HOSEA 4:5 - Sura' Madatu

⁵ La songkako, ke allona, sia la pada songkako tu nabi, ke bonginnai, sia la Kusanggang tu indo’mu.

HOSEA 4:5 ပူးပေါင်းရင်းမြစ်များ

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

YEREMIA 15:8

Iatu bilanganna mintu’ baine balunna tau iato mai la Kupabuda anna bungin dio biring tasik; la Kupasaean misa’ to ma’kasanggang, ke tangngai allo, tu tau iato mai, iamotu indo’ sia to mangura. Ta’pa la Kuparampoi kamatakuran sia ma’patirambanna tu tau iato mai.

YEREMIA 23:9

Diona mintu’ nabi. Pu’du’ tu penaangku lan ba’tengku, sia ma’parondo tu mintu’ kaleku; sia susina’ to malango sia susi misa’ to tarru’ buda anggoro’ nairu’, belanna PUANG sia belanna kada maseroNa.

YEREMIA 50:12

iatu indo’mi kasirisan tonganmo sia matunamo tu to undadiangkomi; tiromi tu misa’ bangsa makaasi-asi, tu sangtinti padang pangallaran, sia padang talo sia padang aak.

YEHEZKIEL 14:3

E ma’rupa tau, iate tau iate mai napalanpa penaanna tu rapang-rapang dipodeata sia napatulangdan sipatu lindona tu katitodoan sae lako tobang rokko kakadakean; ma’dinparaka la Kueloran tu tau iato mai sae mekutana lako Kaleku?

HOSEA 2:2

Da angKu kalosso’i tu pakeanna nama’kambelang, sia Kupopa’elo’na susi tonna mane ditibussanan, da angKu pasusi padang pangallaran sia Kupadadi padang rangke sia Kupopa’elo’na mate ma’rang.

HOSEA 2:5

Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

HOSEA 5:5

Iatu kamatampoanna Israel kendek duka dio tingayona la titanan sa’bi umpasalai. Iamoto anna songka tu Israel sola Efraim natumang kakadakeanna. Iatu Yehuda la songka duka sola tau iato mai.

ZAKHARIA 11:8

Iatu to mangkambi’ tallu kuratoimo lan sangbulan, belanna tappumo tu kasa’barasangku lako sia nakanoka dukamo’ tu tau iato mai.

ZAKHARIA 13:2

Sia allo iato, kadanNa PUANGna mintu’ ma’dandan maritik, la Kuputtai tu sanga dipa’deatainna lan mai tondok iato, naurunganni tae’ lenmo nala ungkilalai tau iato mai; sia ia duka tu mintu’ nabi sia penaa bulituk la Kupa’dei lan mai tondok.

GALATIA 4:26

Apa iatu Yerusalem dao, tae’ nakaunan, iamo indo’ta.