HOSEA 11:9 - Sura' Madatu

⁹ Tae’ angKu la umpalanda’i tu kasengkean dukkungKu, tae’ra angKu tarru’ la ussanggangi tu Efraim. Belanna Akumo tu Puang Matua tangia tolino, maindanNa’ lan lu tangngami, sia tae’ angKu la sae situang kasengkean dukku-dukku.

HOSEA 11:9 ပူးပေါင်းရင်းမြစ်များ

2 SAMUEL 20:10

Tae’mi nakatangkinni Amasa tu pa’dang dio limanna Yoab; natobokmi Yoab tu tambukna, anna tiampa’ tu tambukna rokko padang; tae’mo napenduanni natobok, belanna matemo; malemi to tu Yoab sola Abisai, adinna unnula’ Seba, anakna Bikri.

PA’PUDIAN 46:5

Den misa’ salu: iatu salossokna umpopaiman kotaNa Puang Matua, inan mandu maindan naisungi Patodoranna.

PA’PUDIAN 78:38

Apa belanna kamamaseanNa Naseroi tu salana tau iato mai sia tae’ Nasabu’i; nenne’ poleo’I unta’tan sengke budanNa, sia untemme’ ara’ rumeke-mekeNa.

PA’PUDIAN 85:4

Mirampanammo tu mintu’ kare’dekan ara’Mi, sia Mitoyangan tu Kalemi dio mai kasengkean ma’lulu-lulumMi.

YESAYA 12:6

Unnarrakkomi sia sumapukokomi, e pa’tondokan Sion, belanna iatu To maserona to Israel pasareongan illan tangngami.

YESAYA 31:1

Upu’ allona tu mintu’ to male rokko Mesir la umpalaku pa’tunduan, tu umposande’ darang sia urrannuan kareta, belanna buda, sia pakkanarang, belanna seba’ bilanganna, apa tae’ namengkamoya lako To maserona to Israel sia tae’ namekutana lako PUANG.

YESAYA 41:14

Da mumataku’, e Yakub pada ulli’, e Israel bangsa bitti’! Akumote tu untunduiko, kadanNa PUANG, na iatu Pela’bakmu iamo To maserona Israel.

YESAYA 41:16

La muta’pii, anna baai angin sia napentiaran bara’; apa iatu iko la kumalasi belanna PUANG sia massattuan belanna To maserona Israel.

YESAYA 48:9

Tete dio sangangKu angKu temme’pi tu ara’Ku sia diona kadipudiangKu angKu ta’tanpi tu Kaleku belanna mupomelona, dikua da angKu pisanniko.

YESAYA 5:24

Iamoto, susitu api mendelok unnimbakan dalame sia susi ria ditombon napopennau api, susi dukamoto tu aka’na tau iato mai la buruk sia iatu ta’binna la sisarombonan susi barra’-barra’, belanna naboko’imo tu Sukaran alukNa PUANGna mintu’ ma’dandan maritik sia nabelle’i tu kadanNa To maserona to Israel.

YEREMIA 26:3

Den sia manii upa’ nama’perangi tu tau iato mai anna pantan mengkatoba’ dio mai kakadakeanna, angKu urunganni menassan la umparampoi kamandasan tu Kutangnga’, belanna kakadakeanna gau’na.

YEREMIA 30:11

Belanna Kurondongko, kadanNa PUANG, angKu rampanangko; belanna la Kusabu’i tarru’ tu mintu’ bangsa, tu Kunii untale’ko, apa iko tae’ Kula ussabu’i tarru’ko, sangadinna la Kupa’dikkiko sitinayanna, moi natae’ Kupopa’elo’nako tang diukung.

HOSEA 12:1

Nalilingi bangMo’ Efraim ma’kada mo’rang sia bati’na Israel ma’pakena bang – na iatu Yehuda tontong bang umbali-bali Puang Matua sia To tarru’ maindan, tu maruru’ bang.

HOSEA 14:4

Tae’mo anna Asyur tu la urrampanangkanni, tae’mo angki la ma’darang. Sia tae’mo angki la ma’kada lako panggaraga limangki kumua: O Kapenombangki! Belanna diori mai Kalemi nanii unnappa’ kamamasean tu pia biung.

MALEAKHI 3:6

Tonganna, Aku te, iamotu PUANG, tang leluk, na kamu, iamotu bati’na Yakub, tae’ midisabu’i.

KADIBILANGAN 23:19

Iatu Puang Matua tangia tolino, anNa ma’kada tang tongan; ba’tu misa’ ma’rupa tau, anNa menassan. Ma’kadaraka anna tang umpogau’i, ba’tu mangallu’, anNa tang umpadadii?

PA’TOLE 13:17

Moi misa’ duka apa tu dipa’pemalii tae’ nama’din le’ke’ dio limammu, kumua Napamerei PUANG tu kare’dekan ara’Na, sia Napa’petiroan tu pa’kamaseanNa lako kalemu, Naka- maseiko sia Napopemba’ka’ko, susitu Naallu’ lako nene’ to dolomu Napa- laoan sumpa.

1 SAMUEL 26:8

Nakuami Abisai lako Daud: Allo ia duka te Nasorongi Puang Matua tu ualimmi tama limammi. Da’ito kupissanni kurok doke iate anna silinda’ padang, da kupenduanni kurok.