HOSEA 10:2 - Sura' Madatu

² Mo’rang tu penaanna, totemo la napassan tu bua kasalanna: la Nasanggang Puang tu inan pemalaranna sia la Naro’pok tu mintu’ batu dipodeatanna.

HOSEA 10:2 ပူးပေါင်းရင်းမြစ်များ

1 DATU 18:21

Attu iato napentireke’imi Elia tu mintu’ to buda, anna ma’kada nakua: Sangapaporokomi la lumingka sondo’ patomali? Iake PUANG tu Kapenomban, pengkaolaimi, ianna Baal, pengkaolaimi. Moi sangbuku kada tae’ napebalii to buda lako.

KATASSURAN 23:24

Da mutukku umpenombai tu deatanna tau iato mai sia da mupengkaolai sia da muturu’i tu penggauranna, sangadinna la musabu’i nasang tu iannato sia la musanggang-sanggang tu mintu’ batu napa’deatainna.

SARAMBU PEADA’ 11:18

Iatu to tang mekaaluk ungkabu’tu’i saro tang ma’pamaupa’, apa iatu to unnambo’ kamaloloan, ungkabu’tui saro matontongan.

YESAYA 44:18

Tae’ kapaissananna sia tangnga’na, belanna sikeppe’ tu matanna, naurunganni tang pakita; sia situtu’ tu mata penaanna, naurunganni tang paissan.

YEREMIA 43:13

Ia dukamo la umpoka-pokai tu mintu’ batu dipodeata dio to’ banua deata mata allo, tu bendan dio Mesir sia nasumpun tu banua deata dio lu Mesir.

YEHEZKIEL 14:5

angKu patiakka’i tu penaanna to Israel, tu umboko’iMo’ sola nasangi sola mintu’ rapang-rapang dipodeatana.

HOSEA 12:11

Sia la ma’kadaNa’ lako mintu’ nabi sia la Kupabuda tu patiro mendeata sia la ma’kadaNa’ lan pa’pasusian nalopian mintu’ nabi.

HOSEA 3:4

Belanna iatu to Israel la masai torro tang didatui, tang diarungi, tang memala’ sia tae’ batu dipodeatanna, tae’ epo’na ba’tu balo’ taunna.

HOSEA 7:8

Iatu Efraim umpasirau kalena mintu’ bangsa. Iatu Efraim susi misa’ pa’ranggina tang dibaliangan.

SURA’ KATOMINAAN 26:30

Sia la Kusanggang tu inan madao sia la Kusabu’i tu inan pemalaran pantunuan dupammi sia la Kupembuangan tu batang rabukmi dao batang rabukna deatammi sia la Kukalilukomi.

MIKHA 5:13

La Kulampi’i duka tu lentong dipodeatammu lanmai tangngamu sia la Kusanggangi tu mintu’ kotamu.

ZEFANYA 1:5

sia mintu’ tu to tukku menomba dao papa dio tingayona mintu’ ma’dandan maritik dao langi’, sia iatu to tukku menomba sia umpalao sumpa tete dio PUANG sia umpalao sumpa tete dio Milkom, deatanna;

ZAKHARIA 13:2

Sia allo iato, kadanNa PUANGna mintu’ ma’dandan maritik, la Kuputtai tu sanga dipa’deatainna lan mai tondok iato, naurunganni tae’ lenmo nala ungkilalai tau iato mai; sia ia duka tu mintu’ nabi sia penaa bulituk la Kupa’dei lan mai tondok.

MATIUS 6:24

Tae’ misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na nasarroanni tu misa’na. Tae’ mima’din umpekapuangi Puang Matua mipengkaolai dukai tu Mamon.

LUKAS 16:13

Tae’ ia misa’ kaunan ma’poperuranni lako da’dua puangna, belanna tae’ nasalai tang nakasorro tu misa’na, naporai tu misa’, ba’tu la’ka’ lakoi misa’na, nasarroanni tu misa’. Tae’ mima’din umpengkaolai Puang Matua, mipengkaolai dukai tu Mammon.

YAKOBUS 1:8

iamotu to ma’ranga’-ranga’ penaanna, sia tang ma’rundunan mintu’ lalanna.

YAKOBUS 4:4

E kamu tu dipasitinti to ma’gau’ sala, tae’raka mitandai kumua kasiporaian lino iate, iamo kasiualian Puang Matua? Iamoto minda-minda morai la siporai lino iate, iamo mendadi ualinNa Puang Matua.

1 YOHANES 2:15

Da mikamali’i tu lino ba’tu apa lan lino. Iake denni misa’ tau ungkamali’i te lino, manassa tae’ pa’kaboro’Na Puang Matua lan tau iato.

1 SAMUEL 5:4

Iatonna melambi’ dio mai millikmi tu tau iato mai, oo!, songka pole’omo tu Dagon tipessussuk tu lindona rokko padang dio olona pattinNa PUANG, apa iatu ulunna sia limanna patomali tantang tipelleba’ lako to’ ampang ba’ba, nakalena mannamo Dagon torro siapa.