HOSEA 5:5 - Sura' Madatu

⁵ Iatu kamatampoanna Israel kendek duka dio tingayona la titanan sa’bi umpasalai. Iamoto anna songka tu Israel sola Efraim natumang kakadakeanna. Iatu Yehuda la songka duka sola tau iato mai.

HOSEA 5:5 ပူးပေါင်းရင်းမြစ်များ

HOSEA 7:10

Sia iatu matampona Efraim kendek dio tingayona titanan sa’bi umpasalai. Apa tae’ namengkatoba’ lako PUANG, Kapenombanna, sia tae’ nadaka’i tu Puang, moi narampoi te mintu’na apa iate.

AMOS 5:2

Iatu anak dara Israel songkamo, tang nakullemo milik sule, tipessambakmo rokko padangna, namoi misa’ tau tae’ umbangunanni.

LUKAS 19:22

Nakuami tu puangna lako: E kaunan kadake, la kuparundu’i ukungammu tu sunna dio pudukmu! Muissanmo kumua aku te to makarra’ penaangku, unnala bangna’ tang pangannaku, umpeburai bangna’ tang pantananku.

MATIUS 23:31

Susimoto, kamu kalena ussa’bii kalemi, kumua kamumo tarukna tu to umpatei nabi-nabi.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 8:14

Ondongpi nakalupaimo Israel tu To tumampana sia umpabendan tongkonan layuk, tonna marassan to Yehuda umpebudai kota ditambakuku. Apa la Kupasonglo’ tu api tama kota iato mai, anna purai nakande tu mintu’ tambakukunna.

HOSEA 5:14

Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.

HOSEA 4:5

La songkako, ke allona, sia la pada songkako tu nabi, ke bonginnai, sia la Kusanggang tu indo’mu.

YEREMIA 14:7

Moi anna iatu kakadakeangki bendan titanan sa’bi unneakan, o PUANG, pogau’i tu iannato diona sangamMi. Belanna tarru’ memboko’mokan, sia lako Kalemi kinii kasalan.

YESAYA 59:12

Belanna tang dikemba’mo tu kapatodo-tintingangki dio oloMi sia iatu kasalangki titanan sa’bimo umbalikan; belanna kisa’dingmo tu salaki sia kitandaimo tu kakelokangki;

YESAYA 44:9

Iatu mai to unggaragai rapang-rapang dipodeata, tae’ nasang gai’na sia iatu mai panggaraganna nakamassengi tae’ bua’na: iatu mintu’nato napotanda sa’bi, kumua moi misa’ tae’ natiroi sia moi misa’ tae’ natandai, naurunganni kasirisan tu tau iato.

YESAYA 3:9

Diona kaumpelindoanna tau titanan sa’bi umpasalai, tang masiri’mo umpokada nasangi tu salana susito Sodom. Upu’ allona tu tau iato mai, belanna untumang kalena.

SARAMBU PEADA’ 30:13

Iamotu pasoloran matanna sia madao pentirona.

SARAMBU PEADA’ 24:16

Belanna iatu to malambu’ moi anna tobang pempitu, la bendan duka sule, apa iatu to tang mekaaluk tipessussuk tama kamandasan.

SARAMBU PEADA’ 14:32

Iatu to tang mekaaluk disongkan lan kamandasanna, apa iatu to malambu’ moi nala ka’tu sunga’na den duka pentilindunganna.

SARAMBU PEADA’ 11:21

Tonganna, iatu to kadake gau’ tae’ natilendok len dio mai ukungan, apa iatu to naala bilanganna to malambu’ la tilendok.

SARAMBU PEADA’ 11:5

Iatu kamalamburanna to sallo’ umpamarante lalanna, apa iatu to tang mekaaluk tobang natumang katangmekaalukanna.

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

YESAYA 3:8

Belanna tibambang tu Yerusalem sia ra’pak tu Yehuda natumang pudukna tau iato mai sia mintu’ penggauranna umbali PUANG, tae’ namataku’ umpenunu mata mala’bi’Na Puang.

HOSEA 14:2

Mengkatoba’ko, e Israel, lako PUANG, Kapenombammu, belanna tete dio kakadakeammu, ammu tisumbang.