HOSEA 2:4 - Sura' Madatu

⁴ Belanna mangkamo ma’gau’ sala tu indo’na, sia iatu untambukki tu pia iato, mesirisan gau’na. Belanna nakua: La undina’ urrundu’i tu to kusigau’-salan, iamotu to umbenna’ rotingku sia uaingku, bulu dombaku sia batang ramingku, minna’ku sia apa kuiru’.

HOSEA 2:4 ပူးပေါင်းရင်းမြစ်များ

2 DATU 9:22

Iatonna tiromi Yoram tu Yehu, pakalan ma’kadami nakua: Salama’ siarokoka, Yehu? Mebalimi nakua: Umba la takua salama’, ke tontongpi tu gau’ salana Izebel, indo’mi sia mintu’ issan-issan makambanna?

YESAYA 27:11

Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

YESAYA 57:3

Apa kamu, mengkareke’komi mai, e anakna baine ma’balik mata, bati’ muane umpoka rampanan kapa’ sia baine ma’pangan buni.

YEREMIA 13:14

Sia Aku la umpasitumbuk simisa’i tu tau iato mai anna sanggang, anna mintu’ ambe’ situmbuk tu mai anakna muane, kadanNa PUANG; tae’ angKu la ungkaturu-turui sia umma’tananni penaa sia ungkamasei, Kutang la ussabu’iri tu tau iato mai.

YEREMIA 16:5

Belanna nakua kadanNa PUANG: Da mutama banuanna to mario-rio sia da mumale umbatingi sia da’mutongkonni tu tau iato mai, belanna Kulendokammo dio mai tau iato mai tu kasalamaran Kupataranakanni sia kamaturu-turuan sia kamamasean, kadanNa PUANG.

YEHEZKIEL 23:25

La Kuparampoiko kamangimburuangKu, anna pakitaiko kare’dekan ara’na sia kamasa’garan; la nata’takki tu illongmu sia talingammu; na iatu kamu tu torronapa la tibambang nakande pa’dang. La narampa tu anakmu muane sia anakmu baine na iatu kamu tu torronapa la nakande api.

YEHEZKIEL 8:18

Iamoto la Kuparampoi peada’ situang kare’dekan ara’Ku. Tae’ Kula ungkasayangi sia tae’ Kula ungkatirinnai. Moi anna melallak-lallak lako to’ talingangKu, inang tae’ Kula umperangii.

YEHEZKIEL 9:10

Iamoto tae’mo Kula ungkasayangi sia tae’mo Kula ungkatirinnai; la Kupasule langngan ulunna tu gau’na.

HOSEA 1:2

Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

HOSEA 1:6

Ma’tambuk pole’omi tu baine iato anna dadian misa’ pia baine. Ma’kadami tu Puang lako kalena, Nakua: Sangai Lo-Ruhama, belanna tae’mo Kula ungkamasei tu bati’na Israel, Kuurunganni tang umpa’dei tu salana, moi misa’ duka.

HOSEA 5:7

Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.

ZAKHARIA 1:12

Ma’kadami tu Malaeka’Na PUANG nakua: O PUANGna mintu’ ma’dandan maritik, sangapapaKomi tang ungkamasei tu Yerusalem sia mintu’ kota Yehuda, tu nanii kasengkeamMi pitungpulomo taunna?

YOHANES 8:41

Kamu te umpogau’komi penggauranna ambe’mi. Nakuami tinde tau lako: Tae’ra nadiona gau’ sala angki dadi. Misa’ri tu Ambe’ki, iamotu Puang Matua.

ROMA 11:22

Iamoto karitutui tu kamasokananNa sia kamakarrasanNa Puang Matua; iatu kamakarrasanNa lu lako to tobangmo, apa iatu iko kamasokananNa iko Puang Matua, ke tontongko lan kamasokananNa. Iake tae’i, la dita’takki dukako.

ROMA 9:18

Iamoto anNa katuru-turui Puang Matua minda-minda tu Naporai, sia Ia umpabattukki tu penaanna minda-minda Naporai.

YAKOBUS 2:13

Belanna kama’paolaian salu tae’ nakamasei tu to tang umpogau’ kamamasean. Anna iatu kamamasean undaoanni kama’paolaian salu.