HOSEA 2:2 - Sura' Madatu

² Da angKu kalosso’i tu pakeanna nama’kambelang, sia Kupopa’elo’na susi tonna mane ditibussanan, da angKu pasusi padang pangallaran sia Kupadadi padang rangke sia Kupopa’elo’na mate ma’rang.

HOSEA 2:2 ပူးပေါင်းရင်းမြစ်များ

YESAYA 11:12

La Naangkaran bate-bate tu mintu’ bangsa sia la Napasipulung sae tu mintu’ to Israel mangka diula’i male, sia la Napopa’misa sule dio mai tetuk a’pa’na lino tu mintu’ baine to Yehuda mangka dipatisambo’-sambo’.

YESAYA 50:1

Nakua kadanNa PUANG: Umbamira tu sura’ kasitantangan Kuben indo’mi, Kunii ussuai male? ba’tu umbannara tu to umpaindanniNa’ Kunii umbalukkomi? Sangadinna dionari kakelokammi angKu balukkomi sia bannang diori patengkammi anna disua male tu indo’mi.

YESAYA 58:1

Pemandui metamba, da mupela’i, pekapuai tonganni tu gamarammu susi napiri tanduk ammu pokadanni taungKu tu kapatodo-tintinganna sia bati’na Yakub tu mintu’ kasalanna.

YEREMIA 19:3

kumua: Perangii tu kadanNa PUANG, e mintu’ datu Yehuda sia mintu’ to lan Yerusalem. Nakua kadanNa PUANGna mintu’ ma’dandan maritik, Kapenombanna to Israel: Manassa Aku la umparampoi kasanggangan te inan iate, naurungan tilanta’ lan talinganna minda-minda tu umperangii.

YEREMIA 2:2

Maleko umpokadai anna rangii mintu’ tau lan Yerusalem, kumua: Nakua kadanNa PUANG: Kukilalaipa tu kamamalirammu tommu mangura sia pa’kaboro’mu tommu ma’rampanan kapa’, tommu turu’Na’ lan padang pangallaran, iamotu dio lu padang tang dipantananni.

YEREMIA 3:1

(Saemi kadanNa PUANG urrampoina’, nakua): Iake denni misa’ muane untantang bainena, anna male napobainei to senga’, la ma’dinraka tu muane dolona ussulei? Tae’raka nala maruttak tu tondok napobua’? Apa moi muma’gau’ salamo sola buda pa’gau’ sala, la susi bangrokoka to sule lako Kaleku? kadanNa PUANG.

YEREMIA 3:13

Apa la mutandai tu kakadakeammu kumua mangkamoko sorong boko’ dio mai PUANG, Kapenombammu sia male punala bangko lako to sae diong lu garonto’ kayu maluna sia tae’ muperangii tu gamarangKu, kadanNa PUANG.

YEREMIA 3:18

Attu iato to lan tondok Yehuda la male sitammu to lan tondok Israel, anna tau iato pada la sae lu daa mai padang daa ulunna salu lako padang Kukamaseammo nene’ to dolomi la napomana’.

YEHEZKIEL 16:20

ammu alai tu mai anakmu muane sia baine, tu mangka mupadadianNa’, ammu pemalaranni lako, la napokande. Tae’paraka nasundun tu gau’ salamu,

YEHEZKIEL 16:25

Dio lu mintu’ kasitammuan lalan munii umpate’dek palangka, ammu bala’-bala’ kamaballoammu, sia tang masiri’ko umpopa’elo’na kalemu lako mintu’ to lendu’ sia makambanmo gau’ sala mupogau’.

YEHEZKIEL 20:4

Morairokoka umpaolai salu tu tau iato, morairokoka ma’paolai salu, e ma’rupa tau? Paissanni tau iato mai tu mintu’ apa megallianna nene’ to dolona,

YEHEZKIEL 23:43

Ma’tangnga’-tangnga’Na’ Kukua: Iatu baine tang tibala taumo la pasandak saluparaka? La moraiparaka tau unggau’ salai?

YEHEZKIEL 23:45

Apa to malambu’ la umpaolai salunna situru’ salunna, tu dipapatuan baine pasandak salu, sia iatu mai baine umpatibollo rara, belanna pasandak salu sia le’ke’ tu rara dio limanna.

HOSEA 1:2

Inde sia tu bunga’ kadanNa PUANG nalopian Hosea. Ma’kadami PUANG lako Hosea, Nakua: Maleko, muala misa’ baine kadake gau’ sia pia dadi dio mai gau’ sala, belanna lendu’ ia gau’ salana tu tondok sia memboko’mo dio mai PUANG.

HOSEA 2:1

Parapa’i tu indo’mi, parapa’i, belanna tangia baineKu sia iatu Aku tangiaNa’ muanena. Da anna lindo batu massede sia tang ma’bayu la pasandak salu lako rampanan kapa’.

HOSEA 2:5

Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

HOSEA 4:5

La songkako, ke allona, sia la pada songkako tu nabi, ke bonginnai, sia la Kusanggang tu indo’mu.

MIKHA 2:13

Iatu to undoloanni lumingka dolo dio tingayona solana; iatu tau iato mai ma’kakei, anna tarru’ unnolai babangan sia tassu’ inde to dio mai; iatu datunna tau iato mai lumingka undoloanni, anna PUANG umpangului.

2 KORINTUS 5:16

Iamoto randuk te totemo tae’ misa’ duka tau kitandai diona a’gan tolinona. Ke susinna kitandaimi tu Kristus diona a’gan tolinona, apa totemo te tae’mo kitandai susito.