HOSEA 3:1 - Sura' Madatu

¹ Ma’kadami tu PUANG lako kaleku Nakua: Male pole’ko, mupakaboro’ misa’ baine, tu unneloran kalena napakaboro’ to senga’, anna pasandak salu lako rampanan kapa’, susi PUANG umpakaboro’ to Israel, tu mentingo lako kapenomban senga’ sia umporai deppa bua anggoro’.

HOSEA 3:1 ပူးပေါင်းရင်းမြစ်များ

2 SAMUEL 6:19

Nataaimi tu mintu’ tau, iamotu mintu’ kasirampunanna to Israel, la muane la baine, pantanni roti, sisangbatu sia duku’ sisangira’ sia deppa bua anggoro’ simisa’, anna pantan sule tu tau iato mai lako banuanna.

2 DATU 13:23

Apa Nakarimmanni PUANG tu tau iato mai sia Nakamasei, anna pessailei belanna basseNa sola Abraham, Ishak na Yakub; tae’ Namorai ussanggangi sia tae’pa Nasualei tu tau iato mai dio mai oloNa.

1 OSSORANNA DATU 16:3

Anna taai tu mintu’ to Israel, la muane la baine, pantanni roti sisangbatu, duku’ sisangira’ sia deppa bua anggoro’ simisa’.

NEHEMIA 9:31

Apa tete dio kamamasean kapuaMi natae’ sia Misabu’i sia Miboko’i, belanna Kamumo tu Kapenomban maturu-turu sia mamase.

PA’PUDIAN 123:2

Sitinti mata kaunan umpemantang limanna puangna, sia ten to baine pa’kurinan umpemantang limanna puangna baine, tenmo matanta to untingara PUANG, Kapenombanta, sae lako Nakaturu-turuinta.

KATASSURAN 32:6

Iatonna melambi’ napemalarammi tau iato mai tu pemala’ ditunu pu’pu’ sia napennoloan tu pemala’ kasalamaran, anna unno’ko’ kumande sia mangiru’; mangkato bendanmi ma’marua’-rua’ maningo.

PA’TENDENG BALLO 2:5

Tangka’na’ deppa bua anggoro’, papayana’ bua lemo datu, belanna ma’ipuna’ napobua’ kamamaliran.

YESAYA 45:22

Lu maikomi Kaleku, ammi makarimman, e mintu’ randan langi’, belanna Akumo tu Puang Matua tae’ senga’na.

YEREMIA 3:20

Apa susi misa’ baine tang maruru’ lako muanena, susi dukamoto tu kamu tang maruru’ lako Kaleku, e bati’na Israel, kadanNa PUANG.

YEREMIA 31:20

Tang anak pa’kaboro’Kuraka tu Efraim, tang anak Kukamasei tonganraka, Kuurunganni pempiran-piran umpokadai tu a’ganna, tontong bang Kuparinaa? Iamoto tiakka’ tu penaangKu diona a’ganna; manassa la Kukaturu-turui, kadanNa PUANG.

HOSEA 11:8

Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

HOSEA 2:5

Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

HOSEA 4:11

Iatu gau’ sala sia uai anggoro’ sia uai anggoro’ ba’ru umpapusa penaa.

HOSEA 7:5

Iatonna allo kapuana datunta, napelangoi uai anggoro’ tu mai arung. Natadoan limanna tu to tae’mo apa nadampang.

AMOS 2:8

Umbambangan kalena mamma’ diong pakean ditoe dio to’ la’pekna mintu’ inan pemalaran sia unniru’ uai anggoro’na to didosa lan banuanna kapenombanna.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

MIKHA 7:7

Apa iatu aku la ma’penununa’ untayan PUANG, sia la umpeagina’ Puang Matua, oto’na kasalamarangku; la Naperangiina’ Kapenombangku.

ZAKHARIA 1:16

Iamoto, inde sia tu kadanNa PUANG, Nakua: La suleNa’ lako Yerusalem situang kamamasean, anna dibangun tu banuangKu lan, kadanNa PUANGna mintu’ ma’dandan maritik, sia iatu tinting pesuka’ la dirittingan lan Yerusalem.

MATIUS 26:50

Nakuami Yesu ungkuanni: E sangmane, pogau’mi tu mutungkananna sae. Napentireke’imi tau iate mai napata’pai lima namane untingkanNi.

1 KORINTUS 10:21

Tae’ mima’din unniru’i irusanNa Puang ammi iru’io irusanna mintu’ deata masussuk. Sia tae’ mima’din tama kumande dao medaNa Puang ammi tamao kumande dao medana mintu’ deata masussuk.

1 KORINTUS 10:7

Da ammi dadi to umpenombai deata, susitu tau iato pira, susitu mangka disura’ kumua: Iatu tau iato mangka unno’ko’ kumande sia mangiru’, anna ke’de’ maningo.

1 PETRUS 4:3

Belanna silasamo tu attu lendu’ minii mangka umpogau’i tu pa’poraian to kapere’, umpogau’ passulo bongi, kamailuan, malango, ma’dadu tambuk, tang ussanda mangiru’, menomba sanda kadake lako deata.

TO PARENGNGE’ 10:16

Iatu rapang-rapang dipodeata dio lu tau iato mai natibemo, anna umpengkaolai PUANG; attu iato tang masemo penaanNa Puang untiroi tu kamandasanna to Israel.

TO PARENGNGE’ 9:27

Malemi tu tau iato mai lako pa’lak, unnala bua anggoro’na, naparrai sia ma’marua’-rua’; namale tama banua kabusunganna deatanna, kumande sia mangiru’ sia unggatai Abimelekh.