HOSEA 10:3 - Sura' Madatu

³ Inang ma’kada tu tau iato mai totemo, nakua: Tae’ datunta – apa iake tae’i takataku’ PUANG, apara ma’din napogaurangki’ tu datu.

HOSEA 10:3 ပူးပေါင်းရင်းမြစ်များ

KADADIAN 49:10

Iatu tekken kapayungan tae’ anna la tileluk dio mai Yehuda, sia iatu ta’ba kaparentan tae’ natiberu dio mai to’ lentekna. Sae lako saena tu Silo, na lako kalena nanii mengkaola mintu’ bangsa.

2 DATU 15:13

Iatu Salum, anakna Yabesh, dadi datu tonna taun ma’pentallungpulo ngkasera kadatuanna Uzia, datu Yehuda; anna ma’parenta sangbulan dio Samaria.

PA’PUDIAN 118:9

Mandu maelo ia, ke PUANG dipentionganNi, na iatu umposande’ to la’bi’.

PA’PUDIAN 12:4

Sanggangimi, PUANG, tu mintu’ puduk passede sia mintu’ lila ma’kada madongnga’.

YESAYA 5:19

Tu ma’kada nakua: Melo ke madomi’-domi’I, melo ke Nasarra’-sarra’i tu penggauranNa, anta tiropi; melo ke samandappi’-dappi’nai tu apa Nalampakna To maserona to Israel, anta issanni.

HOSEA 10:15

Iatu iannato buntu tumangna Betel sia pa’pobua’na kaliuan kadakemi. Ianna tilalekmo masiang, iatu datu Israel la disabu’imo.

HOSEA 10:7

La disanggangmo tu Samaria; iatu datunna susi to bulisak naangan uai male.

HOSEA 11:5

Tae’raka pa’tangngaranna sule lako Mesir? Manassa Asyur la undatui, belanna manoka mengkatoba’ tu tau iato mai.

HOSEA 13:10

Umbamira tu datummu, tu la urrampanangko lan mintu’ kotamu, sia umbamira tu to ma’parentamu – e iko tu mangka ma’kada kumua: Benna’ misa’ datu sia ba’tu pira-pira arung.

HOSEA 13:11

Kubenmoko misa’ datu situang kasengkeangKu sia Kuala pole’ situang kamagalliangKu.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

MIKHA 4:9

Ma’apai ammu melallak-lallak susito? Tae’raka datummu? Ba’tu sabu’raka tu pa’bisarammu, muurunganni mapa’di’ susito mangurria’?

YOHANES 19:15

Apa ramban tu tau metamba nakua: Tombonni lao, tombonni lao! a’ta’I Ia tu! Nakuami Pilatus ungkuanni: Sipaturaka la kua’ta’ tu datummi? Nakuami mintu’ pangulu to minaa mebali: Tae’ kami datungki senga’na, ia manna tu datu kapua.

1 SAMUEL 12:25

Apa iake inang umpogau’komi kadake, manassa la diputtaikomi sola datummi.