HOSEA 13:9 - Sura' Madatu

⁹ Iamoto tu kasanggangammu, e Israel, belanna mubali-baliNa’ tu Topatunduammu.

HOSEA 13:9 ပူးပေါင်းရင်းမြစ်များ

2 OSSORANNA DATU 28:23

Belanna memala’ lako deata Damsyik, tu untaloi, belanna natangnga’ kumua: Iatu deatanna mintu’ datu Aram mangka untundui; lako kalena la kunii memala’, anna tundui dukana’. Apa iamo napobannang anna tobang rokko kasanggangan sola mintu’ to Israel.

PA’PUDIAN 146:5

Maupa’ tu tau, ke Kapenombanna Yakub tu patunduanna, sia to umposande’ PUANG, Kapenombanna.

PA’PUDIAN 33:20

Deatangki untayan PUANG, Iamo Patunduangki sia balulangki.

PA’PUDIAN 46:1

Lu lakona pangala sengo. Misa’ pa’pudianna to Korah. Unturu’ baenan sengo: Anak dara. Misa’ sengo.

SARAMBU PEADA’ 6:32

Minda-minda tu ma’pangan buni sola misa’ baine, iamoto tae’ inaanna; minda-minda tu umpogau’i te, ussanggang kalena.

SARAMBU PEADA’ 8:36

Apa minda-minda tu tang unnappa’na’, iamo umpamasang kalena; mintu’ tu to ungkabiri’na’ ungkamali’ kamatean.

YESAYA 3:11

Upu’ allona tu to tang mekaaluk, la narampoi kakadakean tu tau iato, belanna la dipasisurung kande limanna.

YESAYA 3:9

Diona kaumpelindoanna tau titanan sa’bi umpasalai, tang masiri’mo umpokada nasangi tu salana susito Sodom. Upu’ allona tu tau iato mai, belanna untumang kalena.

YEREMIA 2:17

Tang iko kalenaraka umpadenanni kalemu te, belanna mutampemo tu PUANG, Kapenombammu, tonNa solangko dio lu lalan?

YEREMIA 2:19

Melo iatu kakadakeammu unnada’ko sia kamembokorammu dio mai Puang la umpa’dikkiko, ammu issanni sia mutandai, kumua kadake sia mapai’ tu untampe PUANG, Kapenombammu sia ke tae’i tu kamatakurammu lako Kaleku, kadanNa PUANG, PUANGna mintu’ ma’dandan maritik.

YEREMIA 4:18

Iatu kedomu sia penggaurammu umparampoi te mintu’na apa iate lako kalemu, napobua’ mintu’ kakadakeammu; mapai’ tongan to sia nari’ta’ ko sae tama penaammu.

YEREMIA 5:25

Apa iatu kakadakeammi untumpui te mintu’ apa iate sia kasalammi umpatoyangi te mintu’ kameloan iate dio mai kalemi.

HOSEA 13:4

Apa Akumo tu PUANG, Kapenombammu, tempon dio mai Mesir, tae’ Kapenomban mutandai sangadinna Aku sia tae’ misa’ to merampanan sangadinna Aku.

HOSEA 14:1

Iatu Samaria la umpassanni tu salana, belanna pabali-balimo lako Kapenombanna. La tibambang tu tau iato mai nakande pa’dang sia la dipessambakan tu mai anak bitti’na sia iatu mai baine ma’tambukna la ditesse tu pa’tambukanna.

HOSEA 7:14

Tae’ duka nadio mai penaanna tu tau iato mai metamba lako Kaleku, ke sumarroi dao patindoanna. Natori’-tori’ piso tu kalena umpalaku gandung sia uai anggoro’ ba’ru; pabali-bali tongan tu tau iato mai lako Kaleku.

HOSEA 7:15

Moi Kuada’i sia Kupamawatang tu takia’na, apa nenne’ bang untangnga’ kadake unneaNa’.

MALEAKHI 1:12

Apa mipamatuna tu sangangKu, belanna mikua: Iatu medaNa PUANG apa tang melo, sia iatu apa dao, iamotu kande, iamo dipamatuna to.

MALEAKHI 1:13

Sia ma’kadakomi mikua: Tiromi, lendu’ ia tu sara’! Mipessa’da-sa’dai, kadanNa PUANGna mintu’ ma’dandan maritik; mipennoloan tu apa dirampa, apa sondo’, sia apa masaki. Iammi pennoloanni tu pemala’ susito, la nakalo’raka penaangKu untarimai diong mai limammi? kadanNa PUANG.

MALEAKHI 1:9

Iamoto, pamalinomi tu penaaNa Puang Matua, anNa katuru-turuiki’! Denmo tu gau’mi susito. Umbanii apa Na la matana untirokomi moi misa’ duka! kadanNa PUANGna mintu’ ma’dandan maritik.

PA’TOLE 33:26

Moi misa’ tau tae’ sangtende’na Puang Matua, e Yesyurun; tu ma’kareta dao langi’ butung to patunduammu, sia situang kapasareongananNa dao lu salebu’.

PA’TOLE 33:29

Maupa’ko, e to Israel; mindara susimmu? Iamotu misa’ bangsa Nalendokan PUANG, tu balulang patunduammu sia pa’dang kamatandeammu. Iamoto na iatu ualimmu unna’ga to mengkanorong bangmo kalena lako kalemu, sia mulese tu padang madaona.