehu.

AYUB 36:13

Apa iatu to bulituk umpasipapa’ kasengkean; tae’ nameongli’ umpalaku pa’tunduan, ke Napungoi Puang;

PA’PUDIAN 14:4

Tae’raka kapaissananna tu mintu’ to ma’gau’ kadake tu unnimbakan taungKu butung ungkande bo’bo’? Sia tae’ nametamba lako PUANG.

YESAYA 43:22

Apa tae’ ammu meongli’ lako Kaleku, e Yakub, tae’ ammu issanni masara’ dio Aku, e Israel.

YESAYA 64:4

Tempon dio mai tae’ anna rangi lenni tau ba’tu tama talinga sia tae’ natiroi mata tu misa’ Kapenomban senga’ anna Kamu, tu sae umpalalao pa’tunduan lako to untayanNi.

YESAYA 64:6

Kami sola nasang dadimokanni susito maruttak sia mintu’ kamaloloangki susito sanglamba’ sampin masarepa; iamoto angki rondon susi daun kayu sia nabaakan kakadakeangki susito napentiaran angin.

YESAYA 64:7

Sia tae’mo misa’ tu to ussa’bu’ sangamMi sia umpamukkun kalena la la’ka’ lako Kalemi; belanna Mibuniangkan tu lindoMi, sia Mipopa’elo’nakan lako kuasanna mintu’ kakadakeangki.

YESAYA 9:13

Iamoto anna sangallo bangri la Nanii PUANG unta’takki dio mai to Israel, la ulu, la ikko’, la tangke koroma, la tille.

YEHEZKIEL 22:30

Kudaka’mo tu misa’ tau dio lu tau iato mai, tu la umpabendan rinding tembo’ sia la bendan ullapa’i tu lo’po’ rinding tembo’ iato, tu la napomelona tondok, naurungan tae’mo Kusanggangi, apa tae’ bang Kuappa’.

DANIEL 9:13

Susitu disura’ lan Sukaran alukna Musa, susi dukamoto tu mintu’ kasanggangan iate urrampoikan, sia tae’ kiparadan kasengkeanNa PUANG, Kapenombangki, belanna tae’ kimengkatoba’ dio mai kakadakeangki sia tae’ kipalan penaa kamanapparamMi.

HOSEA 13:10

Umbamira tu datummu, tu la urrampanangko lan mintu’ kotamu, sia umbamira tu to ma’parentamu – e iko tu mangka ma’kada kumua: Benna’ misa’ datu sia ba’tu pira-pira arung.

HOSEA 5:15

La maleNa’, angKu sule lako inangKu, sae lako ussa’dingna salana sia undaka’ oloKu; ianna kapussakan tu tau iato mai, manassa la mamali’ tonganmo penaanna umpeagi’Na’.

HOSEA 7:10

Sia iatu matampona Efraim kendek dio tingayona titanan sa’bi umpasalai. Apa tae’ namengkatoba’ lako PUANG, Kapenombanna, sia tae’ nadaka’i tu Puang, moi narampoi te mintu’na apa iate.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

MIKHA 2:1

Upu’ allona tu mintu’ to umparri-parri kakelokan sia untampa kakadakean dao inan katindoanna; iake masiangmi dio mai napalalomi, belanna nakulle limanna umpogau’i.