HOSEA 5:4 - Sura' Madatu

⁴ Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

HOSEA 5:4 ပူးပေါင်းရင်းမြစ်များ

PA’PUDIAN 78:8

Sia da nasusi nene’ to dolona tu tau iato mai, iamotu misa’ osso’ matoro sia battuk, iamotu misa’ osso’ tang ma’to’ tu penaanna, sia tae’ anna la’ka’ lako Puang Matua tu penaanna.

PA’PUDIAN 9:10

PUANGmo tu napobenteng malangka’ mintu’ to dipakario-rio, Iamo tambakuku lan attu kamandasan.

YEREMIA 24:7

Sia la Kukamasean penaa la untandaiNa’, kumua Akumote tu PUANG, anna tau iato mai dadi taungKu sia Akumo dadi Kapenombanna, podo namengkatoba’ lako Kaleku sae rokko penaanna.

YEREMIA 50:38

E pa’dang laoimi tu kauaianna, anna mempadang rangke. Belanna tondok iato nanii ponno rapang-rapang dipodeata dipa’ sia napobagamo tau iato mai tu rapang-rapang dipodeata metakuran.

YEREMIA 9:24

apa iatu to la morai massattuan, melo ke massattuanni, belanna paissan sia natandaiNa’, kumua Akumo tu PUANG, tu umpalalo kamasokanan sia kamalamburan sia kamaloloan dao kuli’na padang; belanna naala penaangKu tu to massattuan susito, kadanNa PUANG.

YEREMIA 9:6

Indete tu nanii sitoppo’-toppo’ pa’pakario-rio sia sitombon-tombon pa’pakena; tae’ namorai tu tau iato mai untandaiNa’, kadanNa PUANG.

HOSEA 13:13

Narampoi saki susi baine mangurria’, apa iatu Israel susi misa’ pia tang paissan; ianna attunnamo la dadi, tae’ naditibussanan.

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

HOSEA 4:11

Iatu gau’ sala sia uai anggoro’ sia uai anggoro’ ba’ru umpapusa penaa.

HOSEA 4:12

Iatu taungKu mekutana lako kayunna, natekkenna ma’patudu. Belanna misa’ penaa ma’patudu lako gau’ sala umpapusa tau iato mai, naurunganni ma’gau’ sala umboko’i Kapenombanna.

HOSEA 4:14

Tae’ angKu la umpapakkanni tu gau’ salana tu mai anakmi baine sia tu pasandak salunna tu mai minintummi baine. Belanna ia kalena tu tau iato mai male senga’ ussolan baine bualang, sia umpennoloan pemala’ sola to ma’gau’ sala dio to’ dipa’deatainna. Susimo to tu bangsa tae’ inaanna manassa la sanggang.

HOSEA 4:6

Iatu taungKu la sanggang, belanna tae’ kapaissananna. Belanna mutumpu tu kapaissanan, iamoto angKu tumpuko, damo mutoe toean to minaa dio oloKu; belanna tae’mo mukilalai tu Sukaran alukNa Kapenombammu, iamoto natae’ dukamo Kula ungkilalai tu bati’mu.

HOSEA 7:11

Susi bang bu’ku’ baga tu Efraim, tae paissanna. Natambai tu Mesir la untundui, namaleo lako Asyur.

HOSEA 8:11

Manassa budamo tu inan pemalaran napabendan Efraim la umpogau’ kasalan; mintu’ inan pemalaran iato napake la umpogau’ kasalan.

YOHANES 16:3

Mintu’ tu iannato napogau’, belanna tae’ natandai tu Ambe’ sia Aku.

YOHANES 8:55

Tae’ kamu mitandai, apa Aku Kutandai. Iake Kukua kumua, tae’ Kutandai, manassa susi bangsiaNa’ kamu mo’rang; apa Kutandai Aku sia Kukaritutui tu kadanNa.

1 SAMUEL 2:12

Iatu mai anakna muane Eli sala’ kedo, tae’ nadampangi tu PUANG sia iatu katongananna sia taana to minaa, ke to buda sae memala’.