HOSEA 5:7 - Sura' Madatu

⁷ Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.

HOSEA 5:7 ပူးပေါင်းရင်းမြစ်များ

PA’PUDIAN 144:11

Lendokanna’ sia rampananna’ lan mai lisu pala’na to sae, tu tongka’ dililana ussa’bu’ mo’rang, sia iatu lima kananna lima bulituk.

PA’PUDIAN 144:7

Popengkorongi tu limamMi dao mai masuanggana, lendokanna’ sia endekanna’ diong mai to’ uai buda, sia dio mai lisu pala’na to sae,

YESAYA 1:14

Mintu’ pa’pakarayammi ke bunga’ sombona bulan sia pa’gaurammi nakabiri’ liu penaangku sia Kupomatana’; bo’yokMo’ umpama’tananni penaa.

YESAYA 48:8

Inang tae’pa murangi lenni sia tae’pa muissan lenni, sia dolona tae’pa naparangi len tu talingammu, belanna Kuissan kumua tang maruru’ tonganko sia nagente’ko tau to palutu tombang tempon lan mai pa’tambukanna indo’mu.

YESAYA 59:13

palutu tombangmoki’ sia umpeongannimiki’ PUANG sia sepangmoki’ dio mai Kapenombanta, umpokadamoki’ diona pa’pakario-rio sia sorong boko’ untannun sia umpasun kada mo’rang.

YEREMIA 3:20

Apa susi misa’ baine tang maruru’ lako muanena, susi dukamoto tu kamu tang maruru’ lako Kaleku, e bati’na Israel, kadanNa PUANG.

YEREMIA 5:11

Belanna kedo tang maruru’ manna napogau’ to Israel sia to Yehuda lako Kaleku, kadanNa PUANG.

YEHEZKIEL 12:28

Iamoto ma’kadako lako tau iato mai, kumua: Inde sia tu kadanNa Puangta PUANG: Iatu mintu’na kadangKu, moi sangbuku tae’ nala dipadampa, sangadinna iatu kada la Kupokada la dipalanda’, kadanNa Puangta PUANG.

HOSEA 2:11

Attu iato la Kusanggang tu mai garonto’ anggoro’na sia garonto’ arana, tu napobannang ma’kada kumua: Iamo to tu saroku tu nabenna’ to kusigau’-salan. La Kupopempangala’ napurai mintu’ olo’-olo’ dio lu padang.

HOSEA 2:4

Belanna mangkamo ma’gau’ sala tu indo’na, sia iatu untambukki tu pia iato, mesirisan gau’na. Belanna nakua: La undina’ urrundu’i tu to kusigau’-salan, iamotu to umbenna’ rotingku sia uaingku, bulu dombaku sia batang ramingku, minna’ku sia apa kuiru’.

HOSEA 6:7

Apa untengkaimo basse tu tau iato mai susi Adam; inde to dio nanii umpogau’ tang maruru’ lako Kaleku.

HOSEA 7:13

Upu’ allona tu tau iato mai, belanna male umboko’iNa’! Sumpu sumandakna, belanna sepangmo dio mai Kaleku. Moi mangkamo Kurampanan, tontong duka ma’kada mo’rang lako Kaleku.

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.