HOSEA 4:3 - Sura' Madatu

³ Iamoto anna makarorrong tu tondok sia mintu’ apa lan silayuan sia sipa’du’dunan, la mintu’ olo’-olo’ dio lu padang, la manuk-manuk dao lu langi’; ondongpi ia duka tu bale lan lu tasik siaangan mate.

HOSEA 4:3 ပူးပေါင်းရင်းမြစ်များ

YESAYA 33:9

Maru’gun sia talo tu padang iato; iatu Libanon masiri’ sia malayu; iatu Saron susimo padang aak na Basan sia Karmel tae’mo namendaun.

YEREMIA 12:4

Sangapapira tang la katuoan tu padang sia malayu tu mintu’ tananan dio lu padang? Tete dio kakadakeanna mintu’ to untorroi, anna male nasang tu olo’-olo’ sia manuk-manuk, belanna nakua tau iato mai: Tae’ sia natiroi tu ma’katampakanta.

YEREMIA 23:10

Belanna tondok iate nanii ponno to pasandak salu lako rampanan kapa’; sia belanna padang iate makarorrong napobua’ tampak ropu, sia mintu’ padang kariuan marangke; tonganna apa kadake manna natuntun sia iatu apa tang malambu’ nasanga napomatoto’.

YEREMIA 4:25

Umba-umba kunii mentiro, tae’mo tau, sia mintu’ manuk-manuk dao langi’ male nasangmo mettia’.

YEREMIA 9:10

Diona tu mintu’ buntu angKu tumangi’ sia untannun bating sia diona tu lili’na padang alla’ angKu sumarro, belanna talomo sia tae’mo misa’ tau unnolai sia tae’mo oni ma’dandan patuoan dirangi dio; la mintu’ manuk-manuk dao lu langi’ la mintu’ olo’-olo’, mallai nasangmo, pa’de pallan.

YEREMIA 9:9

Ma’apai angKu tang la unnukungi tu tau iato mai diona tu apa iate, kadanNa PUANG, ba’tu ma’apai angKu tang la umpabala’i tu bangsa susite?

YEHEZKIEL 38:20

La ma’parondo dio oloKu tu mai bale lan lu tasik sia manuk-manuk dao lu langi’, olo’-olo’ dio lu padang sia mintu’ olo’-olo’ mendonglo’, tu menono’ dao kuli’na padang sia mintu’ tolino, tu tuo dao kuli’na padang; mintu’ buntu la tuan, mintu’ aa’ mi’lan la umbanasa sia mintu’ rinding tembo’ la ro’pok.

YOËL 1:18

A’a, tumbai sarrona tu mintu’ patuoan! Mintu’ tuntunan sapi male-male bang, belanna tae’mo padang kariuanna; sia ia duka tu mintu’ tuntunan domba mandasa.

AMOS 1:2

Inde sia tu kadanna, nakua: Iatu PUANG umburrung lan mai Sion sia umpa’perangian gamaranNa lan mai Yerusalem, naurunganni mario-rio tu padang kariuanna to mangkambi’ sia marangke tu botto Karmel.

AMOS 5:16

Iamoto, inde sia tu kadanNa PUANG, Kapenombanna mintu’ ma’dandan maritik, iamotu Puang, nakua: Dio lu mintu’ tana lapang nanii tau umbating, sia dio lu mintu’ batatta ma’kada tu tau nakua: A’a, a’a! Natambai tau tu to ma’pa’lak anna ma’pote dibolong sia nakua lako to manarang umbating: la unnurruk-urrukkomi.

AMOS 8:8

Tang bannang dionaraka mintu’na te, anna tiseno te lino, naurunganni ma’pote dibolong tu mintu’ tau untorroi? Tang kendek nasangraka susi Nil sia tise’go’, sia mere sule susi salu Mesir?

NAHUM 1:4

Nagarrak tu tasik sia Napamarangke sia mintu’ salu Napaba’ta’. Iatu Basan sola Karmel tang me’dukmo, sia mintu’ daun-daun dao Libanon malayumo.

ZEFANYA 1:3

La Kuputtai tu tolino sia olo’-olo’ la Kuputtai tu manuk-manuk dao lu langi’ sia bale diong lu tasik, sia iatu kamasaki-inaan tete dio mai to tang mekaaluk, tu umpabu’tu kamasussan; ondongpi la kupisanni tu tolino dao mai kuli’na padang, kadanNa PUANG.

ZAKHARIA 5:4

Aku umpatassu’i te tampak ropu iate, kadanNa PUANGna mintu’ ma’dandan maritik, anna rampo tama banuanna to boko sia tama banuanna to umpalao sumpa tang tongan tete dio sangangKu sia ma’bongi lan banuanna, anna sanggangi tu kayu pa’pasitammuanna sia ia duka tu batunna.