HOSEA 6:2 - Sura' Madatu

² Naupu’ duang allo to, Napatuoki’ sule, ke allo ma’pentallunna Napamalimbangunki’, anta tuo dio oloNa.

HOSEA 6:2 ပူးပေါင်းရင်းမြစ်များ

KADADIAN 17:18

Ma’kadami tu Abraham lako Puang Matua nakua: O Puang, Ismael bangmo Mirinding pala’ natuo marampa’.

2 DATU 20:5

Tibalikko sule sia pokadanni Hizkia, arungna taungKu, kumua: Inde sia tu kadanNa PUANG, Kapenombanna Daud, nene’ to dolomi, nakua: Kurangimo tu passambayangmu sia Kutiromo tu mintu’ uai matammu; manassa la Kupamondoko, anna allo ma’pentallun mumale langngan banuanNa PUANG.

PA’PUDIAN 61:7

Sangapaoi amMi pamalambe’i tu sunga’na datu, anna tiro lanto mimi’na.

PA’PUDIAN 71:20

Kamumo tu mangka umpatiroina’ buda kamandasan sia kamaparrisan, Kamu duka sia la umpatuona’, sia la unnendekanna’ sule diong mai mangapi’na tana.

TOMANGADA’ 3:3

Den tu attu papatean sia den tu attu ma’pamondo, den tu attu mangrondon sia den tu attu ma’pate’dek.

YESAYA 26:19

Mintu’ taumMi tu matenamo la tuo sule, sia batang rabukku duka; mintu’i la pada malimbangun. Millikkomi sia kumalasi-lasikomi, e kamu sola nasang, tu to diong litak! belanna iatu damo’Mi iamo damo’ paarrang; sia iatu litak la ullua mintu’ to mangka mate.

YESAYA 30:26

Attu iato arrang bulan masero la susi arrang mata allo mapannang sia arrang mata allo la pempitu parrangna pada to arrang allo pitung allo, iamoto ke allo Nanii PUANG umbimbinni tu bangkena taunNa sia umpamondo mintu’ kama’la’poan lalan pa’bambaNa.

HOSEA 13:14

La Kurampananraka tu tau iato mai dio mai kuasanna lino to mate, sia la Kula’bakraka dio mai kamatean? E kamatean, umbamira tu ropummu, e lino to mate umbamira tu pasanggangammu? Tang natandaimo matangKu tu kamamasean.

HOSEA 7:2

Tae’ nakilalai, kumua iatu mintu’ kakadakeanna Kupalan penaa. Totemo natikuimo gau’ kadakena, sia dio nasangmo oloKu.

YOHANES 14:19

Tae’mora namasai anna tae’mo natiroNa’ issinna te lino, apa kamu te mitiroNa’, belanna tuoNa’ sia kamu duka la tuokomi.

ROMA 14:8

Belanna iake tuoki’, Puang umpoissanni, sia iake mateki’ Puang umpoissanni. Iamoto la tuoki’ la mateki’ inang taunNaki’ Puang.

1 KORINTUS 15:4

sia mangkamo dipeliang, naallo ma’pentallun Nadipamalimbangun sule, susitu dipokadanna lan Sura’ Madatu,