HOSEA 7:2 - Sura' Madatu

² Tae’ nakilalai, kumua iatu mintu’ kakadakeanna Kupalan penaa. Totemo natikuimo gau’ kadakena, sia dio nasangmo oloKu.

HOSEA 7:2 ပူးပေါင်းရင်းမြစ်များ

AYUB 34:21

Belanna iatu matanNa umpenunu lalanna tolino, sia Natiro tu mintu’ tengkana.

PA’PUDIAN 10:11

Ma’kadami lan penaanna nakua: Tang Nakilalaimo Puang Matua, Nabuni tu lindoNa, tarru’ tae’mo Natiroi.

PA’PUDIAN 25:7

Da Mipalan ara’i tu mintu’ kasalangku tongku mangura sia mintu’ kapatodo-tintingangku, sangadinna kilalaina’ sitinaya pa’kamaseamMi, belanna kamasokanamMi, o PUANG.

PA’PUDIAN 50:22

Parinaai tu iannate, e kamu to tang ungkilalai Puang Matua, da angKu se’bu-se’bukomi, sia tae’ misa’ tau umbelai untindokkomi.

PA’PUDIAN 9:16

Mintu’ bangsa mellambunmo rokko patuang lambe’ pambo’bokna, sia iatu lentekna nala’ka’i poya natanan buni.

PA’PUDIAN 90:8

Midandan nasangmo dio oloMi tu mintu’ kakadakeangki, sia iatu kasalan membuningki naluangmo arrang oloMi.

YESAYA 1:3

Iatu sapi natandai iatu puangna sia iatu keledai natandai iatu palunganna puangna, apa iatu Israel tae’ paissanna, sia iatu taungKu tae’ inaanna.

YESAYA 26:16

O PUANG, iatonna mandasa tu tau iato mai, nadaka’moKomi, iatomMi ada’i, umpakendek kamama’mi passambayangna.

YESAYA 44:19

Moi misa’i tu tau iato tae’ umpalan penaai sia tae’ kapaissananna ba’tu tangnga’na, naurunganni ma’kada, nakua: Iatu kayu pira mangkamo kutunu api, iatu ruayanna kupantunui roti sia kupangrarangi duku’, angku la unggaragairi apa megallian, sia angku la umpenombai tu kayu sanglontok?

YESAYA 5:12

Iatu pa’maruasanna napamarua’ oni katapi, dandi, ganda’-ganda’ sia suling sia anggoro’, apa iatu penggauranNa PUANG tae’ anna palan ara’i sia tae’ anna sailei tu lalan limanNa.

YEREMIA 14:10

Inde sia tu kadanNa PUANG tu diona bangsa iate, Nakua: lendu’ ia naporainna tu tau iato mai salamba salao sia tae’ napatadangi tu lette’na; iamoto natae’ nakalo’i penaanNa PUANG. Na totemo la Nakilalaimo tu kakadakeanna sia Naukung tu kasalanna tau iato mai.

YEREMIA 16:17

Belanna matangKu umpenunui tu mintu’ tengkana tau iato mai, sia tae’ nakabunian dio oloKu sia iatu kakadakeanna tae’ nakarerungan dio pentiroKu.

YEREMIA 17:1

Iatu kasalanna to Yehuda disura’ peoki’ bassi sia dioki’ pena intan lan papan penaanna sia dio mintu’ tanduk inan pemalaranna,

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

YEREMIA 32:19

Tarompo’ tu pa’pana’ta’Mi sia kalle-kallean tu penggauramMi, sia natiro matamMi tu lalanna mintu’ ma’rupa tau la umpapakkanni simisa’-misa’i sitinaya kedona sia sitinaya bunga rangka’na.

YEREMIA 4:18

Iatu kedomu sia penggaurammu umparampoi te mintu’na apa iate lako kalemu, napobua’ mintu’ kakadakeammu; mapai’ tongan to sia nari’ta’ ko sae tama penaammu.

YEREMIA 44:21

Iatu mintu’ pemala’ mipogau’ lan lu tondok Yehuda sia dio lu batattana Yerusalem, la kamu la nene’ to dolomi sia mintu’ datummi sia iatu mai arungmi na mintu’ pa’tondokan, tang Nakilalairaka PUANG sia tang Napokarianganraka?

YEHEZKIEL 21:29

– iake marassanni tu tau untiroangko pakita-kita buttok sia umbiangangko kamo’rangan – la unta’pai barokona tu to tang mekaaluk, to bulituk, tu nalambi’mo allona, iamotu attu kadiukungan ma’katampakanna.

HOSEA 12:2

Iatu Efraim umpodia’ angin sia situ’turan allo unnula’ angin matallo; napapa’i bang tu kamo’rangan sia kasanggangan. Untanan basse sola Asyur na iatu minna’ dibaa lako Mesir.

HOSEA 4:9

La dipapada to minaa tu to buda. Iamoto Kula unnukungi diona tu kedona sia la Kupapakkanni tu penggauranna.

HOSEA 6:2

Naupu’ duang allo to, Napatuoki’ sule, ke allo ma’pentallunna Napamalimbangunki’, anta tuo dio oloNa.

HOSEA 8:13

Umpennoloan pemala’ tu tau iato mai, iamo tu duku’, anna kandei. Apa tae’ nakalo’i penaanNa PUANG to; totemo Nakilalaimo Puang tu kakadakeanna tau iato mai sia Naukungi diona tu kasalanna; la sule tu tau iato mai lako Mesir.

HOSEA 9:15

Mintu’ kakadakeanna sirampun dio Gilgal, iamoto inde dukato dio Kunii ungkabiri’i tu tau iato mai; belanna penggauran kadakena, angKu la unnula’i lan mai banuangKu. Sia tae’mo angKu kamasei; mintu’ arungna pabali-bali nasang.

HOSEA 9:9

Lendu’ ia kadakena penggauranna, susi lan allona Gibea: La Nakilalai Puang tu kakadakeanna sia la Naukung tu kasalanna.

AMOS 8:7

Umposumpa kamala’biranna Yakub tu PUANG Nakua: Tonganna tae’ Kula ungkalupai sae lakona moi misa’ tu penggauranna tau iato mai.

YUNUS 1:2

Ke’de’ko ammu male lako Niniwe, tu kota kapua ammu pokadanni tu kamandasanna, belanna iatu kakadakeanna kendekmo dio oloKu.

KADIBILANGAN 32:23

Apa iake tae’i mipogau’i susito, manassa kasalangkomi lako PUANG, sia la miissan, kumua iatu kasalammi la sule langan botto ulummi.

LUKAS 12:2

Manassa moi misa’ duka apa disamboi, tae’ tang la dipasombona sia iatu membuninna, tae’ tang la kaissanan duka.

1 KORINTUS 4:5

Iamoto da mira’ta’i tu apa, ke tang attunnapa, sae lako saeNa Puang, tu la umpasombo duka apa kabunian lan lu malillinna, sia la umpapayan mintu’ lalan penaanna tau. Attu iamoto anna la pantan unnappa’ kadipudian dio mai Puang Matua.

PA’TOLE 32:29

Iake kinaai la untandai te iannate, sia la umpalan penaai tu apa la rampo ma’katampakanna.

IBRANI 4:13

Tae’ misa’ panampa karerungan lako Kalena, sangadinna payan sia tiballa’ mintu’ apa dio oloNa Puang Matua, tu la tapebalii lako Kalena.