HOSEA 5:1 - Sura' Madatu

¹ Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

HOSEA 5:1 ပူးပေါင်းရင်းမြစ်များ

YEREMIA 11:7

Belanna Kutonganni tongan unnada’i tu nene’ to dolomi allo iato tongKu patassu’i tu tau iato mai lan mai tondok Mesir sae lako allo iate, ke makale’ sia ke karoen kumua: Perangii tu gamarangKu.

YEREMIA 13:18

Pokadanni datu sia datu baine indo’na datu, kumua: Unno’ko’komi diong inan madionganna, belanna iatu makota mala’bi’mi tobangmo dao mai ulummi.

YEREMIA 46:18

La lelukraka tuoKu, kadanNa Datu, tu diganti PUANGna mintu’ ma’dandan maritik, kumua: Susitu buntu Tabor dio lu mintu’ buntu sia buntu Karmel dio randan tasik, susimo kasaeanna to.

HOSEA 10:15

Iatu iannato buntu tumangna Betel sia pa’pobua’na kaliuan kadakemi. Ianna tilalekmo masiang, iatu datu Israel la disabu’imo.

HOSEA 13:8

La Kudammak tu tau iato mai susito beruang sisayuran anakna, Kuserekki tu barangkangna, angKu ampello’i susito singa birang, anna olo’-olo’ dio lu padang umbesse-besei.

HOSEA 4:1

Perangii tu kadanNa PUANG, e to Israel, belanna den apa Napasalanni PUANG tu pa’tondokan, belanna tae’mo kamarurusan, tae’mo kamamasean sia tae’mo kapaissanan diona Puang Matua lan tondok iato.

HOSEA 6:9

Iato tuntunan to minaa mangodo’ susito pa’gora’, umpatei tau dio lu lalan lako Sikhem. Inang umpogau’ gau’ liu kadake tu tau iato mai.

HOSEA 9:8

Iatu to ma’kampana Efraim dio oloNa Kapenombangku, iamo nabi – misa’ poyana to ma’poya dio mintu’ lalanna, sia kamabirisan lan banuanNa Kapenombanna.

YOËL 1:2

Perangiimi, e mintu’ pekaamberan, sia tananni talinga, e mintu’ pa’tondokan! Kela den lenni nadadi tu apa susite tonna attummi, ba’tu iatonna linona nene’ to dolomi.

AMOS 3:1

Tananni talinga te kada, tu Napokada PUANG diona a’gammi e to Israel, iamotu diona mintu’ pa’rapuan tu mangka Kusolan lan mai tondok Mesir, tu nakua:

AMOS 7:9

Sangadinna iatu inan madaona Ishak la disanggangi sia iatu mai inan maindanna Israel la diro’pok, sia la ke’de’Na’ unnukungi tu bati’na Yerobeam la umparampoi pa’dang.

MIKHA 3:1

Ma’kadana’ kukua: Perangiimi, e kamu pangulunna Yakub sia to ullopian to Israel, tang sipaturokomika untandai tu salunna?

MIKHA 3:9

Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

MIKHA 7:2

Iatu to mekaaluk tae’mo lan tondok sia to ma’bulo sanglampa tae’mo dio lu torro tolino. Pada ma’penunumo tu tau iato mai la umpatibollo rara; pantan undaka’ lalan la umpoya siulu’na.

MALEAKHI 1:6

Iatu pia muane ungkasiri’ ambe’na, sia misa’ kaunan ungkasiri’ puangna. Iate Aku te, ke misa’Na’ Ambe’, umbanii tu pa’pakaraya lako Kaleku? Sia iate Aku te ke misa’Na’ Puang, umbanii tu kamatakuran lako Kaleku? kadanNa PUANGna mintu’ ma’dandan maritik lako kalemi, e mintu’ to minaa, tu umpamatuna sangangKu. Moi susito, ma’kadakomi mikua: Apara kipotete umpamatuna sangamMi?

MALEAKHI 2:1

Totemo, e mintu’ to minaa, kamu napatu te apa dipa’peissanan iate:

TO PARENGNGE’ 4:12

Napokadami tau lako Sisera, kumua iatu Barak, anakna Abinoam, malemo langngan buntu Tabor.

TO PARENGNGE’ 4:6

Mesuami untambai Barak, anakna muane Abinoam dio mai Kedesh lan lili’na Naftali, anna ma’kada lako, nakua: Tae’raka Napasan PUANG, Kapenombanna to Israel, kumua: maleko langngan buntu Tabor, musolanni tu sangpulo sa’bunna to Naftali sia to Zebulon.

1 SAMUEL 7:16

Taunoi-taunoi maleoi tu Samuel ullelei tondok randuk dio mai Betel sae lako Gilgal sia Mizpa, sia dio mintu’ tondok iato nanii ullembanganni tu toean to parengnge’ lako to Israel.

1 SAMUEL 7:5

Mangkato nakuami Samuel: Rampunni tu mintu’ to Israel lako Mizpa, angku pengkamoyangkomi lako PUANG.

1 SAMUEL 7:6

Sirampunmi tu tau iato mai dio Mizpa, anna timba uai, nabolloanni dio oloNa PUANG. Allo iato ma’puasami tu tau iato mai, anna ma’kada inde to dio, nakua: Kasalanmokan lako PUANG. Umpalalomi toean to parengnge’ tu Samuel lako to Israel dio Mizpa.