HOSEA 2:7 - Sura' Madatu

⁷ Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.

HOSEA 2:7 ပူးပေါင်းရင်းမြစ်များ

2 OSSORANNA DATU 28:23

Belanna memala’ lako deata Damsyik, tu untaloi, belanna natangnga’ kumua: Iatu deatanna mintu’ datu Aram mangka untundui; lako kalena la kunii memala’, anna tundui dukana’. Apa iamo napobannang anna tobang rokko kasanggangan sola mintu’ to Israel.

PA’PUDIAN 116:7

E deatangku, sulemoko lako kasode-sodeammu, belanna Napogau’mo Puang tu kameloan mati’.

YESAYA 30:16

Sangadinna mikua: Tangia, apa tete dio makkanarang angki la matira’; iamo tola mallai dukakomi; mikua: La ussakeikan darang malinta’; iamoto namintu’ tu to unnula’komi la malinta’ duka.

YEREMIA 14:22

Denraka misa’ tu rapang-rapang dipodeata tu tae’ gai’na dio lu mintu’ bangsa ma’din umpasae uran? Ma’dinraka tu langi’ umpatibarrak uran sae? Tae’raka naKamu, o PUANG, Kapenombangki? Iamoto angki rannuangKomi, belanna Kamu umpadadii tu mintu’nate.

YEREMIA 2:2

Maleko umpokadai anna rangii mintu’ tau lan Yerusalem, kumua: Nakua kadanNa PUANG: Kukilalaipa tu kamamalirammu tommu mangura sia pa’kaboro’mu tommu ma’rampanan kapa’, tommu turu’Na’ lan padang pangallaran, iamotu dio lu padang tang dipantananni.

YEREMIA 2:28

Umba nasangmira nanii attu iato tu mintu’ rapang-rapang mupodeata tu mangka mugaraga? Melo ke bendanni tu tau iato mai, nakulle sia manii urrampanangko, ke allo kamaparrisammu; belanna pada bilanganna mintu’ tondokmu, pada dukato, tu mintu’ deatammu, e to Yehuda.

YEREMIA 2:36

Lendu’ ia pembudammumo ussondai lalanmu! La natodingko siri’ belanna umposande’ Mesir, susitu kanatodingammu siri’, belanna umposande’ Asyur.

YEREMIA 3:1

(Saemi kadanNa PUANG urrampoina’, nakua): Iake denni misa’ muane untantang bainena, anna male napobainei to senga’, la ma’dinraka tu muane dolona ussulei? Tae’raka nala maruttak tu tondok napobua’? Apa moi muma’gau’ salamo sola buda pa’gau’ sala, la susi bangrokoka to sule lako Kaleku? kadanNa PUANG.

YEREMIA 31:18

Tonganna Kurangi tu Efraim sumarro, nakua: Mangkamo’ Mipa’dikki, sia dipa’dikkina’ susi sapi mangura tu tae’pa nadipamanaran; patoba’na’, angku mengkatoba’, belanna Kamumo, o PUANG, Kapenombangku.

YEREMIA 31:32

Tae’ nasusi tu basse, tu Kutanan sola nene’ to dolona, tongKu toei tu limanna la ussolanni tu tau iato mai lan mai tondok Mesir, iamotu basseKu tu napoka, moi na Aku umpuangi tu tau iato mai, kadanNa PUANG.

YEREMIA 44:17

Sangadinna inang la kipogau’ bangmo kami tu mintu’ apa kipokada, iamotu memala’ lako datu baine dao langi’ sia umpennoloan pemala’ pantedok, susitu mangka kipogau’, la kami sia nene’ to doloki, la mintu’ datungki sia mintu’ arungki lan mintu’ kota Yehuda sia dio lu batattana Yerusalem; attu iato ungkandekan roti sadia’ki sia manamanmokan sia tang untirokan kasanggangan.

YEHEZKIEL 16:18

Sia muala tu tamangkale dibunga-bungaiammu, ammu paluangi, sia mupadio to’ tingayona tu minna’Ku sia dupaKu.

