HOSEA 2:8 - Sura' Madatu

⁸ Iamoto la Kuala sule tu gandungKu, ke attu pegandungan sia uai anggoro’ ba’rungKu, ke attunnai, sia la Kusintak tu bulu dombaKu sia batang ramingKu, tu la napaluangan kalena.

HOSEA 2:8 ပူးပေါင်းရင်းမြစ်များ

1 OSSORANNA DATU 29:16

O PUANG, Kapenombangki, iate mintu’ kasugiran lallang, tu kirampun, la umbangunanKomi misa’ banua sia sanga maseroMi, lu dio mai limamMi; mintu’na te apamMi nasang.

AYUB 19:8

Naampangi Puang tu batattaku, kuurungan tang tarru’mo, sia Nasamboi kamalillinan tu lalanku.

YESAYA 1:3

Iatu sapi natandai iatu puangna sia iatu keledai natandai iatu palunganna puangna, apa iatu Israel tae’ paissanna, sia iatu taungKu tae’ inaanna.

YESAYA 46:6

Tau iato mai umbolloan bulaan lan mai poro’-poro’ sia untimbang salaka dao timbangan; nasaroi tu pande bulaan, anna garaganni rapang-rapang dipodeata namalinguntu’ menomba dio olona.

YEREMIA 7:18

Iatu mai anakna urruruk kayu sia iatu ambe’na umpadukku api na iatu bainena ma’gerok ta’pung la nagaragai pa’ranggina dipenomban lako datu baine dao langi’ sia untedok pemala’ pantedok lako kapenomban senga’ la umparosso penaangKu.

YEHEZKIEL 23:41

Sia unno’ko’ko dio inan mamma’ ballo, sia sakka’mo tu meda dio tingayo inan mamma’ iato, tu munii umpatorro dupaKu sia minna’Ku dao.

DANIEL 3:1

Nagaragami datu Nebukadnezar misa’ rapang-rapang bulaan, annan pulona siku malangka’na, anna annan siku tu sangka’na; napabendanni dio padang marantena Dura lan propinsi Babel.

DANIEL 5:23

sangadinna umbali-baliorokomi Puang dao suruga, belanna napatassu’ nabaa tau lan mai banua kabusunganNa lako olomi tu mintu’ pareanan, ammi iru’i uai anggoro’ sola to ma’parentami, bainemi sia gundi’mi sia umpangke’komi rapang-rapang dipodeata salaka, bulaan, tambaga, bassi, kayu sia batu, tu tae’ napatiro sia parangi sia tang paissan, apa iatu Puang Matua, untoe bannang penaammi sia umpasirundunanni tu mintu’ lalanmi, tae’ mipangke’I.

HOSEA 10:1

Iatu Israel misa’ garonto’ anggoro’ loboran; satarri’-tarri’na tu buanna, sanarangngan-rangnganninna tu inan pemalaranna, samelo-melona tu padangna, sanaballo-balloinna tu batu dipodeata.

HOSEA 13:1

Iake ma’kadai tu Efraim, tiramban tu tau, anna matande dio lu to Israel, apa natumang Baal, iamoto nakasalan, anna mate.

HOSEA 13:2

Totemo napatontong duka umpogau’ kasalan sia nagaragai rapang-rapang dipodeata dipati’no’ tu salakana, iamo tu rapang-rapang dipodeata nagaragai unturu’ inaanna; mintu’nato panggaraga pande bulaan. Napokadammi tau tu diona tau iato mai: iatu to memala’, iamo unnudung anak sapi.

HOSEA 2:5

Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

HOSEA 4:11

Iatu gau’ sala sia uai anggoro’ sia uai anggoro’ ba’ru umpapusa penaa.

HOSEA 8:4

Unnangka’mo datu, apa napasalianNa’, sia unnangka’ arung, natae’ Kuissanni. Iatu mai salakana sia bulaanna nagaragamo rapang-rapang dipodeata napourunganni dipisanni.

HABAKUK 1:16

Iamoto anna memala’ lako dalla’na sia untunu pemala’ lako bundena, belanna bannang iarite namalompo tu taana sia sebo tu kandena.

LUKAS 15:13

Nataammi tu iananna lako. Tae’ napirang allo to, naparandan nasangmi, namale lako misa’ tondok mambela, natabu-tabu bangi tu iananna dio lu, belanna solle’-solle’ bangmo.

ROMA 1:28

Tu belanna manoka untandai Puang Matua lan pangingaranna Napopa’elo’nami Puang Matua lako pa’pasirundunan megi’giran anna umpogau’ tang sipato’na;

PA’TOLE 8:18

Apa la mukilalai tu PUANG, Kapenombammu, belanna Iamo, tu ungkamaseangko kamatotoran la ungkabu’tui tu ianan, kumua anNa palanda’i tu basse, tu Natanan sola nene’ to dolomu Napalaoi sumpa, susitu a’ganna te allo iate.

TO PARENGNGE’ 9:27

Malemi tu tau iato mai lako pa’lak, unnala bua anggoro’na, naparrai sia ma’marua’-rua’; namale tama banua kabusunganna deatanna, kumande sia mangiru’ sia unggatai Abimelekh.