HOSEA 2:3 - Sura' Madatu

³ Sia tae’ angKu kamasei tu mai anakna, belanna bati’ dadi lan penggauran sala.

HOSEA 2:3 ပူးပေါင်းရင်းမြစ်များ

KATASSURAN 17:3

Indeto dio ma’rang tu to buda la morai unniru’ uai, iamoto anna ma’nuku-nuku lako Musa, nakua: Ma’apai ammi solangkanni tassu’ lan mai tondok Mesir, la mipateirakannika sola mintu’ anakki sia patuoangki, mate ma’rang?

YESAYA 33:9

Maru’gun sia talo tu padang iato; iatu Libanon masiri’ sia malayu; iatu Saron susimo padang aak na Basan sia Karmel tae’mo namendaun.

YESAYA 47:3

La dikambelangi tu kalemu sia la kakitanan tu kasirisammu. La ma’papakkanniNa’ na moi misa’ tau tae’ Kukatirinnai.

YESAYA 64:10

Iatu kota maindanMi mempadang aakmo, ia duka tu Sion mempadang aakmo sia iatu Yerusalem kariuammo.

YEREMIA 12:10

Buda tu to mangkambi’ ussanggang pa’lak anggoro’Ku sia ullunggenak pa’lakKu, sia umpopempadang aak pa’lak balloKu,

YEREMIA 13:22

Iake ma’kadako lan penaammu mukua: Ma’apai narampoina’ te apa iate? – iamotu belanna kakapuanna kakadakeammu, anna tikalili’ tu biring dodomu sia sombo tu kambutu’mu.

YEREMIA 13:26

Sia Aku kalena la ungkalili’i tu biring dodomu sae langngan lindomu anna payan tu mupomasiri’na,

YEREMIA 14:3

Iatu mintu’ to kapuana ussua pa’kurinanna undaka’ uai; iatonna rampomo lako to’ bubun batu, tae’mo uai naapparan, anna sule lo’bang tu tau iato mai umbaa bussona; kasirisan tu tau iato mai sia maila’ anna umbungku’ ulunna.

YEREMIA 17:6

Belanna iatu a’ganna susi kayu anak tae’ daunna lan lu padang aak, tu tae’ nasa’dinganni, ke saei tu melona, apa tuo dio lu inan marangke lan lu padang pangallaran, iamotu padang ma’sin, tu tae’ natorroi tau.

YEREMIA 2:31

E kamu to dadi totemo, perangii tu kadanNa PUANG: Denraka Kususi to padang aak lako to Israel, ba’tu susito padang mapattang? Ma’apai anna ma’kada tu taungKu, nakua: Mallaimokanni, tae’mo kila sae lako Kalemi?

YEREMIA 2:6

Sia tae’ nama’kada tu tau iato mai kumua: Umbara Nanii tu PUANG, tu mangka ussolangkanni tassu’ lan mai tondok Mesir sia unnanta’kan unnolai padang aak sia kalo’tokan, misa’ padang rangke sia nabayo-bayoi kamatean, misa’ padang tu tae’ lenpa nalendu’i sia natorroi tau?

YEREMIA 22:6

Belanna nakua kadanNa PUANG tu diona tongkonan layukna datu Yehuda: Susiko Gilead sia sangtintiko botto Libanon lako Kaleku – ke tae’i Kupopempadang pangallarangko, tu tang natorroi tau.

YEREMIA 4:26

Iatu padang maelo kutiro dadimo padang pangallaran, sia mintu’ tondokna ro’pokmo dio oloNa PUANG, napobua’ katorrong-torronganNa.

YEREMIA 51:43

Mintu’ kotana mempadang lo’bangmo sia mempadang rangkemo sia mempadang aakmo, iamotu padang tang natorroimo moi misa’ tau sia moi misa’ ma’rupa tau tae’mo lendu’ lako.

YEREMIA 51:5

Belanna iatu to Israel sia to Yehuda tae’ anNa patorro to balui Kapenombanna, PUANGna mintu’ ma’dandan maritik, moi nakabu’i kakadakean tu tondokna umbali-bali Tomaserona to Israel.

YEHEZKIEL 16:22

Lan mintu’ penggauran megalliammu sia gau’ salamu, tae’ mukilalai tu allo kalollerammu, tommu ma’kambelang, tang ma’tamangkale, sia metteba’-teba’ko dio to’ raramu.

YEHEZKIEL 19:13

Totemo ditananmo dio lu padang pangallaran, dio lu misa’ padang marangke sia ba’ta’.

HOSEA 13:15

Moi anna maloboran dio lu to massiulu’, la sae duka tu angin dio mai rampe matallo, iamo tu anginNa PUANG, tu kendek dio mai padang pangallaran, naurunganni iatu kalimbuangna ma’ti sia iatu mata uainna be’ko’ tongan; narampa tu mai ianan ballo napalumpunni.

HOSEA 2:10

Sia la Kupa’dei tu mintu’ kasendeanna, mintu’ pa’gauranna, bulan ba’runna sia allo katorroanna, ondongpi tu mintu’ allo kapuana.

KADA OMBO’ LAKO RASULU’ YOHANES 17:16

Na iatu sangpulo tanduk sia olo’-olo’ tu mutiro, iamo la ungkabiri’ pa’gau’ sala iato anna kalosso’i sia nakambelangi, sia la nakande tu duku’na sia natunu api.

TO PARENGNGE’ 15:18

Iatonna tarru’ ma’rangmo, metambami langngan PUANG, nakua: Mikamaseimo’ te kadirampanan kapua iate tu mangka kulopian, umbamo nakua totemo angku la mate ma’rangmo sia la tobangmo’ tama limanna to tang disunna’i.