YEHEZKIEL 16:8

Attu iato lendu’Mo’ dio to’ muninna, angKu tiroko, tonganna matona’moko; Kuballa’mi tu biring bayu lamba’Ku dio kalemu, angKu samboi tu kama’kambelangammu, sia umpalaoNa’ sumpa ussibasseangko, kadanNa Puangta PUANG; nasusito dadimoko taungKu.

YEHEZKIEL 20:32

Sia apa tu bu’tu lan penaammi, inang tae’ anna la lolo’, tu mikua: la susikanni tu bangsa iato, la susikanni tu suku lan tondok iato la menomba lako kayu sia batu.

YEHEZKIEL 23:12

Ungkamali’mo to Asyur, iamotu to maraa, to maraa lompo, to mase’ponna datu, tu ma’tamangkale mellong, pakkanarang, iamotu pia lolle’ balo nasang.

YEHEZKIEL 23:22

Iamoto, o Oholiba, inde sia tu kadanNa Puangta PUANG kumua: Manassa Kupatiakka’ penaanna tu mintu’ sangmatuammu la unneako, tu mukagi’gi’mo; la Kupake’de’ tiku lao sae ullaoiko,

YEHEZKIEL 23:4

Iatu sanganna kakanna Ohola na Oholiba tu adinna. Iatu tau iato sola duai anungKu dua sia ma’dadian muane sia baine. Iatu battuananna sanganna, Ohola, iamotu Samaria na Oholiba, iamotu Yerusalem.

DANIEL 4:17

Iate parenta iate napamatu’tunmo mintu’ to ma’kampa na iatu iannate nalampakmo to masero, anna tandai mintu’ to tuo, kumua Puang Patodoranna ungkuasai tu kadatuan tolino sia Nakamasei minda-minda tu Naporai, ondongpi ma’din natokko tu to tarru’ madiongan dio lu tolino lan kadatuan iato.

DANIEL 4:25

La naali’komi tau dio mai sangbilangan tolino na iatu katorroammi la sisola olo’-olo’ dio lu padang; anna pakandekomi tau riu ten to sapi, ammi dipopa’elo’na nasakka’i ambun dao mai langi’; la nalambi’ pempitu attu la minii susito sae lako miakunna, kumua Puang Patodorana ungkuasai kadatuanna tolino sia Nakamasei tu minda-minda Naporai.

DANIEL 4:32

Sia la naali’ko tau dio mai sangbilangan tolino na iatu katorroammu la sisola olo’-olo’ dio lu padang; anna pakandeko tau riu ten to sapi; sia nalambi’ pempitu attu la munii susito sae lako muakunna, kumua Puang Patodoranna ungkuasai kadatuanna tolino sia Nakamasei tu minda-minda Naporai.

DANIEL 5:21

Ondongpi diali’ dio mai sangbilangan tolino, na iatu penaanna susimo tu penaa olo’-olo’, sia sangtorroammo keledai lampung sia dibenmo riu nakande susi sapi sia nasakka’imo ambun dao mai langi’ tu kalena sae lako naaku, kumua Puang Matua, Patodorannamo, ungkuasai kadatuanna tolino sia untokkoi tu la dadi datu tu minda-minda naala penaanNa.

HOSEA 1:2

Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

HOSEA 13:6

Iatonna dikambi’imo, dipedia’imi tu tau iato mai. Iatonna dia’mo umpamadaomi penaanna: iamoto anna tang ungkilalaiNa’.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 2:16

Ondongpi, la Kupatoyang dio mai pudukna tu mintu’ sanga Baal, naurunganni tae’mo nala ussa’bu’i tau iato mai tu sanganna.

HOSEA 5:13

Iatonna perasai sakinna tu Efraim, sia iatonna ussarroan bundangna tu to Yehuda, malemi tu Efraim lako Asyur sia mesua lako datu Passirarian. Apa tae’ anna iate umpamalekekomi, tae’ anna ia la umpamondoi tu bundangmi.

HOSEA 5:15

La maleNa’, angKu sule lako inangKu, sae lako ussa’dingna salana sia undaka’ oloKu; ianna kapussakan tu tau iato mai, manassa la mamali’ tonganmo penaanna umpeagi’Na’.